يصير ولا ما يصير عفية والله احترت

[ام فطوميي]

بنات انا بنفاسي الاول نفست بيت يدتي ام امي لان ابوي متوفي وانا اكبر اخواني بس صراحة مرت علي 40 سنة لاني كنت بروحي ويدتي مره عودة امي متزوجا واحس انها ما تبيني انفس عندها انا ساكنة بيت حمولتي يصير انفس بشقتي زوجي راضي بس شقول حق الناس والله من صجي قاعدة اتكلم :0bee2e8d89:

 

[ام زاكي]

عادي انا يوم ولدت بالثاني قعدت ببيتي لانه ولدي حركي ماابي ااذي اهلي فيه اذا سألوج قولي لهم زوجي يبيني اقعد يمه مو مشتهي اني اتركه وهم بعد ولدي وااحس اني ارتاح هني اكثر

 

[دآنة آلرشآيده]

عادي حبيبتي
وايد بنات يتنفسون بشقتهم

 

[ام فطوميي]

بس شلون انا حيل تعذبت بنفاسي الاول بس والله ماشكيت حق احد والله حتى امي لما طلعت من النفاس مادرت الا رابع يوم انا بروحي ماسكة البنت انا بروحي اجهز حق نفسي

 

[ام ناصر 2009]

عادي ياقلبي انا بولدي اخذت عند اهلي 20 يوم بس
وهذا ان شاءالله ناويه انفس بشقتي ماعلي من أحد أهم شي راااحتي
الناس تبي تبي تسولف كيفهاا ماهمني أحد صار أهم شي رااحتي
فكري برااحتج وبسسسسس

 

[ام فطوميي]

انزين اذا احد بزورني شلون اكنسلهم و اذا طلعت اسوي عشا عشان يتحمدولي بالسلامة

 

[فـراوله]

عادي تنفسي بيتج


وما عليج من كلام الناس

 

[كميثره]

عادي حبوبه قولي ريلي بروحه بالشقه ويبيني اقعد عنده ومالج شغل باحد اهم شئ راحتج

 

[ام فطوميي]

مشكورين حبايبي والله انكم ريحتوني

 

[(قمر الزمان)]

سوي استقبال ببيت يدتج

يوم يومين بالاسبوع عالاقل تروحين هناك حتى ماتنامين بس استقبلي الناس

عقب ردي شقتج وضبطي هناك المكان للاستقبال

دام انفستي 40 يوم المره اللي طافج عادي انفسي بس يوم يومين بالاسبوع اكيد بيزورونج الناااس

 

[الفنانه79]

اشعليييييج من الناس

لاتشوفين الناس واااايد تتعبين اهم ماعليج نفسج وزوجج الباجي قطيييييييهم ورا ظهرج

اذا احد سأل قولي ابي بيتي ومكاني وزوجي مالي خلق اشقل اغراضنا والعوز ولدي واهوا يبي ابووووه وخلاص انتهي الموضووووع لاتعورين قلبج

اقعد في بيتي واحطلي فراش في غرفه ثانيه سنعيها وفرشيها واتنفس فسها لحد مااخلص وخلاص عادي بيتي ومكاني اريحلي

والله يهون عليج يارب

 

[أم حمودي**MALL**]

عادي حبيبتي تنفسي بشقتج
وماعليج من كلام الناس

 

[ام فوااز]

عادي تنفسي بشقتج شعليج من الناس

 

[جوري أبيض]

تفسي بشقتج ، و إذا على استقبال الناس يا تحددين يوم بالأسبوع أو أهل زوج إذا تمونين عليهم يساعدونج بالشقة و الله يريح قلبج إن شاء الله

 

[فرفشه منعنشه]

انا تميت عند اهلي 10 ايام ورديت شقتي لاني العوزت مع العيال وما اخذ راحتي مع زوجي

 

[أأأميرة الورد]

رد : يصير ولا ما يصير عفية والله احترت

انا تنفست في بيت اهلي وبولادتي الاخيرة تنفست بشقتي
صصصصصصصصصصصصصصصصج فرق
رااااااااااحة بشقتج مونفس بيت اهلج
عادي حببتي اهم شي راحتج
ماعليج من الناس
انتي ضبطي مكان تستقبلين فيه الناس
يعني صالتج مثلا
واللي يبي يزوج مافيها شي ماراح يطولون استقبليهم احسن لج
لا تردين الناس مو حلوة بحقج
وكلها سهالات

 

[توكلت على الله 22]

رد: رد : يصير ولا ما يصير عفية والله احترت

عادي تنفسي بشقتج الزم ماعليج راحبج

 

[tmtmt]

من صججججج
شووو بالناس !!!

ما يعجبهم العجب لووو شنوووووو تسوين ....

والحين وااايد تنفسهم بشقتهم عااادي يعني الوضع
مو شي غريب

سووي الي يرحيج يا معوده
واهم ما عليج انتي وريلج وبس