يــــــــــــــــاربي تعبت من هالحياة ساعدووني بموت

[Mjnont '3lay]

تعبانه
مجروحه
حزينه
تحسين باليأس
بالاحباط
بالألم
مريتي بمشاكل ما يعلم فيها الا رب العالمين
عانيتي بما فيه الكفايه
مليتي من هالحياة
مليتي من كل اللي حولج
تعبتي تجاملين !!
حبيتي وانخدعتي ؟؟
متزوجه وتعبتي من حياتج الزوجيه ولو يرد الزمن فيج لي ورى جان رفضتي مليون مره فكرة الزواج ؟؟




,,

بنات بنات بنات صلو عالنبي ..
بقول جم كلمه اتمنى تطيب خاطركم وتخفف عنكم ..

انا بنت حالي من حالكم اعاني من كل صوب ومرات احس اني خلاص بموت
وتجيني حالات احس انه الموت ارحم من هالحياة الصعبه
ومرات تمر علي اوقات تطيح المصايب فوق راسي من كل صوووووووووووووب
يعني ما الحق ارتاح من شي الا ويطيح فوق راسي شي ثاني
وخاصتن لمن اقعد بروحي اقعد واقول بيني وبين نفسي ياااارب على كبر هالدنيا الا اني احسها ضايقه بعيني وصغيره وهمومي اكبر منها

لكن ....
لكن ..
لكن...

لي متى !!
بالذمه لي متى !!
لي متى نعاني ونتعب ونيأس ونمل ونتذمر ؟؟
والله مرات اسال نفسي هالسؤال مليوووووون مره واقعد اسأل نفسي لي متى البني آدم يقعد يشيل ويشيل بقلبه من هموم وتعب
بنات امانه ما تلاحظوون انه الحريم يكبروون اسرع من الرياجيل
والله صج انا الاحظ هالشغله تدرووون ليش لانه الرياجيل قلبهم قوي وعلى كبر الهموم اللي فيهم والمسؤؤليات والمشاكل والتعب الا انهم ماخذين الدنيا ايزي ومشببين اعمارهم من طلعات لي سفرات لي دواوين لي قهاوي ويضحكوون حتى لو قلبهم مترووووووس احزان
عشان جذي مايبين عليهم الكبر بسرعه والله يا بنات يعز علي اشوف نفسي او اي وحده من البنات او الحريم مو مرتاحه او تعبانه او تتألم والمشكله شنو اهيا تكتم بهالقلب وتبجي وتحر نفسها وغيرها وكل اللي حولها اكبر ايزي واكبر سكب وعايشين هالدنيا بالطول والعرض

اللي ابيه شي واحد بس لمن الوحده تضيق فيها الدنيا او تزعل او تطيح في مشكله يااا بنات صدقوووووني حتى لو كانت المشكله كبيره بس لا تتشكون قوولوو الحمدالله هذا ابتلاء من ربنا عشان يختبرنا والله يخفف عنا ذنووبنا ولو ضاقت فيكم الدنيا بيوم شوفو حال غيركم اللي عاجز واللي مشلول واللي مايلقى لقمه ياكلها واللي مشتت ماعنده اهل واللي ضايع واللي مريض واللي فاقد جزء من حواسه واللي ماعنده ايد واللي ماعنده رجل واللي يتيم واللي .. الخ الخ الخ
يعني بكل بسااطه شوفو النعم اللي رب العالمين انعمكم اياها وما رزق غيركم فيها وتحمدوو وتشكرووو واصبرو انه الله مع الصابرين
وبالنهايه انا كتبت كل هالكلام مو عشان اتفلسف او اقولكم شي انتو من الاساس عارفينه لا انا اقوول هالشي كنوع من انواع المواساه حابه اني اواسي كل خواتي اللي يعانون من الكثير ويحتاجون الكلمه الطيبه اللي تخفف عنهم وتزيح عنهم لو جزء بسيط من الهم
خواتي احبكم احبكم احبكم في الله وعسى الله يخفف عنكم كلكم وصدقوني محد مرتاح والله وشوفو مصايب غيركم صدقوووووووووني بتهون عليكم مصيبتكم حتى لو كانت بعينكم هالمصيبه كبيره وعظيييييييمه والله يوفقكم كلكم ويسعدكم ويزيح عنكم همكم


ونصيحه من اخت لو بيوم من الايام ضاقت فيكم الدنيا قولو بس يارب
وشوفو شلون هالضيقه تروح ويحل مكانها راحة البال وسعة الصدر
عسى الله يسعدكم كلكم دنيا واخره :eh_s(7):

 

[Mjnont '3lay]

زيييين نزل موضوعي
اب اب اب

 

