يغار من ولدي

[ام الشاهين]

مراحب للحلوين..
بنات انا محتاره بهالريال ..تصدقون انه يغار من ولدي ..احسه جنه ياهل ذبحني مو كافي حنة ولدي بعد اهو فوقه
تخيلوووو ..يقولي خلي يبجي ولاتشيلينه تسكتينه يقولي انتي مو مهتمه فيني وهاملتني بسببه شسويله مو مقدر انه هذا صغير ومحتاج رعايه ..
لو تكرمتو فيدوني شلون اتعامل معاه ..شلحل وياه..​

 

[شمعة^الحب]

انا اول مايبت بنتي كان جذي يغار ومن ولدتها تسلط يبي سفرني ويبي يطلع وقولي وديها عند امي بس بمجرد الياهل يبتدي يمشي بياخذ قلبه وبيبدل وحط ولده مكانج اسئلي مجربه

 

[حلوه ولمآحه]

حاولي تهتمين فيه الريال نفس الياااهل

 

[فجوره الحسن]

رد : يغار من ولدي

عامليه مثل ما تعاملين ولدج



حبيبتي لا تكرهينه بولده لما يشوفج قبل لا تولدين اهتمامج كله له و فجأه يتغير
راح يتضايق

حتى لو العكس لو اهوه اللي مهتم و كاشت فيج انتي بعد راح تتضايقين


وديه عند امج على الاقل يوم كامل بالاسبوع و خلج معاه

 

[انثى الكويت]

رد : يغار من ولدي

انتي حاولي تهتمين فيه يعني وقت البيبي ينام انتي جابليه كشخي وتسنعي قطيه البيبي مرات عند اهلج ولا اهله وطلعي معاه اكيد
بيغار اهو مو يغار من ولده بس اهو ببين لج انج مو مهتمه فيه

لو كل حرمه بتيب يهال وماراح تهتم بريلها بيطالع غيرها

بالعكس انا مكانج اعتبره تنبيه مو غيره لحقي على نفسج

 

[ازمه وتعدي]

انتبهى حبوبه تراا ابوى اللى خلاه يتزوج على امى انها كانت حيييييل مهتمه فينا ومو معطته بااال

يوم كبرنا الا تقول لنا تراا ابوكم كان يغار منكم وانتم صغار قلنا يمه ليتك قابلتيه بدل لا تقابلينا ههههههههههههه

تجلس تضحك فديتها بس امى ما تنلام ما شافتنا الا بعد انتظار وصبر سنين

حااولى تهتمى فيه وربي يوفقك ان شالله

 

[أمواج البحر]

99% من الرياييل يغارون من عيالهم

وللاسف هالسالفه مالقيت لها حل :/

 

[الأميرة جوري]

رد : يغار من ولدي

معقوله يغارووون !!! اسمع بس ماشفت هالشيء بزوجى <<يمكن لانى مدللته اكثر من عيالي ههه,......اهتمى فيه اكثر

 

[جـــواهر]

وازني بينهم ...

انا عندي 3 جهال بالبيت وزوجي اكبرهم

الله يعيني مقسمه روحي بينهم

 

[أمواج البحر]

للعلم في بعض الرياييل مهما تهتمين فيه وتدلعينه اكثر من عيالج يظل يغار

طبعا مو غيره حقد وجذي

لااا ... بس يعطيج بو اييييي تحبين عيالج اكثر اييييي اول شي تسألين عن عيالج

او يسأل منو تحبين انا والا عيالج >>>> سوالف يهال :/

يعني اذكر لكم موقف بسيط صارلي من قبل اسبوع تقريبا

ريلي يودي ولدي الصغير الروضه وانا اودي الكبار المدرسه

المهم وانا بالسياره اسوي مع السلامه حق ولدي ومستانسه يحلوه يهبل <<<المهم ماعلينا

مشيت شوي والا زوجي العزيز داق

جان يقولي ايييييي ياليتني ارد اروح الروضه عشان تسويلي مع السلامه جذي هههههههههههههههههه شكووو

قالي يالله سويلي والا اهو وراي بالسياره قلت ايي اسويلك بس اعزمني على مطعم >>>> طبعا انا قلتها جذي على ضحك لاني ماحب نظام المساومه

والا مسكين من صجه قالي اختاري المطعم اللي يعجبج ههههه وسويتله بيبااااي

والله اللي يسمع يقول كاشته فيه واهو مسويته يادهينه لا تنكتين

بس ريلي من الرياييل اللي يغارون من عيالهم مع اني ولله الحمد مو مقصره

شنقووول بس عن هالصنف من الرجال :///

 

[Meeesh]

اييه الرياييل مثل الياااهل

 

[ايمانو حلوة]

ممممممممممم

انا احيه يغااار او متضااايق مادري اشلون اعبر

يعني كلما نطلع يقولي وين قبل نطلع مع بعض الحين هذي يت كلشي تغير وآخر مرة امس طعمت بنتي وكانت تعباانة ومصخنة وسويت لها كمادااات حسيته مثل الياهل قاعد يمي يقووول يالله سويلي مثلها على غشمرة بس حسيته يغار شوي كلما اسوي شي حق فوفا هو يبي بعد

صج انا الحين عندي ياهليييين بالبيت وحدة صغيرة ماتتكلم وواحد كبير يحن

ياربي شسوييي

 

[Ameeraaaaaa]

الريال ياهل كبيرررررررررررررر
دلليه ودلعيه
وجابيله عدل واهتمي فيه
وخليه يشاركك باياهل الجديد باكله بشربه
يشيله شوي يلاعبه شوي
موفقه
))

 

[فوفو22]

رد : يغار من ولدي

ما اعرف ظروفكم بالضبط شنو

ولكن

حاولي بذكاءج تنسيقين بينهم

احيانا الزوج اناني يحب يمتلك وقت زوجته

فحاولي تخلينه يشاركج بالرعاية

وعطي زوجج وقت خليه يشبع منج

وبصراحه فعلا مشكله اذا الزوج حط راسه براس الطفل

فتره وتعدي لا تضيق خلقج

فوفو

 

[BiiShOoO]

حاولي تردين نفس قبل لا تحملين و عامليه مثل الياهل

لانه شي طبيعي يغار منه لانه و لدج صار محور اهتمامج

 

[فديت نفسي..~]

رد : يغار من ولدي

ريال مثل طفل
لازم تهتمين فيه مثل ماتهتمين ب طفلك

 

[عشق رسامه]

لووووووووووووووول والله مشكله

 

[وزيره الخارجيه]

الله يعينج شسوين بعد اهتمي فيه اكثر وردي جنج عروس بالاهتمام بنفسج

 

[انا مو هني]

رد : يغار من ولدي

قوليله مثل ما اهوا ولدي ترا ولدك حس بالمسوليه اشوي ولا تتصرف تصرفات ياهال

 

[حبي حبيبي]

رد : يغار من ولدي

عااادي

غالبا اذا الريال يحب مرته يبيها له بروحه ما يبي احد يشاركه الاهتمام

يبي يكون محور اهتمامج

ترا الريال طفل ;p