يصير أسوي ؟

[Sweat Dreams]

مرحبا كويتيات












حبايبي بسالكم يصير أسوي حمام مغربي آنا بالسادس
فيه وحده سوت حمام مغربي وما صار فيها شي صراحه بخاطري أسوي قبل العيد :080402ask_prv:

 

[الأميرة جوري]

لا ديري بالج مو زين يمكن

 

[ام بوحنة +]

رد : يصير أسوي ؟

ما انصحج
لانه بتفرج ظهرج حيا وهذا مو زين

 

[miss-winter]

لاااااااااا ليش المغامره حبيبتي

 

[شقرا كويتيه]

رد : رد: يصير أسوي ؟

لاحبيبتي موزين بخار تختنقين وتفركج لا لاتسوين لاحقه تسبحي ببيتج ابركلج

 

[om_3azoz]

لا حبيبتي لاتسوين لاتغامرين بروحج وبالبيبي

اتذكر على ولدي البجر كنت بشهر 3 رحت كنت بسوي قتلها بس انا حامل قالت لا ماقدر اسويلج موزين لج ولا حق الياهل

 

[BiiShOoO]

لا مووزين لا لج و لا ليلبيبي

 

[.،:"$الـعـوبــــة$":،.]

رد : يصير أسوي ؟

انا سمعت انه مو زين اول الاشهر عشان التفريك والدوخه ! وقلت بسوي اخر الاشهر ! وبجيب صالونة للبيت تسويلي وتحطني بخيمة السونا يعني مافيه دوخه ولاغيرها !
قالت الصالونة وكانت مغربية بيضااااااااااااااااااااااااااااااااااا ! قالت ترى مافيه فايدة من انك تسوين الحين لأن السواد اللي يجي من الحمل مايروح بالتفريك فترة الحمل ! مايروح الا بعد الولادة ! ولازم قبلها اتدهنين بخلطات وبعدها تسوين حمامات مغربية !​

 

[Sweat Dreams]

رد : يصير أسوي ؟

حبايبي أشكركم على المرور وعلى الأفاده
وجزاكم الله خيييييير:hjy5jewf:

 

[a7la wa7da]

لا حبيبتي بسم الله لاتسوين طبعاً مو زين :tek:

 

[Maltesers]

رد : رد: يصير أسوي ؟

ما يبيله شي سوي بالبيت أحسن .. بعد الولادة ان شالله سوي بالصالونات .. والله يسهل عليج ويقومج بالسلامه

مع اني ترى جربت وسويت بصالون وانا حامل .. بس اختنقت من البخار وحسيت اني بطيييييح وما قدرت اتنفس .. البخار يخنق

 

[احبه حييييلA]

لا حبيبتي ديري بالج