يــــــــــــــــــآرب ســـآعدني

[مآيشبهوني]

يسعدلي صبــآحكم حبـآيب قلبي ..

شلونكم شخباركم ..

تكفؤؤن يا بنات انا جايتكم وآملي بالله ثم فيكم كبيـر ..

أبي حـــــــــــــــــل وربي تعبت ..

بقوولكم قصتي وسـىعدوني ..

آنـآ تزوجت وآحد من جمـآعتنا وصـآرلي معاهـ سنه الوكـآد آول يوم لي معاه تعرفون ما له داعي اكتب "..." بس ما كنت متخيلته انه .. المهم ..

نزلـت تحت عند اهله الساعه 11 ونص الظهر احنا بنسافر شهر عسل وكانت طيارتنا الساعه 5 ونص العصر .. انزين كانوآ عماته موجودين وبنات عمته وحريم عمانه وخوآته وبنات عمه المهم ان العايله كلهاا موجوده ..انزين دش مشـآري اللي هوو زوجي وقـآل وين غـلآي وآنا قاعده فز قلبي لما سمعت صوته ولفيت بشووق ورهبه وبنفس الوقت بخوف .. انزين وبالموقف هذآ عرفت ان بنت عمته آتحبه وحـآسدتني عليه المهم قلتله هلا جـآن يقولي تعالي فوق ابيج ضروري قلت انشالله .. انزين المهم قمت عساس اني بصعدله فوق وانا رايحه صووب الدرج الا والملعونه تقول اي مشاري كان يحبني بس مدري منو لف راسه بس ياالله مرده لي وبتشووفون بكل وقاحه تقولها .. وربي اني انقهرت ويمكن تحسون باللي انا حسيت فيه يعني انا عروس والمفروض يحببوني فيه مو يكرهوني .. المهم صعدت الغرفه وانا حابسه الدمعه وقععد يتغزل ويقول كلام حلوو فجآه سكت وانا فجآه نزلت الدمعه امبيه مدري شلون الله يعيني المهم رتبنا اغراضنا ونزلنا عساس نروح المطآر طبعـآ مشـآري راح الدوانيه وانا قعدت عند اهله .. من الحره ودي اقووم واذبحهاا بناات تصرور اول ما نزلت سمعتهم يقووولون البنات ان مشآري يحب خلود وكانوآ عايشين قصه حب مع بعض من زمان آه يا بنات استحقرت نفسي بكلامهم امبيه وربي قاعده بينهم ودي ابجي المهم جان تجي ام خلود وتقول يحليله مشاري كان عنده اربع وعشرين ساعه وكان ما يموت بخلود .... " بذمتكم هذآ كلآم " المهم جتني خلود جان تقول مرده مشاري لي وراح تشووفين آه ياربي مدري شسوي سـآفرنا شهر العسل آهو مستانس وانا خايفه من بكره يسـآلني شفيج اقول لآ ولآ شي ردينـآ وآهم ع نفس الحاله .. تكفوون ابي حل .. ابي حل ... من كلآمهم عن مشـآري وخلود .. >> سـآلت مشـآري عن خلود << شافني قاعده ابجي من القهر .. قالي حيـآتي شفيج قلت ولآ شي قالي تهونه قوليلي شفيج .. قلتله خلوود .. قالي شفيهاا بعد شمسويه قلت لآ شي لآني طبيعتي ما احب اكره لاهل بعضهم .. عطووني حل .... بنات طلبت الطلاق احسلي ولآ تكفوون ابي حل احس الطلاق احسلي واحسله معنى مشـآري ما يحبهاا ولا يواطنهااا .. آهـ يارببي ..

 

[حصــgص..~!]

مالج شغل فيها هذي وحده تبي تخررب بينكم و مدام ان زوجج يحبج و خطبج من اهلج اكييد يبيج و شاريج لو صصج يحب بنت عمته جان ما راح وطلب ايدج و إذا قالت شي ردي عليها بدال الكلمه عشششر ...~


و الله يوفقج مع زوجج ...~

 

[روح امها]

شوفي اختي دام زوجج ما يحبها ولا يواطنها معطيها طاف
خلاص ماعليج منها خليها تولي
انتي اهم ما عليج زوجج
بعدين اهو فضلج انتي عليها اهي كانت جدام عينه ليش ما اخذها
يمكن اللي بينهم كان حب مراهقة وطيش شباب
كافي اختارج انتي اتشيلين واسمه وتصيرين ام عياله

 

[مآيشبهوني]

رد : يــــــــــــــــــآرب ســـآعدني

انا معـآج بس كل يوم طلع عنه كلام لما اسـآله يقول وربي لا لا لا انا مدري اصدق منوو ولا منوو ..

