يصير اكمل ماستر على تخصص ثاني ولا مايصير

[girl lesh]

السلام عليكم




اشلونكم

انا تخصصي اعلام اقدر اكمل ماستر على تخصص اداره اعمال-اقتصاد
قصدي اكمل على تخصصات اداره الاعمال يصير ولا مايصير
ياريت اتفيدوني

 

[الله يخليني]

رد : يصير اكمل ماستر على تخصص ثاني ولا مايصير

يصير ...

 

[الوفى عنواني]

ولله نفسي انا هم ودي اكمل ادارة اعمال وتخصصي تاريخ ودي اغير عسى البنات يفيدونا

 

[frawlah_83]

رد : يصير اكمل ماستر على تخصص ثاني ولا مايصير

اي يصير عااادي بس يعتمد بتكلميين بجامعه خاصه ولا جامعه الكويت ؟

اذا جامعه الكويت ماعندي فكره اذا اصير اولا يمكن عندهم شرط التخصص صراحه ماعندي علم تقدريين تسالين فيها كليه الدراسات العليا احسن شي ..

اما اذا جامعه خاصه لاعادي يصير

 

[زمن الود]

سالي الخدمة المدنية اول شي اضمن لج وموفقه ان شاء الله

 

[shai5at al3arab]

بجامعة الكويت بس تخصصين مفتوحين حق الكل اللي اهما ادارة الاعمال والمكتبات

اما باجي التخصصات فكل كلية بكليتها .

 

[اوركيده]

حبيبتي ما ودي اضيق خلقج بس مااعتقد انه يصير الحين...
انا تخصصي البكالاريوس كان علمي وكملت الماستر بالاداره بره الكويت, المهم انا خلصت قبل جم شهر ولما رحت التعليم العالي حولوني لجنه ! قتلهم ليش؟؟ قالتي تونا نزلنا قانون ان لازم اللي بكمل ماستر لازم يكمله على تخصصه
المهم بعدين مشوا اوراقي لاني انا مسجله من سنه 2008 وخلصت وهالقانون راح يطبقونه على اللي توهم بيكملون
فا ديروا بالكم بنات وسألوا وايد

 

[منال القلب]

رد : يصير اكمل ماستر على تخصص ثاني ولا مايصير

اوركيدة حتى الجامعات الخاصة؟ ولا بس جامعة الكويت؟

 

[amoonh80]

رد : يصير اكمل ماستر على تخصص ثاني ولا مايصير

اذا كملتي على غير تخصصج ماتجيج الزياده 75 دينار

ومايسمونج تسلسل دراسي يعني راح تتبهذلين

 

[girl lesh]

يعطيكم العافيه
زين شهادتي من بره الكويت اقدر اكمل بره لكويت على تخصص ثاني ويعتمدونها اهنيه ولا لازم اكمل بالكويت
اعلام مافي حقه ماستر مالقيت
فودي اداره اعمال

 

[amoonh80]

رد : يصير اكمل ماستر على تخصص ثاني ولا مايصير

انتي لازم تدرسين تخصص بنفس كليتج يعني اذا في بكليتج ادارة اعلام

تقدرين تكملين

مثال كلية التربيه
موجود فيها تخصص تربيه خاصه وتربيه وارشاد وادرة تربويه ومناهج وطرق تدريس يعني اقدر اكمل ماستر باي تخصص بكلية التربيه عرفتي

 

[girl lesh]

اها فهمت عليج
المشكله التخصصات الي بالكليه مو عاجببيني لووول

 

[girl lesh]

الحين يصير ولا لا ماعرفت
باي مكان بالكويت او بره يصير ولا مايصير

 

[الطرف الأغر]

أنا اللي أعرفه إنه يصير ، ذاك اليوم رحت كلية الدراسات العليا وكانت في ورقه مكتوب فيها : مكتبات - إدارة أعمال - فلسفة
وواحد سأل موظف هذا شنو قال هذي تخصصات الكل يقدر يدرسها بغض النظرعن تخصص البكالوريوس والله أعلم

أهم شي تسألين المكان اللي إنتي متوظفة إذا راح تحوشج زيادة الماجستير وإلا لأ بنفس الوقت تسألين كلية الدراسات العليا بس أتوقع كلية الدراسات العليا ما منهم مشاكل لأن شكثر عندهم ماستر إدارة أعمال مثل م.منار الحشاش وهي تخصصها هندسة كمبيوتر

 

[@Miss Dio@]

رد : يصير اكمل ماستر على تخصص ثاني ولا مايصير

حبوبه اذا معدلج زين يصير اما ادراه اعمال او مكتبات وممكن اذا عندج مساند متوفر له الماستر بجامعه الكويت مثل الفلسفه والجغرافيا اذا كانو مساندج بس دراستج ما تكون عن طريق الدوام وبتفرغ لا تداومين الصبح والمحاضرات العصر والاغلب يسوي جذيه واذا قسمج يرضى تطلعين اجازه دراسيه بتخصصج المساند يصير تاخذين اجازه دراسيه وانا متأكده من كلامي وتكون عن طريق الديوان وعن بره والجامعات لازم لازم تراجعين التعليم العالي بقسم البعثات وتشوفين الجامعات السنعه المعترف بها وانا ارشح لج بريطانيا اقل من سنه وتاخذين الماستر والجامعات المصريه لازم تروحين على طول وتردين جم مره بالسنه وانا متأكده من كلامي

 

[النمساوية]

http://www.graduate.edu.kw/arabic/news/details.php?data_id=114

هذا رابط كلية الدراسات العليا حاطين كل الشروط اللي مطلوبة للتقديم حق هالسنة وتخصص الادارة مايبي نفس تخصص البكالوريس بس يبي جيمات وتوفل درجة عالية
بالتوفيق

 

[girl lesh]

يعطيكم الف عافيه ريحتوني

الزياده 75 مابيها اهم شي شهاده الماستر اخذها ان شاء الله وقطاع الخاص معاشات اقوى الي اشوفه

الله يوفقنا ويوفقكم

 

[♥MaSteRiyA♥]

رد : يصير اكمل ماستر على تخصص ثاني ولا مايصير

حبوبة..
آنا قعا أكمل ماجستير بتخصص غير تخصصي
بجامعة الكويت
روحي مبنى الدراسات العليا سألي أضمن

وان شالله خير :sfg:​

 

[girl lesh]

يعطيج العافيه

زين اذا عندي تخصص مساند اداره اقدر اكمل