يــــــــــااا أمــــــــــــــــج ذبــــــــــحــــــــتــــــــنــــــــي :(

[Zen&7ala]

السلام عليكم :eh_s(16):



بنات والله خلاااااااااااص بنتي ذبحتنييي



ما تشرب حليييب شسوي فيها!!!


اليهال كلهم بعمرها يشربون 180 و 210 ملي و انا بنتي 120 ما تخلصه بس تشرب 60

او 70 !!


شسوي تكفوون؟؟


بنتي عمرها 4 شهور بس صج صج تعبت


حليبها سميلاك و امس غيرته خذيت نان


و على فكره ما اعطيها شي غير الحليب و الينسون و الماي طبعا


و اهيا تمووووووووووووت على الينسون بس انا باليوم اعطيها 60 ملي مو اكثر

والله تشربه كله على طول تحبه


و رفيجتي قالت لي عطيها منقوع تمر عطيتها امس و اليوم و الحمد الله تقبلته


شسوي !! اوكلها ولا تو الناس


والله من القهر عطيتها كاكاو ( ذوبته بيدي و خليتها تلحسه ) حدهااا ينتتت علييه

حبته و قاعده تلحس ايدي تبي بعد لدرجه لما بغيت احط كريم بويها تبي تلحس الكريم عبالها اكل



!! شسوي؟؟

:krkrkr::krkrkr::krkrkr: :krkrkr:ذبحتني تعبت والله ضعييفه


وزنها زاد كيلو و نص من اول ما ولدتها بسسس !! ما تشرب عوووبه شسوي


فيدوني تكفووون و على فكره اهيا كله تلحس ايدها و تمصمصها و اذا شافتنا ناكل

تتنح و تخز ههههههههههه شسوي فيها ؟ اعطيها اكل ولا تو الناس و اذا اعطيها شنو اوكلها

بالضبط؟

 

[بدوية بملامح كشميرية 86]

فديتها والله

اذا ع الحليب عادى انا ولدى والله مره اسبوعين مايشرب الا رقم واذا شرب رقمين والله عيييييد عندى

بلشى عطيها دانيت بالمهلبيه حيييييييييييل حلو ومفيد لهاا

والله يخليها لج ياااااااااااااااااااااارب

 

[هيبة الطاووس]

تدرين شتعطينها خلطي لها مع الحليب سريلاك الظاهر تحب الحلا
خلطي الحليب مع السريلاك وعبيهم بعلبه وحده وكل رضعه شربيها راح تشرب
تسنانس على الطعم جربي وردي لي خبر على الخاص خاف مادش على الموضوع واذا لحلمه ما طلعه شقي شوي
بابره وخليها تشرب بس لا تنسين غسلي الحلمه والإبره عشان التعقيم

 

[مطيرية والعزليه]

حطيلها حلبه شوي في مطاره الماي حقتها يزيد وزنها ويقوي عظامها ويفتح شهيتها ماراح تلحقين علي رضعاتها

 

[أم لورين]

والله ماعندي خلفيه ولكن لطالما وصل عمرها 4شهور خلاص أبدي عطيها أكل ناعم

 

[العفاسيه]

في كرتونه عيش من ميلوبا بالجمعيه وبسكويت حق اربع شهور تخلطين وياهم الحليب
لااااازم تعطينها الحليب باي طريقه عشان الكاليسيوم حق اسنانها وعظامها

 

[فـراوله]

ولدي نفس بنتج ما يشرب الا 60 ملي ونادر ما يخلص الرضعه كامله ​

عمره ألحين 4 شهور و 22 يوم يعني ما بقى شيء ويصير 5 شهـووور ​

وللحين على نفس الحال ​

واذا سويت له ينسون مع كراويه يموووت عليها وبسم الله عليه يخلصها بسرعه ​

أسوي 60 ملي بس ما أقدر أعطيه أكثر من جذي ​

ألحين بلشت معاه من ماركة ميلوبا العيش ما حبه وااايد بس يأخذ منه اشوووي ​

تقريبا 30 ملي وأحطه له بالمميه ما أوكله لانه ما يبي كل شيء يبيه بالمميه ​

رحت الجمعيه وافتريت أكل حق 4 شهور لقيت هم ماركة ميلوبا بس بالخضره بدل العيش​

الحمدالله اهني واااايد حبه وأسوي له باليوم 120 ملي على فترتين وحليب رضعتين إلى 3 ​

رضعات من 60 إلى 120 ملي وأعطيه رضعة اليونسون 60 ملي باليوم وممية ماي ​

60 ملي باليوم وعيش ميلوبا أسوي له 60 ملي بس ما يأكل منه الا 30 ملي ​

بجذي صار أكله أحسن اشوووي من الحليب برووحه ​

ودام عمرها 4 شهووور سوي لها أكل بالبيت بطاط مهروووس خضرا مهروووسه ​

عيش مهرووووس ابدي ذوقيها عشان ما تتعبج بالأكل نفس وولدي حيل متعبني بالاكل ما يبي ​