اصدق خلوود ولآ امهاا ولآ مشــآري محتــآـرهـ آآآآهـ قلتهاا من قلب ..

 

[روح امها]

اي صج نسيت اقولج
نصيحة لا تقولين حق زوجج اهلك واهلك ترى الريال ما يحب جذي
اي شي تسمعينه عطيه طاف

 

[^وجد قلبي^]

الله يكافيج شر من به شر ..
ومالج شغل فيها اهووو لو صج يحبها اخذها
وادعي ان البنت هذي تتزوووج وتفتكين منهااا

 

[ياشوقي للجوري]

رد : يــــــــــــــــــآرب ســـآعدني

حبيبتي هي الي تبيه وتبي تخرب عليج حياتج
لا تعطينها مجال تمسكي بزوجج كثر ماتقدرين وخليها تموت قهر
لو يحب بنت عمته ليش ما اخذها شنو يرده عنها ولا شئ
اتركيها عنج واذا قالت اي شئ ردي عليها خليها تموت قهر
والله يوفقج مع زوجج ويهنيج ويبعد عنج كل حسود يااارب
والطلاق شليه من بالج لا تخلينه لها

 

[Tom ♥ Jerry]

.


زوجج مآ يحبها و آختارج آنتي من بد كل البنات الي تشوفينهم جدآمج
على شنو تطلبين الطلاااق .. !
لا اتبينين لها أنج مكســورة و و و !

بالعكس لو وحـده ذكيه جان عرفتي شلون ظحكت و استانست و اهيه كأنه موموجوده !
حبيبتي غيري من نفسج صدقيني اذا تطلقتي رآح تندمين ..

حطي في بآلج أنه ريلج يحبج آنتي و أختارج آنتي و فضلج عليها
المفروض بدآل لا اهيه تبجيج أنتي الي تبجينهآ

حقريها و ظحكي و سولفي و روحي و دلعي ريلج جدآمهآ
و خليه يموووووووووت عليييج أكثر و آكثر خليه مآ تمر ساعه الا و يدق يطمن عليج و يسمع صوتج
و طولي حسج جدآمهآ خليها تسمع أنه يحبج و آنتي تحبينه

رآح تنكسر صدقيني .. و أهيه بالأخير رآح تبجي ..
اما سالفه الطلآق و هالخرآبيط شيليها من بآلج و خلج ذكيه لا تخلينهآ تفوز عليج

 

[daana]

الله يكون بعونج ان شالله يفيدونج

 

[المقروووده]

يمه قهرتني
طرشتلج خاص شتسوين لأن مالي خلق أحد يعلق على ردي

 

[miss-winter]

وين قاعدين شنو هالجراءه الي فيهم معقوله ؟

 

[جوـآهر ..~]

رد : يــــــــــــــــــآرب ســـآعدني

حبيبتي انسي شي اسمه طلاق .. طلاق بسبه وحده هبله تبا تخرب بينج و بين زوجج ..!

هي تبا هالشي و انتي تسوينه لها ،، و تعطينه لها ع طبق من ذهب شرات ما يقولون ..!

شوفي ، يمكن هي كانت تحبه من طرف واحد بس و هو ما بادلها هالحب ، و يوم خذاج قالت الا اخرب عليه و اخليه يطلقها و ياخذني ..

و اكيد مخبره الباجيات انها كانت تحبه و يمكن مألفه عنه اشيــآء هو ما سوــآهآ يعني يحبني و انا احبه و مارعف شو .. حركات بنات معروفه ..



و لو ع قولتها يحبها و بينهم قصه حب ، جان بيبين من نظراته لها من تعامله وياها باختصار بيكون مفضوووح ، و بعد لو كان يحبها جان ما عاملج بحب و حنيه و هو يحب وحده ثـآنيه ..

حبيبتي كبري مخج ، و هاي ياهله و لا تحطين راسج براسها .. و اذا شفتيها تحت لا تنزلين عسب لا تغثين روحج .. و اذا ما قدرتي تستحملين خبريه و لا تخشين عنه شي ، لانه من الافضل انه يدري منج و لا يدري من حد غريب ..

