يصير احط تقويم مره ثاانيه

[ielmazyona]

السلام عليكم




بنات انا حاطه تقويم قبل سنه

اول مابغيت احطه

الدكتور قال لا مايصير قالي انتي حالتج صعععععععبه لان الفك السفلي كبير اكبر من الفك العلوي

اوككي

ياست وياني احباااط وضاق خلقي لان السنون مشوهه

المهم رحت عياده ثانيه واشوا وافقت تحطلي واستمريت عندها وبعد معاناه مواعيد ومصصصصص فلوووس من جيبي ولعبو بظروووسي قبل التقويم من حشوات وسوووس

المهم عقب بديت بالتقويم واستمريت عليه سنتين
وفكيته

وعطتني الدكتوره تقويم اللي جنه سيم لحاله قالت لازم تستمرين عليه وهو تقويم متحرك

والصراحه انا اهملته

ولما بغيت اركبه الحين مايدش السنون السفليه توسعت ودي اسوي تقويم مره ثانيه علشان المهم عندي احساس ان اذا سويت تقويم يمكن بس جم شهر عشان الحق لايتوسعوون




​

سوااالي اقدر اسوي تقويم مره ثانيه واللا مايصير

 

[ielmazyona]

يوم كامل محد رد علي

اسمحولي مشرفات بنقل الموضوع لتجمع التقويم اللي مثبت لعل وعسى حد يرد علي

 

[حلآآآتي غير]

هلا ياقلبي ..

روحي استشيري الدكتور واتوقع يصير

بالتوفيق يارب ,.,

 

[ياحُبِي لِلكويت]

عادي شكثر قريت نفس حالتج انهم اهملوو المتحرك وردو على التقويم من جديد ,,, بالتووفيق

 

[ام شريفه]

حطي تقويم مره ثانيه ولما يردون اسنانج قولي حق الدكتور ابي الريتينر الثابت....هذا يظل طووول العمر و ما تحسين في و ان شالله ما يردون مثل قبل...سعره 100 دينار للفك الواحد

بالتوفيق

 

[بحر هادي]

عادي في ناس تحط مرتين وثلاث بعد..حسب حاجة الاسنان

وحده من صديقاتي حطت 3 مرات ..تفكه وتقعد فتره بسيطه وترجع تركب..

 

[رق رق]

قوه دزيتيلي رساله خاصه بس انتي حاطه ممنوع احد يدزلج لييش؟
علعموم اجابه سؤالج ، اهي زينه

 

[جمانه اشكناني]

حبوووبه

يصير تحطين الرتينر
و اذا تبي اي شي .. انا موظفه بعياده تيجان فرع السالميه
اذا حبيتي تستفسرين عن اي شي .. انا موجوده


22251515
جمانه اشكناني

 

[عشقي فرنسا]

ابي ابكي نفس مشكلتي كنت اللبسه ومره نزلته وجات الخدامه وحذفته بالغلط
وحنا كنا مشغولين بنسافر قلت لارجعنا رحت اسوي ثاني بس تفرقت حيل من فوق ومقهوره لانها كانت تجنن وصغار
وخايفه من وجع التقويم​

 

[Esraa.a]

من ناحية يصير تحطين تقويم مره ثانيه .. يصييير


بس مو هذي المشكله .. المشكله انتي شنو اللي تحتاجينه بالضيط



تحسين مشكلتج بالفك ولا بالأسنان ؟؟؟؟؟


إذا مشكلتج بس بترتيب الأسنان .. عاادي ركبي ريتيرنر


بس في حال إذا مشكلتج بالفك نفسه .. فمن المحتمل إنج تحتاجين جراحة ترد فكج لوضعه الطبيعي ( شوفي تجارب البنات مع الجراحه بموضوع تجمع جراحة الفك)


إذا مشكلتج بالفك .. التقويم ما راح يحل المشكله

الحل الجذري اهو الجراحة

معظم البنات اللي مشكلتهم بالفك يحطون تقويم ويقعدون فيه سنتين وبالتالي لما يخلصون .. النتيجه ما تكون عاجبتهم
لأنه بالأساس علاجهم جراحه مو تقويم
طبعا الجراحه اولريدي تحتاج تقويم يسمونه التقويم الجراحي .. نفس التقويم العادي بس اللي يختلف خطة العلاج

 

[LuLiTa]

اي يصير

 

[شموخ يتعداك]

يا قلبي انا نفس حالتج بالضبط شلت التقويم وما ركبت المتحرك واختربوا طبعا
وبعد سنه ركبته مره ثانيه وقاعده اتجاوب معاه حمدالله
واذا خلص راح يركب لي المتحرك الدائم اللي يلصق بالاسنان من داخل ما تحسين فيه كلش كانه مو موجود اريح من اللي تلبسينه وتقطينه

 

[طموحه بزياده]

اي يصير عادي

انا سويت تقويم مرتين

عااااادي سوووي

 

[بنوتة طموحة]

استشيري دكتور أحسن

 

[ameera11]

انصحج بالريتينر لان اختي سوت تقويم ولما خلصت حط الدكتور لها
السيم اللي تقدر تنزله بس والله عذاب احيانا يضيع منها وغير ان منظرة مو حلو
الكل يدري انج كنتي مركبة تقويم
بس الحين ركبت الريتينر الثابت اللي ينحط ورى الاسنان وما يبين كلش
وارتاحت من السيم