يصير ولادة بدون عوار مسبق؟

[english muffin]

بنات بسالكم
شنو بوادر الولادة؟
يصير الوحدة ماتحس بولاشي فجأة تطلق وتولد؟
في التاسع طبعا

 

[بنت جنيف]

بوادر الولاده ينبط الماي مره وحده او يسرب على شوي شوي وتزيد التقلصات في بطنج. ورحمج آآح يارب تسهل علينا انا جذي يصير فيني او سدادة الرحم تطيح ولونه اخضر جنها جلي وطبعا كل هذا يصير فجأه بدون مقدمات

 

[ghadeeeer]

حبيبتي بولدي البجر كنت رايحة موعدي العادي ومااااااااااااااااافيني أي شي فحصتني الدكتورة ولقت الرحم مبطل 3 سم وسوت لي تخطيط لقت نبض البيبي مو تمام وفيني طللللللللللللق وآنا يا غافلين لكم الله ونفس اليوم ولدته كنت 5 يوم بالتاسع لا وتخيلي كنت حاجزة بهاليوم جلسة مساج وتنظيف بشرة علبو بسويهم بعد الموعد لاحسيت بعوار ولا شفت ماي ولا سدادة

 

[إباء الروح]

مؤ شرط
جبت ثلاثة ولا مرة انفتح الكيس لوحده المستشفى يفتحونه
ببري نائمة وفجأة جاني الطلق وجا
لسني من النوم. والله بقومك بالسلامة

 

[tbola]

انا صارت فيني كحه جان اولد:d

المرض يولد بسرعه

 

[مشتطـه]

انا قعدت اصلي الفجر
وكان فيني ألم خفيف
عبالي مثل باجي الايام
لان التاسع يكون في ألم بين فتره وفتره خفيف حيل

رحت الحمام وانتي بكرامه مع اني مو محتاجته
والا القى دم وانا ما فيني ألم

بس ما ولدت الا عقب 12 ساعه
كان 9 الصبح هالحجي

ولدت بليل الساعه9

 

[بيت التوت]

ياااااااااااااااااربي من الولاده ) :
الله يهون عليج ويسهل ولادتج
ويسهل علي وعلي كل حامل يااااااااااااااااااارب

 

[انسام الكويت]

انا صارت فيني كحه جان اولد:d

المرض يولد بسرعه

امبييييه ردج خرعني انا الحين فيني كح قشره وبسبتها تعبت بشكل موطييعي

احس بألم لمن اكح والمشكله توها ولادتي يارب تروح مني الكحه واصير زينه


بالنسبه لصاحبة الموضوع على حسب كل وحده في اللي ينفج كيس الماي في اللي اييها طلوق بارده ماتحس بشي

او طلوق حاره وتكون منتظمه وفي اللي تييهم افرازات بنيه او دم ينزل منها كل هالامور يعني ولاده

 

[رجفة وهم]

انا صار فيني عوار اطلق تعذبت مره منه

وبعديييييين ولدت عقب ماتعذبت الحمدلله بس

 

[عذبة الروح..]

انا ببجري ما حسيت بطلوق رحت موعدي جان تقولي نبضه ضعيف وولدوني بطلق صناعي

 

[عنووشه]

الطلق يجي فجاه

عوار مثل الم الدوره بس اقوي


وتحسين بطنج كله نازل لتحت


الله يهوون علينا يارب

 

[Q 8 Y A t]

وااااي ودي اولد قيصرية عشان ما احس بشي

 

[أبكاني ذنبي]

الله يعيييييييين

انا بجريه واستفدت واايد منكم


اعراض الولاده تخوف الله يهون علينا جميعااا

 

[^الاسود يعبر^]

اي ممكن في يولدون من غير ما يحسون بشي

وحده امي تعرفها مشالله يابت5 تقول ماتحس بالطلق ولا بعوار ولا شي فجأه تولد

 

[الجوهرا]

انا على طول طلق ومن اروح لدكتورتي تلقى الرحم 5سانتي او4سانتي ويخلوني ولاده

 

[-TFa7a-]

مو شرط تحسين بشي
انا قعدت الفير بروح الحمام تكرمون ولا ينزل مني وايد ماي وماكان في عوار كلش
ورحت المستشفى علي طول ولا دخول لان الماي مبطوط ولا كنت مفتوحه اله ١ سانتي وولدت طبيعي طبعا بطلق صناعي

 

[احلامي غير]

:eh_s(16)::eh_s(16)::eh_s(16):
يارب تسهل ولادتنا جميعا انا حدددددي مرعوبة مع انه مو الاول الثاني بس لاني ببريطانيا وبعيدة عن اهلي

واييييييييييي :eh_s(2): يتني البتشوى

 

[أملي بعد الله]

خفت من تجاربكم بس ...

إشتقت أحس بهاللحظات ..

متى أحضنك بين إيديني ياروح وقلب وعيون ماماتك

أبي تيي حزة الولادة وأحس بكل طلقة وكل ذرة ألم عشان تكون هديتي نور عيني وهو بين يديني ..

الله يسهل علي وعليج وعلى كل حامل ياربي .. ويبارك لكم باللي يبتوا وعساهم بارين وصالحين وموفجين دنيا وآخرة

 

[um haya]

الله يسهل عليكم ان شاءالله كل وحده غير عن الثانيه اكو طلوق قبل لا بنيط جيس الماي وفي حالات بنيط الجيس وبعدين يبدا االطلق كل شي بايد ربج بس اللي تتمنا القيصريه صدقيني اختي حلاته كل شي طبيعي وتحسين بطعم الولاده عقب ما تشوفين ضنااج تحسين انج جاهدتي وضحيتي بجسمج وتحملتي العذاب عشان بس تلمينه بحضنج واااااااااااااي شعوووووووووور ماقدر اوصفه مع اني ولدت مرتين وولادتي وايد عسره بس لما شفت بناتي خلااص انسى كل شي وان شاءالله يوم الاثنين راح اجرب هالتجربه الحلوه مع بنتي الثالثه والله كريم

 

[كوفي لاتية]

تحسين بالم مثل الدورة في ظهرج وخواصرج يروح ويجي بعدها ينزل عليج افرازات مخلوطة بدم بعدها بساعات قليلة ينزل عليج مثل الماى ما تقدرين تمسكينة وتقلصات يعني عوار قوي معناتة انه الرحم يتبطل مع التقلصات اللي تصير كل نص ساعة
التقلصات هذى اهية الطلق الحار بعدها الولادة والله يقومكم بالسلامة