يضايقني بــــ هالصفه :(

[مشاعر بارده]

السلام عليكم ورحمة الله وبركاته..~



اخباركم اول شي
يارب الكل مبسوط ومرتاح :eh_s(17)::eh_s(17):




انا صار لي متزوجه شهرين وشوي
ومن بداية حياتي يعني
لمن كنت اكلم زوجي بايام الملكه
لاحظت انه يغير بالحقائق
يعني اوقات احسه يبالغ بالكلام او يقول
عن نفسه شي مو فيه
ويقول انا اعرف واعرف
وانا بسوي وبسوي


قلت يابنت ماعليه هذا اكيد
شي وبيعدي ومجرد فتره


ولاعمري قلت له انك تبالغ او تكذب
ولاوضحت له بالعكس دايم اقوله
اني مصدقتك واوضح له انه صادق بكل شي




لكن بعد ماتزوجنا
صار اكثر من قبل
ع اتفه شي يكذب
يحب يزيد بكل شي ويحب يقول عن نفسه
انه سوا كذا وجاب كذا وهو اللي اختار كذا
وبالعكس يكون اخوه او اخته اللي مختارين هالشي
بس احسه يبي يطلع بعيني كبير
ع اني يعني ماعمري قصرت دايم امدحه وابين له انه
كامل بعيني "والكامل الله سبحانه"


مشكله انه مو يكذب علي بس
كان تهون عندي
اهله واهلي والناس كلهم يكذب عليهم
ويزيد بالكلام ويحط من نفسه شي غير غير الواقع
وللاسف احس ان كل يدري انه يكذب
ويمشونها له :eh_s(2)::eh_s(2):
وانا ماحب صورته تكون عند الناس كذا
عجزت فيه وانا اوضح له لايبالغ لايغير من الحقيقه
لايكذب بس مافي فايده
دايم يقولي ان هذا مو كذب
هذا لف ودوران عشان الناس ماتحسدني
او عشان الناس ماتستنقصني
اتعبني وياه ماعرف كيف اتصرف
صرت ادعي الله ان يبعد عنه هالصفه السيئه
واوقات شوي وابكي من كذبه
لان حتى وصل انه يكذب علي بأتفه شي
يعني اكون قلت شي له ويجي يقول ويحلف اني قلت شي ثاني



بالله عليكم وش اسوي
احترت وربي معاه
هو كل شي فيه كويس الا هالشي
والله تعبت :/ :eh_s(2)::eh_s(2)::eh_s(2):



​

 

[شادن33]

يحليله ريلج يمكن مايعرف الغشمره من الصج مايفرق حاولي معاه كل مايقول شي ردي عليه حبيبي انت تقصد جذي ولا شي ثاني يمكن ينتبه لكلامه

 

[! بــدويه وآآيــد !]

،



ههههههههههههههه امبيه حبيبتي وربي لما اقرأ مووضوعج اضحك غصبن عني

ترى فيه شباب جذي موجذب هذا لا هياط لووووووووووول
يحبون يهايطون عندي وعندج خير خخخخخ

عادي سمعي مني وطلعي مني لاتاخذين بخاطرج

 

[femmi]

طيب بيني له انك صادقه وماتحبين الناس الي تبالغ يعني وضحي له ولمحي بدون ماينجرح او يزعل

الله يكون بعونك

 

[رمز الفخر]

الله يكون في عونش

 

[دلع العتبان]

شلي اهياطوووا قلبتوا الجذب هياط والله العظيم

قولي لريلج يكذب المرء حتى يكتب عند الله كذابا "

عسى الله يهديه بس بوطبيع ربي يهديه ويصلحه

 

[حكم الصمت]

وصلي له بطريقتكـ إن حبل الكذب قصير ...ووهميه ان بأيام الخطوبة كان غير عن كذا ..ما كانت فيه هالصفة...وانكـ تحبينه مثل ماكان بأيام الخطوبة ....قولي له ما أحب تتغير علي ..... وأتمنى فهمتي قصدي حبوبة .
الله يهدي الجميع ..

