يسافر وعمره 9 شهوور !!؟

[العيون الناعسه3]

السلام عليكم ورحمة الله وبركاته


بنااات انا خالتي بتسافر بعد العييد تايلند وولدها بيكون عمره 9 شهوور وهي اول مره تجرب السفر مع طفل , اللي مجربه ياليت تفيدناا وتكتب تجربتها

مشكوريين مقدما حبايبي واتمنى ما تبخلون بردودكم :eh_s(7):

 

[طيبة83]

اي عتدي انا اختي كانت تودي عيالها تايلند من يوم اهما صغار

بس خل تحاسب عليه ما تطلعه وقت الزحمه في بانكوك لانه تلوووث وناااس

حتى اذا بتروح جزر ورحلات لازم يكون عندها احد يمسكه لان صعب توديه رحلات بحر

 

[نـعـومـه]

للحين ماجربت اسافر مع بنتي بس عندي تعب جسدي ولا تعب نفسي اذا خليته بالكويت حيل راح تحاتين وتتعبين نفسيا

 

[توحه1]

تالند مومال هالعمر ابد يبيلها من عمر ٨ سنوات وفوق
خل تاخذ بامبرزيكفيها للفتره الي بتسافر فيها
ادويه للحراره والسعال والسهال وانت بكرامه
عربانه للبيبي جنطه صغيره تكفي اغراضه للرحلات لان الرحله خل تحسب حسابها من ٨ ص لي٦ م
كلنكس مرطب للبامبرز كريمات اول ماتوصل هناك خل تشتري بنكه الي تتعلق على العربانه لانه حر واليال يتنرفز من الحر واكل اذا يحب شي خاص
لاتنسى المايو لان اونس مافي هالديره السباحه

 

[PinkLulu]

إذا متعودة تطلع ولدها معاها السوق ومطاعم فالسفر نفس الشي...عادي

أصعب شي الطيارة...لأنه مكان غريب عليه ومايقدر يتحرك ويلعب على كيفه

والحل يكون معاها ألعاب أو أيباد يشوف فيه ألوان وأشكال

ووقت الاقلاع والهبوط يمص مصاصة أو يشرب حليب أو أي شي يمصه عشان الضغط


أهم شي يكون معاها عربانة...وجنطة فيها هدوم احتياطية وحفاظات و wipes و مميات وأكل بعلب صغيرة

صدريات disposable عشان تنقط على طول

مقياس حرارة وأدول وبخاخ الأنف احتياط

معقم مميات المناسب للسفر

وتسوي جدول حق وجباته...عشان تعرف شنو تودي معاها من الكويت

شرشف ولحاف وفوطة لأن مرات اللي يوفره الفندق ما يكون مناسب

واي شي متعود عليه ولدها لازم تاخذها معاها

 

[om MaRyooM]

على حسب طبع الياهل
اذا هادي ومايحن وايد خل توديه

غير جذي ماانصحها
لأن تايلند بعيدة وهذا غير جوها رطوبة وخيسة وكله رحلات وحركة وزحمه
لو في احد تحط عنده الياهل وايد افضل

 

[العيون الناعسه3]

مشكورين خواتي ماقصرتوا

 

[العيون الناعسه3]

ررررررررررفع

 

[قلبي خالد]

تحطه عند اهلها وتروووح الياهل بيمرض من تغير الجو و عاد المرض برا الكويت واي

 

[KOKO_284I]

تودي معاها

لان ما منه اذيه

يرضع واتبدله وبالعربانه

 

[العيون الناعسه3]

ررفع

 

[العيون الناعسه3]

اااااب

 

[العيون الناعسه3]

ررفع

معقوله ولا وحده جربت السفر مع رضييع !!!!

 

[غنوة ستايل]

انا سافرت الهند علاج مع ريلي وبنتي عمرها 3 شهور
عادي
المهم الحليب الحليب الحليب كثري منه عشان لا تتوهقين انا توهقت
والحفاظات اخذي وكثري لان بتتوهقين فيها

صراحه ما كنت اطلع بنتي وايد بالشارع كله بالفندق مع الخدامه . واطلع انا وريلي وولدي بو سنه وشوي
وناسه

 

[العيون الناعسه3]

مشكورة حبيبتي

رررفعع

 

[طير الحب]

انا راده من امريكا ببنتى وعمرها 3 اسابيع بس عاددددددددددددددددى

 

[دلال و غلا]

انا سافرت و اخذت بنتي معاي و عمرها شهر و كم يوم
و كان الوضع عادي حتى بالطياره كانت نايمه و قعدت مره ع شان وقت رضعتها
و كنت ماخذه معاي دراجتها و شنطه فيها حليب و مطاره ماي و علبة ماي صحه و بامبرز و مناديل جونسون و كريم
و فوط صغيره اذا ابي ارضعها احطها لها و انظف وجها فيها حيل مفيده الفوط
وحاطه لها بعد لحاف صغيييير

واهم شي تكثر من الحليييب و البامبرز
*

 

[المكسيكيه]

عادي انا بنتي سافرت عمرها 4 شهور مره ومره 7 شهور

 

[modern]

صعب السفر مع طفل هو رح يتعب و هي رح تتعب ولا تنسي مشكلة الاكل حق الطفل

 

[العيون الناعسه3]

مشكوراات خوااتي ^^