يأكل كل شيء يبي مميـــه​

وأنا ولدي حليبه سيميلااااك وما أفكر أغيره له لانه أقوى نوع ​

ويفيده بالنسبه له لانه ما يأخذ حليب وايد ​

ونان أخف نوع حليب حرااام شوفي لها نوع ثاني قوووي​

عشان تتقوى عظامهاااا​

 

[Australia girl]

حبيبتي اذا وزنها طبيعي عادي خليها لعملج بنتي عمرها الحين 7 شهور وللحين على 120 بس تشرب كذا مره و180 باليوم يمكن مره تشربها انتي بلشي عطيها اكل خفيف لعمر 4 شهور وتاكدي من الوزن اهم شي انا بنتي كانت معقده امي ليش ماتشرب وايد بس الحمدالله وزنها وايد طبيعي

 

[حبـ admant ـك]

شرايج بنتي عمرها سنه ونص ماتشرب اكثر من 120
وماتخلصه بعد
و رحت من دكتور لي دكتور يقولون لي طبيعي
مع انها ماتاكل غير وجبه وحده اللي اهي الريوق
ماتاكل لا غدا ولا عشا
تعبت معاها ونفسيتي صفر
الله كريم

 

[om al ghaleen]

حبيبتي الله يحفظها
دامها تحب تاكل عطيها بسكوت فارليز وسيريلاك
لاتخافين هالاكل ماراح يضرها ومالج شغل بكلام الدكاتره
اهي تاكل وتشرب ع حجم معدتها
بس بلشي معاها بكميه بسيطه واذا تقبله ومامشى بطنها كملي
ايام قبل من بو شهرين يوكلونه اكلهم

 

[noynoy]

ترى مو زين الككاو قبل السنه حرام معدتها مو مستعده حبيبتي
عاد اهم شي الحليب غريبه ما تحبه
حطيلها حليب بماي اليانسون يمك تتقبله

 

[Om_il3ubed]

عادي حبيبتي انا بنتي عمرها 11 شهر وللحين تشرب 120 ... المهم انها تكبر وتطول ووزنها يزيد وتسنن

اذا حسيتي انها ها متاخره بالتسنين او ماتقلب وتحبي عطيها شوي كالسيوم و فيتامين د .. ولا توكلينها الا لما تكمل 6 شهور



الله يحفظها لج

 

[Zen&7ala]

مشكووورييييييييييين خوااتي والله ما قصرتوا كلكم


بس سؤال البيبي متى يحبي؟ و مثل يسنن ؟؟ عشان احط في بالي اذا صار شي لا سمح الله

 

[أم الغلا كله]

اسم الله عليها ، الله يحفظها تهبل ( تمصمص ) ؟ ترا عادي جدا جدا ، أهم شي إنج لا تراقبينها وتشيلين هم رضعتها ، ما يضرها شيء بإذن الله تعالى ، الطبيب يقول : في طفل نسميه ( طفل نهم ) ياكل يشرب كل شي وفي طفل ( مو نهم ) ياخذ كفايته وبس ، سويلها أكل شوي شوي تتعود ، وخلج على الاكل الطبيعي ووخري عن الصناعي سويلها : محلبية ( النشا زين ) ، تفاح مبشور مثل عصير ، برتقال عصير ، عيش مطبوخ مع جزر وشوية معكرونة ، نقعي تمر ، وقبل كل هذا استشيري الطبيب وايد احسن .

 

[๓ίşś зśŏłả..!]

يختي فديتها البنات ما قصروو
تحبي تقريبا لما يكون عمرها 9 شهور
وتسنن على حسب ياهل عن ياهل يفرق بس
انا بنتي سننت لما كان عمرها 10 شهور

 

["*آآآنؤؤؤقهـ*"]

حبيبتي. لاتحاتين

انا بنتي عمرها ١١ شهر ونص وللحين حليبها ١٢٠

و١٨٠ تشرب مره وحده



لاتوكلينها توها وكليها من ٦ اشهوور.


حالياااا عطيهاا حليبهااا مع ربع كسره من بسكوت فيرلز. مع حليبهاا. وراح تشربه وبشريني*

 

[برميتا]

أول شي لا تعطينها أكل إلا لما تكمل 6 شهور
مو زين ترى على كليتها اسم الله عليها

وبنتج شكلها متعودة ع الطعم الحلو من جذي عافت الحليب
مادري شقولج بس قطعي عنها الشيرة
حتى الينسون لا تحطين فيه شكر
وسويلها الحليبة داافية حيل والله يهديها وتشرب
بهالعمر لازم تشرب وااايد حليب

 

[برميتا]

وعطيها الحليب على دفعات
يعني بدال 5 أو 6 أرقام سويلها 3 أرقام كل شوي

 

[جوري الكويت]

في يهال يحبون اكل الكبار

بس مو زين عليها في هالعمر

اذا تحب الككاو عطيها داناو كاكاو او فانيلا

 

[درة أهل الطولات]

ربي يحفظهااااا