يدخلوني ولاده ؟؟

[احساس نادر]

السلاااام شلونكم حبيباتي

انا بجر ومخلصه التاسع معديته ب خمس ايام وتعبت نفسيا ماتجيني لا طلوق ولا تساليف خير شر ولا كأني مخلصه التاسع فاتوقع طلوقي بارده بروح الفروانيه واطلب يدخلوني ولاده بطلق صناعي بغيت اسال يدخلوني عادي ؟؟؟
ولا مايصير بجريه ماعرف

 

[Aloe Vera]

بالخاص يصير بس بالحكومة مادري

و نصيحة لا تقطين روحج للولادة خليها تيي من الله وايد اسهل
خلي دكتورة تفحصج اذا الرحم مسكر وايد راح تتعبين بالطلق الصناعي و يمكن مايفتح و تتحولين قيصرية

و اذا مصرة تولدين عالاقل تسويلج الدكتورة توسيع
بس ترا الطلق الطبيعي وايد اسهل من كل هذا
و عادي تطوفين موعدج دام الجنين و المشيمة سليمين معناته ليلحين ماصار موعد الولادة الفعلي و هالتاريخ مجرد توقعات مو شي مضمون

 

[7oor kuwait]

مابي افتي بس اتوقع بالنسبة للحكومة راح يجيكون على حالتج والمشيمة قبل لا يقررون اي شي,واذا كان الوضع طبيعي ينطرون عليج من اسبوع لي اسبوعين لانج بجر,وما تدرين يمكن حسب الدكتور الي يفحص تكلمينه ويرضا والله اعلم

 

[اريـ الكويت ـاف]

الحكومة اسبوعين بعد اخر موعد يلا يدخلونك طلق صناعي بس نصيحة انا دايما اطوف موعدي و مرة طفت عشربن يوم و قالتلي الدكتورة لازم تدشين و خوفتني انه مضر علي و على البيبي بس و الله مالي شغل رحت البيات و لا رديت عليها و تميت لحد ما يتني الولادة طبيعي و الحمد الله الله سهل الولادة الله كاتبها و مهما طولتي راح ايي يوم و ييك الطلق لا تلعبين بروحك و انتي بكرية ترى حرام عليك اخاف يلعبون فيك و تاليتها فملية الله يهون عليك و يسهلك و لادتك و يقومك بالسلامة

 

[Ranoon]

اب انا بكرية وحابه استفيد

الله يسهل عليج ولادة طبيعية
وتبشرينا ،،،

 

[مظلومة حيل]

تنطرين بعد التاسع باسبوعين خوفج تدخلين و يحطون لج طلق صناعي و تتعذبين و يحطون لج تحاميل و تتلعوزين او ما يفتح معاهم خليه يجي من ربج احسن كلش كلش مستعجله روحي يسوون لج توسيع و يفتحون الرحم و يطلعونج تمشين ساعة و تشربين خروع و تولدين ان شالله بسلامة

 

[حبيبة اهلهاا]

احساااس بليز لا دشين انتي بجر ترا عادي اذا انتي مفتوحه ١ سانتي روحي لدكتوره بالفروانيه توسعج عالاقل ٢ سانتي و بعدها ب٣ ايام ان شااء الله وانتي والده

انا كنت نفسج لا تغلطين غلطتي بليز اقولها لج من كل قلبي خلي يوسعون لج و لا تطلبين طلق صناعي و رحمج سميك لان نسبت تولدين طبيعي قليله

بس اذا الرحم لااان ان صار لين هني تاخذين الطلق الصناعي و انتي مرتاحه

و يلين الرحم بعد التوسعه


و ادعيلي

 

[ناتشوو]

والله سجلت دخول علشان هالموضوع
طيران ع الفروانية
اطلبي تخطيط
وع اساسه يحددون تدشين ولادة
ولا يقولون لج نطري
ع الاقل تنطرين وانت متطمنة
اما تنطرين بقلق وبلا هدف
لا ديري بالج
انا خبرة بالعاشر
اخر ولادة
اخذت اسبوع من العاشر
وقالو يوم وترك سوي تخطيط
بس انا
اهملت ٤ ايام
ولما رحت
وسويت تخطيط
قالو طيران ع الولادة
كان الجنين بخطر
وبفضل ربي
عدى وسلم الوضع
مع طلق صناعي
فديري بالج وسوي تخطيط بالحكومي

