يعني تنصحوني؟

[Hajer~]

السـلآم عليـكم !​

بنـآت جآن زين تريحوني ..
انا الحين بتخصص​

محتآره بين ريآضه الاطفآل
وإنجليـزي ..​

انا كنت أبي ريآض أطفال وبدت الحيره من سمعت الآراء​

اللي يقول معاشج على هاليهال ومادري شنو
واللي تقولي بترجعين البيت راسج شكبره من اليهال​

وسمعت وحده بالمنتدى تقول يعطونج ميزآنيه << صج هالكلام ؟؟
... وانا أحس عادي يعني شدعوه جم بدفع أهم شي ان الوحده حابه التخصص!!​

شلون ريآض الاطفال حلو ولا ممل ولا سالفه نص المعاش ع الروضه مدوختكم ؟؟​

بالنهـآيه انا استخرت .. ولله الحمد
بس حآبه أسمع آرائكم عن هالتخصص
يعني دايخيين منه وجذيه
ولا ونـآسه والحيآة سعيده !​

بانتظاركم​

 

[الدنيا لحظه**]

ان اتخصصي راض اطفال وسمعت واااايد حجي دامج تحبين اليهال بتمشين وسمعت ان معاشج عالصف بيروح والله يعلم لكن اذا صرتي ابله انجليزي لويه وتاسيس وتصليح ومراقبه وتعال فججي اولياء امور ودوخه انا وجه نظري اتعب مع ياهل والعبه واشتري عالصف ولا دووخه التدريس اتمنى افدتج

 

[Hajer~]

وانا قارنت بعد تعالي اجتماع اولياء الامور وليش منقصه وليش وليش
وتقسيمة الدرجات مالي خلق حق هالسوالف :/

حبيبتي مشكوره وآيد
أمس لمآ استخرت الحمدلله بيـن معـآي بالحلم

وارتحت
يزآج الله خير أفدتيني :$

 

[Angel_store]

اب اب اب

 

[فرفورهـ]

الله يخلي بوميه خخخخخخخخخخخخ

واليهال احسسسسسسسسسسسسسسسسن من الكبار بالف مرره

لامنهج ولا تأسيس ولا شي وتعب راس وقلب دشي الصف وسمعي اليهال شنو يسولفون وسمعي قصصهم وضحكي والصف يبيله ميزانيه بس انتي والي معاج تتقاططون يعني ماتوقع بيكلف وايد كلها اشياء بسيطه والعاب

والانجلش بعدي عنه تعب وامتحانات ومدرسه اولى دايم مقابلتج بالغرفه خخخخخخ

 

[Hajer~]

ههههههههه

بس انا سمعت ممنوع معلمة الريآض تدفع فلس ع الروضه! << هذي من القوانين روحي اسألي الاداريآت !
لووول مشكوريـــن حبآيبي

على فكرة انا الحيـن تخصصت ريآض اطفال
والحمدلله الامور مآشيه

 

[أبله شقحه]

رياض اطفال بس اختاري روضه حلوة واداره زينه

 

[ابله كويتيه]

اهم شي روضه زينه اهم شي ولا راح تتعبين لازم يكونون حقانين
اهم شي

 

[آنسه س.م]

انا طالبة ميداني هالكورس رياض اطفال ولايعه جبدي ومتندمة على هالتخصص كله يبون ابداع وافكار جديدة نصيحه روحي لاي تخصص غير رياض اطفال ميزانيه ومافيها منهج تحاسبون عليه يعني كل رئيسه لها رأي وحتى الموجهه لها رأي مافيه دليل ترجعينه على الخبرة وفيها تغيير نبرات الصوت وتعامل مع الطفل احسن شي تروحين لمدرسة على الاقل تشرحين حصه وتطلعين ما تقعدين طول اليوم يعني انتي حلقه وفرصه واركان والي معج مطعم ولاصفي وتتبادلون غير الاحتياطات الي بتاخذ راحتج غير كل يوم يدخلون عليج

الله يعين بس بو ترجع الايام اروح اجتماعيات واااايد اريح

 

[كتكوته حبيبي]

ليش هالاحباط انا مفكره اتخصص رياض اطفال