يقولي ات مازاد وزنج رااح اتركج

[MiiMoo]

رد : يقولي ات مازاد وزنج رااح اتركج

واااي على هالريايل مادري شيبون .... متينه ضعفي ولا ضعيفه متني الله يعينج وسوي مثل ما قالوا لج البنات

 

[هيراس]

رجلك صريح وهذا شي حلو تعرفين وش اللي يبي
الرجال مايحبون الحريم اللي تلحقهم وين رحت وش سويت ووو
انتي اهتمي في نفسك ولاتسوين له زياده عن اللي يطلبه منك الرجال مايحب المراه الللي تدلعه يحب اهم يدلعها وهذا باين من شخصيه زوجك
اهتمي بنفسك وشغلي وقتك ولاكانه موجود يعني لاتسوينها سالفه اذا طلع وتدقين عليه وتحاسبينه عيشي حياتك مثل ماكنتي بنت خليه اهو اضافه لحياتك مو هو حياتك

 

[قلبي سلومي]

الله يهديه ويصلحه

 

[مواصله]

رد : يقولي ات مازاد وزنج رااح اتركج

اسمحيلي اسلوبه حده وقح وماعنده ذرة ادب

 

[عويتقة]

حبيبتي اتركييييه وطنشيييييه واهتمي في ها الفترة بنفسك كتييير وكلي كتييير واستعيني بفاتح للشهية وكللي مكسرات وعملي نضام غدائي حااااااد واعملي كل لي فجهدك وامتني ترا انك تمتني كتييير سهل واهتمي بروحك وبملابس البيت ولو دخل البيت اعملي روحك بتتكلمي في التلفون وك انك ماشفتيه بسسس تكونين في ابهى طله وعطرك سابقك لعندو ولا تحنني له ولا عليك ابدا عذبيه مثل مايعذبك بس الفرق انه يعذبك بالكلام وانتي عذبيه بجمالك وبنيو لوك خطييير وبالصمت وقلة الاهتمام فيه والله يعينك ويمتنك ياااااارب

 

[ماني من الناس]

الله يعينج عيله ,,,,,,,,,,ما عنده اسلوب


غيري شخصيتح معاه شكله مو تبع طيبه وذرابه خخخخخ


طنشيه عيشي حياتج مو هذا اللي يبيه وصدقيني بتراتاحين اكثر بلا صداع بلا عوار راس


وركزي بنفسج دلعي نفسج وروحي السوبر ماركت واكلي كل اللي تبينه زوري اهلج غيري جو انسيه

والسيريلاك مع حليب كامل الدسم يمتن

 

[*peace*]

حبيبتي مشكلتج حدها بسيطه وحلها ابسط بعد

ليش معقده السالفه ومتازمه وحالتج حاله!!!!!

اولا يبيج تمتنين عادي ماقال شي بالعكس احسن انه صارحج ويقولج شنو يحب وشنو مايحب

كل يوم اكلي على الاقل ٥ سنيكرز وشوفي ان ماربربتي بشهر ماكون بيس

ثانيا سالفة الطناش

هذا دليل انج تلحقينه من مكان لي مكان

وماعندج لاشغل ولامشغله غير تطبخين له وتسنعين ملابسه واغراضه وبس تحطين وتسوين له

ان قالج شي قمتي ركضتي تسوين له

هذا غلط

لانه جذي ماراح يحس بقيمتج لانه ماشافج وانتي مهمله او مومريحته

اوكي يبي شغله سويله على قده لاتذبحين عمرج وتعطينه اهتمام زياده عن اللزوم

الحل

اذا كان موجود طنشي تكلمي بالتلفون شبكي طالعي تلفزيون لاتبدين السالفه معاه

خليه اهوا اللي يبدا السوالف

وسلامتج

 

[امل يائس]

شوفي حبيبتي انا وايد تعاطفت معاج صراحه احتريت عليج كانج رفيجتي او اختي

زوجج و باختصار يبيج تصيرين كالتالي: (على فكره اغلب الازواج يبون جذي و عن خبره شخصيه)

- من ناحيه الشكل: مهمته بالبسج حييييييل بالبيت خلج دايما مغريه ضيج و قصير اضافرج دايما مسويتهم (اقصد طوال اشويه مو وايد و نظاف و مرتبين بس مو صبغ اضافر لانه يمنع الوضوء واحسه سوالف يهال ويضيع انوثه الانامل) حواجبج معدلتهم (اذا تستحرمين من الحف عدليهم) ملابسج الداخليه كلها سكسيه والوان صارخه و ولا تنسين الاكسسوارات الناعمه اما اذا طلعتي راعي حشمة الله بس خلج ذربة و انيقة
وترى الكشخه مو بالعبايه الضيجه و الكبه الي تسوي راسج شكبره و الميك اب الي يخرع انتي تلبسن ضيخ بالبيت حقه خلاص هذا يكفي لكن بره غيري ستاليج قدامه اولا لان الضيج حرام ثانيا لان العبي الي تجي واسعه احسها تعطي هيبة و كبرياء ولا تسوينها وايد اوفر يعني خلي نقشتها اسود كلاسيكي ناعم و ذرب وفي انواع الكمام و الموديلات