 

[حبيبي مالكني]

لا تستعيلين
انتي بجر
ويمكن حسبة الدكاتره غلط
ان شاالله بيلج الطلق وبتولدين بسلامة

 

[احساس نادر]

مشكورييين لكا من رد علي الله يجزاكم خير

رحت للفروانيه والحمدلله كنت اقرى ادعيه تسهيل الولاده واكثر استغفار طلع الرحم مفتوح واحد ونص سانتي وسويت تخطيط فيني طلق قالت تعالي بعد ساعتين ولا ثلاث دخول كل شي طبيعي مايحتاج طلق صناعي وتوني شربت خروع يحمي الطلق ومن رديت البيت بدا ينزل معاي دم كل ما امسح تكرمون يطلع دم ان شالله ولادتي قريبه الفجر ولا الصبح باجر اللهم اسالك حسن الخلق وهون الطلق محتاجه دعائكم عشان اولد طبيعي

 

[احساس نادر]

وكل شي من بعد امر الله طبعا ويااا رب يااا رب يااا رب اولد طبيعي انا بجر وخايفه اخنقه ولا ماسوي بوش عدل

 

[ملكه الحطب]

اختي انا كنت نفسج حيل احاتي وتوني والده قبل امس طفشت ورحت للدكتوره الحكومه الصباح افحصتني والا مفتوحه ٢ سانتي ويمكن سوتلي توسعه شوي وبعدها رجعت البيت وقامت تجيني طلوق ونزل دم ومخاط هذي السداده بعدها ثاني يوم ولدت ولاتخافين ولاترددين مع انه بولادتي هذي كنت حيل خايفه وتساهيل من الله ادعي واستغفري وكنت اقرى حتى قبل الفحص سوره الانشراح

 

[ملكه الحطب]

ياحياتي الله يهونها عليج يااارب وان شاء الله تتسهل ذكرتيني بنفسي قبل يومين
توكلي على الله الحي الذي لايموت وخلي هالايه في بالج وثقي بربج ان مع العسر يسرا

 

[ناتشوو]

الله يهون عليج
تتسهل
لا تفكرين بوش وبخنق
توكلي ع ربج وبس
وع فكرة تعودنا نوصي
الوالد تدعي لنا
ادعي لامي الصبح عندها عملية
الله يقومها بالسلامة
يارب ويشرح صدرها

 

[الـجـوري]

ي قَلبـ♡ــي احسااااس وااااخيرراً



يااااااري يتممم عليج وتولدين بسلامه ۋربيّے احاااتيج اقوول شصاار عليهااا


يلا ي قَلبـ♡ــي هااانت كلها جم سااعه وان شالله وااالده

عااد طمنينا بس تولدين بسلامه

وهااا لاتنسين القصه اهم شي هههههههه

ي قَلبـ♡ــي بسلااااااااامه ان شالله ..

 

[متفائله بالحياة]

احساس نادر الله يهون عليج ويسهل ولادتج من عنده سبحانه
ويقومج بالسلامه وتبشرينا بسلامتج وسلامة البيبي
ان شاء الله انتي وكلي أمرج لله ومن توكل على الله فهو حسبه

 

[متفائله بالحياة]

ملكه الحطب
الحمدلله على السلامه
ومبروك ماجبتي ومثل ماقلتي الأمور
سهالات دام إنج واثقه بالله
ناتشوز
الله يشافي أمج ويخليها لكم ياااارب

 

[امـ خــزامـى]

الله يهون عليك ويخلي لك البيبي ويحسن خلقه ويحفظه

توكلي على الله واحسني الظن وابتعدي عن الوساوس والخوف


باتشو الله يشفي الوالده ويطول بعمرها على الرضا والطاعه

طمنووونا عاد لاتنسونا

 

[حمامة صالح]

الله يسهل عليج ولادة طبيعية

 

[جذابه بنت ذيابه]

الله يسهل عليج يارب