هلا بنات شخباركم ان شاء الله كلكم بخير وصحه وسلامه الله يسلمكم توني اكلم رفيجتي بالمسن الا اتقول لي عن زوجها وطلبت مني ان اكتب لكم لانها حبت ردودكم وحلولكم الله يسلمكم اهي تزوجت واحد اتحبه ومن الاهل يعني اول متزوجت شافت صوره معا بنات في اوضاع ال --- عورها قلبها مسكينه وسكتت وماقالت لاي احد غيري وبعدها عرفت انه يكلم وحده كان يعرفها من قبل وهالبنت تتصل فيه وياما كلمتها رفيجتي بس ماتابت تمت تتصل حق زوج رفيجتي ولا بمفتكره في زوجته مسكينه واللي يكلمها مره عوده اكبر منه ولين يطلع برا البيت يتاخر ورفيجتي تتصل له مسكينه ولا ايرد عليها ولا يعبرها ومن ايي البيت اتقول كله سرحان ويفكر ومتملل وماله خلق واللي ازيد من جذي انه يقفل تلفونه برقم سري والحين اهي طالبه شوركم ما اتعرف شتسوي معا زوجها واللي يكلمها اعصابها تعبت مسكينه واهي توها معرسه ومابغت اتدخل اهلها بالموضوع عشان ماتكبر السالفه
؟