من ناحيه الطبع: وحده كلها كبرياء و ثقه (مو غرور و نفسيه ترى في فرق)
يبيج وحده دلوعه نعومة في قمة الجرئه الثناء ممارسة الجنس (حلالج)
بالبيت كثري من التمشي و التقصع و التمايل جدامه بكل دلع و ثقة و ما ةفيها شي اذا رددتي انشوده (مو اغنيه انا استحرم) او شي حلو بينج و بين نفسج حسسيه انج مبسوطه من نفسج و مو هامتج لا الدنيا ولا شي ولا حتى اهو (حسب طلبه مو اهو الي قالج تفكين عنه اشوي)

ترى اغلب الزواج يحبون هذا النوع من النساء و ترى هم يغازلون لانهم يدورون هالنوع بالذات
انا اتكلم عن تجربه و خبره
حنا كزوجات مغطي علينا طابع الخجل الي طبعا مو مفقود تماما عن بنات ابليس الي يغازلونهم لكن اذا شاف الي دور عليه بالبيت صدقيني راح يكتفي و ينشغل فيج
ادري الكلام اصعب من التطبيق انا للحين اعاني و خاصه اني ساكنه في بيت الحموله ما اقدر اخذ راحتي الا بغرفتي باحاول اسوي الي اقدر عليه وانتي بعد حوالي جذي بترضين الله ثم زوجج و انشالله تتوفقين معاه يارب

وطمنيني عنج

 

[ماني من الناس]

ما قلتي كم وزنج وطولج عشان نحدد لك كم كيلو تحتاجين زياد ه؟؟؟؟؟؟

 

[انا لحبيبي .]

رد : يقولي ات مازاد وزنج رااح اتركج

البنات ما قصرو ​

 

[نفهمها صح]

رد : يقولي ات مازاد وزنج رااح اتركج

لا تعليق

 

[انثى استثناء]

قوليله ما طلبت شي يا بعد قلبي
ما في اسهل من الحقران

بس هذي مو عيشه ترى شنو صيري مثل الممثلات

و انا شخصيتي وين اهو يملي علي اشياء لا و الله اذا اهو مريض

لازم اهو يروح يحورف بعمرة يتركج علشان سمنه وضعف لا و الله لا بارك الله بهذا التفكير

انا لو بس اعرف اهما شنو يبون ب اللحم جان انا ارتحت

 

[G!RLooNa]

انغثيت صراحه

الوحده جسمها و كيفها !!!!

قبل ما يتزوج مو شافها ما وصفوله اهله ضعيفونه مربربه متروسه !! خلاص شيبون قطيعه

هذا اللي ناقص اييني يقولي متني ولا ضعفي ولا اهدج

اوكي تبيني امتن ولا اضعف و اتفخ هني و افش هناك

اطلعله معجزات بجسمه انت سولي جذي ولا اهدك عشان اسويلك اللي تبيه و ماتهدني !!!

واي استغفر الله الرياييل اييبون المرض

 

[ماني من الناس]

وينج كتبتي الموضوع ولم نرى لكي أي أثر,,,,,,,,,,,,,,

 

[ام شيخوه]

اكل مكسرات وطيحي بالحلى والبطاطس المقلي وترى الطحينية السايلة تمتن انا كنت عود والحمد لله طحت بالاكل لمى وصلت للوزن المطلوب وترى الحمال لة دور بعد

 

[" ام حمود "]

خلاص عيل مدام قال جذي طنشيه خليه يكون وراج احسن
نوع ريلج غريب بصراحه .
خليه ع كيفه وجابلي نفسج احسن واهتمي بنفسج
الله يخليه لج

 

[aldanaha]

رد : يقولي ات مازاد وزنج رااح اتركج

اهتمي بنفسج وشكلج غير لوكج متني اهتمي ببشرتج شعرج جسمج وحقريه
بييج

 

[كنت هناك]

باختصار زوجج نظامه طقيه بالطوفه يركض وراج
يعني يحب اللي دوم تسفها ومطنشته عرفتي

 

[kandora]

اذا تبين الصراحه ؟ الريااااال اللي يلتفت لشكلج بس بيييه ييييوم ويهدج
صج ما يستحي الله يعينج عليه

 

[قآهرني بس آحبه]

رد : يقولي ات مازاد وزنج رااح اتركج

الله يعينج عليه