يزاكم الله خير شوفو حالي من بعد الله

[AseeRat 8AlBy]

السلام عليكم



شلونكم بنات



بدخل بالموضوع على طول انا من دخلت العلمي قمت احاتي كل شي

انا ما ابي اغير وادخل ادبي لانه عندي طموح وهدف بس بنات اييني نفس الوسواس

ما اقدر انام اقعد لي ساعه اربع وانام بس نومي مو مريح واحيانا اروح مواصله


عندي المواد عادي لو مافهمت اروح للمدرسه او اييب مدرسه خصوصيه بنات كرهت الدراسه


كلهاا واحيانا اكره روحة المدرسه مع اني شاطره بنات انصحوني وربي مادري شصار فيني :0bee2e8d89:

 

[بنوته جامعية]

نظمي وقتج


وقت للمدرسه ووقت للدراسه بالبيت


واهم شي النوم


اذا نمتي عدل راح تقعدين نشيطه ومصحصحه ومنتبه بالحصه وتفهمين كل شي ان شاااء الله
وتوخرين عن المدرسيين الخصوصيين اللي يضيعون الوقت




وتوكلي على الله واقري ادعيه وقرآن قبل لا تنامين


وبالتوفيق ان شاااااااء الله

ويارب تاخذين نسبه عاااااااااااليه

 

[miss thrba]

بعد عمري انا تخرجت من الثنوي من 4سنين

ولما دخلت 3 ثنوي علمي حسسيت بنفس احساسج


كنت كل يوم ابجي ونفسيتي تعبت وامي كانت تحاتيني


بس الحمدالله مع الايام بيروح الاحساس صدقيني لانه كل شي يييييييديد بتحسيين باحساس غريب بجي وغلقه


خصصيلج ساعه تقرين فيها ورد من القرآن و توكيلي على الله وإن شاءالله تكونين من الاواائل يارب

 

[badraa_85]

لا يا حياتي عادي عادي لا تتازمين انا كنت نفسج

بعدين قمت ارقي نفسي وما احاول اوسوس او افكر بخوووف والحمدالله راح عني هالشي

وسبحان الله ملاحظه اغلب الي يدشوون علمي تمر فيهم هالحاله فلا تحااااااااااتين

 

[AseeRat 8AlBy]

تسلمون حبايبي على النصايح

ويزاكم الله خير إن شاء الله خير


استغفر الله استغفر الله

 

[Matilda]

والله شي عااادي
انا على ايامي مقررات اول مادخلت علمي كان اول كورس عندي فلم لا تشوفيني ابجي وحالتي حالة واحاتي وشايلة هم وكلة اخاف وااجل امتحاناتي بس بعدين صار عندي شي عاادي وسهل وتعودت على الوضع والله نصيحة لا تحولين ادبي والله يوفقج ياارب

 

[نايفة الوصوف]

عادي مو بس انتي تحاتين انا لما دخلت العلمي كنت احاتي بس بعدين صار الوضع عادي انتي ادرسي اول باول ولا تطوفين شي انتي مو فاهمته واذا فهمتي بنسبه 90% قولي لنفسش خلاص انا شنو احاتي الحمد لله فاهمه واللي ما فهمته حيل براجع عليه وبصير فاهمته100%

 

[نايفة الوصوف]

عادي مو بس انتي تحاتين انا لما دخلت العلمي كنت احاتي بس بعدين صار الوضع عادي انتي ادرسي اول باول ولا تطوفين شي انتي مو فاهمته واذا فهمتي بنسبه 90% قولي لنفسش خلاص انا شنو احاتي الحمد لله فاهمه واللي ما فهمته حيل براجع عليه وبصير فاهمته100%
الله يوفقش

 

[AseeRat 8AlBy]

يزاكم الله خير

وان شاء الله اكون قدها وارفع راس اهلي بمجموع طيب

ادعولي بنات

 

[• قلبه نصيبي •]

ياحياتي عادي هالاحساس اييي بس مع الوقت بيروح ان شاءالله !
الله يوفقج بدراستج