[مريم القلاف]

حياتي يسلمووو على الموضوع الروووعه :ggdw: أندمجت ويه بوقته
أنا كنت مضايقه وزهقانه قريته حسيت براحه وصح كلامج ألي أشوف مصايب غيره يهون عليه نفسه
والحمدلله على كل الحال:eh_s(7):​

 

[تحت ظلك]

موضوعج جا بوقته

تعبت أذرف دموع والله ولا شي تغير أنا كل أمري مسلمته لربي
لكن تعبني الحزن وربي بجلاله أن حتى قلبي يعورني من كثر ماني صابره
أحيانا نتعب وحنا نتحمل لكن مادام الله ربي بصبر

الله يرحم الحال وهو عالم بكل شئ
أسأله سبحانه يفرج لنا جميعا همومنا.

 

[* ليــــدي *]

جزآج الله خير ع الكلآم ..
و ربي يسعدج

 

[لآلئ وردية]

يا رب

عسـاه بميـزان حسناتج يا رب

و يسعدنا و يسعدج و جميـع المسلميـن ان شاءالله

 

[متيمة بالشعر]

مـوضـوع بـ قممة الروعه ,
و طـرح رآقي جداً , ..
يعطيـج العآفية حبيبتي , و جزآج الله خير
بكلآمج هآذآ شوفي جم وحده آرتاحت من بعده ,


..... ​

 

[لمى الهاجري]

اختي كلامج درر وييرح القلب جزاج الله خير الحمد لله على كل حال ادعلي بالتوفيق

 

[عتآق الخيل]

مميزهـ غلآتي بالطرح الموفق
سلمت الايادي .~

 

[عاشقة الاسلام]

كلامج ريحني ووايد
لج الف شكر اختي علي الموضوع الاكثر من راءع

 

[شذى2007]

ياقلبي موووضوعج روووعه

 

[سنــاء]

ياسلاااااااااام والله انتى روعه بجد والى خطيتيه كلام كبير ومايطلع الا من عضماء
وياليت تفكيرنا ونظرتنا للمشاكل احنا ياالبنات يكون بهذي النظره كان استوت حياتنا

تشكراتي الك

 

[αησмα]

يسلمو حبيبتي

وانا احبج فـ الله ^_^

 

[a7la siorah]

وانا بعد احبج في الله

مشكوووووره ي قلبي

 

[كويتيه فرنسيه]

اي والله صاجه احنا نشيل هم الدنيا واهي اصلا زائله

والله طول ماالانسان بصحته وعقله فهو بالف خير والله مايبتلي الا المؤمن

مشكووره على الموضوع الي يبعث على التفاؤل

 

[جنون العاطفه]

الله يجزاج خير ي رب ​

 

[Mjnont '3lay]

مشكورين حبيباتي كلكم على مروركم العطر ونورتوني بموضوعي واكثر شي اسعدني انه الشي اللي طلع من القلب وصل للقلب
وفعلا مرات الكلمه الطيبه تكون لها اثر كبير بنفس الانسان سبحان الله
وانا كوحده ما اعرفكم الا من ورى شاشه مابيدي شي ولا بيدي اغير لكم حياتكم صح ولا لا بس اللي بيدي اسويه اني اواسيكم بوقت احزانكم وضيقتكم
وصدقوني دنيييييييياااااا فاااااانيه الله جابنا لها عشان يختبرنا فيها ومارده رح ياخذنا عنده خلونا نصبر ونحتسب عل وعسى ربي يريحنا بالاخره باذن الله
وكل ما ضقتو قولو الحمدالله على كل حال ومابي وحده تقول والله مافي مثل مصيبتي لاااا ياقلبي غيييرج مصيبته اعظم
عالاقل انتي يا اختي المهمومه والحزينه مصيبتج انج مهمومه وحزينه من شغله فلانيه مثلا وماردها يومين ثلاث بالكثير سنتين ثلاث وتنتهي
اما غيرج اللي ماعنده ايد ورجل او معاق وصاير طول عمره عاله عالمجتمع مابيده شي والمشكله واحد يقطه عالثاني شتقولون عنه ؟؟
قووولو الحمدالله انتو على كبر مشاكلكم وهمومكم والله العظيم احسن من غيركم بمليون مره

 

[عسل سل]

ياااحلووج يارااعية المووضووع انتي نفس تفكيري الحمد لله
كنت حابه اكتب موضوع مشابه له بس انتي كفيتي ووفيتي

 

[أسيرة_أحزاني]

ياااارب

 

[Al-3tho0o0ob*]

ربي يجزاك الف خير ياقمر
ربي يرفع عنا ويبعد عنا كل هم وغم ونكد