يصير أنزل 4 كيلو بدون ريجيم؟؟؟

[عروسة كانون]

السلام عليكم

حبايبي ودي أنزل 4 كيلوو

لكن بدون ريجيم

يصير؟؟


ما أقدر ما أكل زين صراحة
أو أعوض الأرز بسلطة

تجيني دوخة وصداع ودوار
حاولت وحاولت بدون فايدة لازم هالأعراض تجيني

الله يعين ويساعد إللي يبون ينزلون عشرات الكيلوهات
والله حاسة فيكم:yaaaaaarb:​

 

[بـ سـ كـ وتـ ة]

اي حبيبتي تقدرين

آنا مثلج لازم نشويات ولا يحوشني هبوط في السكر

وأصلا أقوم من الأكل مو شبعانة

بس ابدي بالسلطة وحاولي إنها تكون لذيذة أول شي عشان ما تحسين نفسج مغصوبة

ثاني شي تكون مغذية ... مو خس وخيار وخلصنا حاولي تحطين جبن أو دياي أو برجر تونة ملفوف فجل يعني انتي وذوقج

بعدين إذا انتي متعودة تاكلين صحن عيش كامل اليوم آخر لقمتين لا تاكلينهم

وباجر آخر 3 قفاش

وعقبه 4 وكل يوم زيدي بالتدريج لما توصلين حق ربع الكمية اللي كنتي متعودة تاكلينها

بالنسبة لي أحب أحط 7 قفاش عيش أو أحط في طاسة الروب وأقلبها

وطبعا بالعشا حاولي تخففين نشويات لأن جسمج مو بحاجتها بس مو شرط تقطعينها أهم شي ما تكثرين

وأكيد لا تنسين تزيدين نشاطج البدني إذا في مجال امشي كل يوم أو يوم وترك

وسوي رياضة

ولا تنسين تشربين ماي وتزيدين الألياف في أكلج

وترى وايد سهل الموضوع

موفقة يا رب

 

[al7anona]

من قالج الرجيم حرمان وماتاكلين عادي تاكلين من كل شي جدامج بس بكميات معتدلة وتبدلين المقلي بالمشوي وكامل الدسم بقليل الدسم

يعني مثلا تتريقين صمونة او توست فيها جبنه او لبنه قليلة الدسم مع طماط وخيار وزيتون +كوب حليب قليل الدسم او كوب عصير

تاخذين سناك بعد الريوق بساعتين تاكلين كاكاو وسط بحجم الكتكات او كوب كابتشينو او حبة فاكهه

الغدى تاكلين 5-7 قفاش عيش او نص خبزة مع سلطة+دجاج او لحم او سمك مشوي

المغرب تاخذين سناك نفس الظهر

والعشى تاكلين كورن فليكس وحليب او روب وخيار او بيضتين مفيوحين مع كوب حليب او تقدرين سلطة جبن

 

[برستيجي مآركة]

تقدرين تتبعين نظام فيه نشويات مثل الرز الابيض الخبز الاسمر بس بكمية معدودة
واذا حسيتي بدوخة عوضي بتفاحه او برتقاله
والبنات ماقصروا
بس انتي خلي عندج عزيمة وارادة قوية وان شاءالله بتوصلين للوزن اللي تبينه

 

[modern]

ايه اكيد تقدري بس لازم تعتمدي اسلوب التخفيف و اول ما تحسي بالشبع وقفي اكل و قومي عن الطاولة
و حاولي تبتعدي عن المشروبات الغازية و الكاكاو و امشي نص ساعة باليوم