 

[فوشيه عجيبه]

الله يكون بعونج
و صدقيني المؤمن لازم يبتلى و هذا يمكن امتحان من رب العالمين

 

[« ҝ ά ш ά i i »]

رد : يــــــــــــــــــآرب ســـآعدني

ياحبيبتي باين هذي وحده محتره منج لانج اخذتي حبها
وهو يمكن يدري انها تحبه فمعطيها طاااااف ياحبيبتي لا تخلينها تخرب بيتج مثل مازوجج معطيها طاف انتي بعد عطيها طاف
وصدقيني لو تطلبين الطلاق راح تندمييييييييين وايد قصص مرت علي مثل قصتج
لاتسمعين لا حق خلود ولا امها لانهم يبون يخربون بيتج وياخذون زوجج وانتي لا تسمحين بهالشيء افهمي ياحبيبتي
عيشيء حياتج كانهم وشيليَ فكرِهـ آلطلاق من رـآإسجَ .. ودومِ آستغفري

 

[إم بــــرٍآك]

رد : يــــــــــــــــــآرب ســـآعدني

طــــــــــــــــــــلاق @@ لييش هذا الي اهم يبونه واصلا خلي هالشي في بالج مو اهي بنت عمته ؟! يعني لوو انه يبيها كآن خطبها من زمآن بس مآأعتقد ان يحبها ولا يبيها بس هي قآطه نفسها عليه والله خلج عآديه وحرييييييها هي وامها ولا عليج منهم والله يعمي عيون الحسآد عنج حبيبتي ودلعي ريلج قدآمهم وتغنجي وتدلعي _03BA:
ولآتسكتين قولي حق ريلج عنـهآ وامها بس لاتبينين قدآمهم انج متوتره او منقهره لانهم بيسسستانسون اذا شآفوج متضآيقه وسمعي كلامي والله يهنيـج :eh_s(8): ..

 

[مآيشبهوني]

رد : يــــــــــــــــــآرب ســـآعدني

وـآلله مـآدري شسوي اهي تحاول تكرهني فيه بس مادري احس ان ميشوو غير عن اللي تقووله الله يصبرني عليهاا وع امهاا وخوااته ..

تسسسلموون حبايب قلبي ع مروركم اللي يشرح الصدر بس انا كل شي اقوله لميشوو .. ما احب اخبي عنه شي ابيه يكوون بصوره ..

بنــآت تصورو آطلع كلام عني تقول مراح اخليهم مشـآري يهدني انا وياخذ غيري ..

بنات اهي وع موحلوه ومشاهدها حرام كلش وع وع وع حتى لما سالته عنها قالي من صجج اخذ هذي انتي شايفتها بس انا اخذت الزين وترك الشين ..

مادري يحبني ولا لا ولا بس كلام كلامهم يشككني فيه ..

 

[Pearl Qatar]

رد : يــــــــــــــــــآرب ســـآعدني

ليش تطلبين الطلاق ..؟ مب صاحيه انتي


دام الريال يحبج وماييب طاريه خليها تولي هي واهلها ومالج شغل فيهم


خلي همج ريلج وبس



الله يسخره لج

 

[summer's day]

رد : يــــــــــــــــــآرب ســـآعدني

حبيبتي حاسة فيج والله بس تدرين شنو؟
خلي علاقتج معاهم سطحية وايد وسلمي وضحكي واذا قالت ريلج باخذه قولي الله يرزقج بواحد مثله
وأنصحج تطلعين بشقة بروحج بعيد عنها واقري قرآن دايم و تحصني والله ينخاف لا تسوي شي بعد.

 

[مشتاقه لك يبا]

رد : يــــــــــــــــــآرب ســـآعدني

وبس ؟؟ بتطلق ؟ عبالج الطلاق لعبه حبيبتي

حمدلله والشكر بتطلقين على شنووووو ؟؟؟ الصراحه اسمحيلي انتي يا غبيه او تغيبين

خاينج زوجج؟ طاقج ؟؟ مسود عيشتج ؟؟ ياربي انا ما احب الانسانه الجباانه اسمحيلي انتي جبانه من اول كلمه تبي تنحاشين

وتخلينلها الخيط والمخيط قهرتييييييني الصرااحه . دام زوجج يحبج ما لج شغل فيها لا تحاسبين زوجج على حياته قبل الزواج وبعدين


لو كان زوجج يبيها جان خذاها كاهي جدام عينه شنو المانع ؟؟؟؟ بس هذا اكبر دليل انه ما يبيهاااا .. كبري كبري عقلج انا ما احب البنت السلبيه خليج عاقله

وقويه ولا تعووودييينها مره ثاانيه والله يهنييييكــــــــم

 

[Tutti-Frutti]

رد : يــــــــــــــــــآرب ســـآعدني



لالا
لا تطلبين الطلاق من صجج !!
خليها تولي عطيها اكبر طاف ولو ريلج يبيها جان خذاها ما راح وتزوج من بره العايله
كسبي ريلج وحقرييييييييها خل تموت بحرتها
حببي ريلج فيج اكثر واكثر ولا تبينيله اي شي ولا تقولين له كلامهم
هذا زوجج يعني حقج مو حق غيرج وكافي انه ما يحبها
لو يحبها جان قلت لج حجي ثاني
بس ما يحبهاااا ليش تتنازلين بهالسهوله
خلج قويه

الله يوفقج