 

[امـ خــزامـى]

حبيبتي زوجك مو واثق من نفسه ويحب المدح كثييييييييييييييييييييييير
انت امدحيه ارفعيه للسماء
يعني اذا كذب وكذبه واضحه مرا قولي له وش فيك اول مرا تكذب انت ماعمرك كذبت وتحب الصدق

انا معجبه فيك وبامانتك وبثقتك بنفسك وماتحب تكذب

وللمعلوميه ذي فتره وتعدي لاتدققين وااااااااااجد هو بس يبي يحس انه بعينك كبير

يبي يحس انك تشوفينه احسن واحد
انت عاد لاتقصرين انفخي فيه بالمدح ليييييييييييي يطيييييييييييييير <<<<<<<<<<< هههههههههههههههههههه بس ياخوفي ينفقع


ياحبي لك مبين عليك صريحه وماتحبين اللف والدوران ونظيفه متربيه وماتعودتي على هالاطباع
فعشان كذا انصدمتي


لاتحكمين عليه هالفتره مو هذا اسلوبه ابد تراه وانا متاكده لاني كثير سمعت مثل حالتك
وعلى قولة بدويه وايد <<عندنا وعندك خير >>


موفقه ياعمري

 

[Angel_store]

الله يكون بعونج باجر تتعودين عل طبعه

 

[zaina alotibi]

يبي يكبر في عينج اكثر ويوريج نفسه اكثرررر ولو اضطر الى الكذب ...

عادة هالسلوك يكون للناس الي ثقتهم بنفسهم مهزوزة

 

[دلوعة صلوح]

الله يعينج عاد هالصفة مو بسهولة تقدرين اتغيرينها..

ادعى ربج يهدى ان شاءالله.

 

[قلبي سلومي]

الله يهديه ويصلحه

 

[Gifts&Occaions]

الله يعينج

 

[إم بــــرٍآك]

في فرق بين الهيآط والكذب
الله يكون بعونج

 

[aloooya]

الله يعينج

 

[simone]

لا حرام غلططط اللي يسويه
الله يهديه يارب

 

[داليا موول]

ادعيله بالهداية ولا تحاوريه كثير عشان لاتصير مشاكل بينكم
"ان الرجل ليكذب حتى يكتب عند الله كذابا"
​

 

[رقـة الاحسـآس]

ريلج ثقته بنفسه ضعيفه جدا
من جي يسوي ها كله
لا تزعلين يمكن هو مر بمواقف فحياته خلته ما يثق بنفسه من جذي يحب يبين انه سوا و سوا و اختار الشي الفلاني و اشترا الشي الفلاني
لا تزعلين بالعكس حاولي انتي بطريقتج تعززين ثقته بنفسه
وخلي مدحج له من قلبج خليه يصدقها ما تكون مجامله
ممكن تساعدينه يسوي شي معين او يتعلم شي معين ولو بسيط بس يكون مثلا تحدي و اذا وصل له بيحس انه سوا انجاز
جفتي الطفل الصغير كيف؟
شي بسييط نحسسه انه كبير بس من يوصل له يحس انه وصل قمه العالم و نهديه شي بالمقابل نكافئه ع جهوده
سوي هالشي بس طبعا شي يتناسب مع شخصيته و سنه و هواياته و جذيه

والله يخليكم لبعض^^

 

[غلاي رورو]

انا عندي لك فكره يمكن بعدها يبطل يكذب ويبالغ

قولي لها انا فتره من حياتي قرريت كتاب وندمت اني قريته

والكتاب هو كيف تكتشف الشخص الكاذب


ومن بعد ماقريته صرت اكتشف الي قدامي يكشف بسهوله وانصدمت انو ناس احترمهم واحبهم يكذبو وكرهتهم او طاحو من عيني

واذا قال لك كيف قولي الكتاب يبين لي من شخصيه الشخص من تصرفاته وطريقه حركت يدينه ونبرة صوته اذا كان يكذب

عاد بعد الهرج ذا اذا جا بيكذب عليك يتذكرك هرجك ويبطل ههههههههههههههههههههه


شرايكم فيني اسم الله علي احم احم

ترى الطريقه ذي انا مجربتها بنفسي لما حسيت خطيبي باول الملكه بيهايط ولا يبالغ وقلت له كيت بعدها بطل خخخخخ

وترى اغلب الشعب العربي كذا لاتتضايقي

 

[Miss^NeozZ]

في ناس جي هوايتهم يحبون يجذبون :/ البنات والشباب