يلا تعالوا نغسل المشوط

[جمانه 99]

مراحب كويتيات

ابي اسأل اول تغسلون مشطكم ؟وتغسلون فرش السشوار ؟كم مره بالإسبوع ؟وفي شنو تغسلونهم ؟

خلوني اجاوب

جمعي كل الفرش اللي في البيت مع فرش الخدم والسايق( عفوا ماعدا فرش الخدم والسايق ):ssssso:

اخذي طشت صغير حطي فيه :-

*قليل من الصابون
*قليل من الديتول
*ماء دافي

خلطيهم عدل مدل وحطي كل الفرش لمدة ساعه ساعه ونصف وبعدين اشطفيهم بالماء الدافي وايد وبعدين افرشي فوطه ووزعي عليها الفرش لما تنشف وبجذي راح تشوفون الفرش نظيفه وريحتها مممممممممنعشه

هذا شغلي كل جمعه لأن يوم الجمعه اشن حملة تنظيف على غرفتي اغير الشراشف مع فوط السباحه مع فوط اللي ننام عليهم مع التنظيف العميق والدقيق للغرفه والحمام

:edbf4317b9::edbf4317b9:

 

[أساور]

نفس طريقتي بس بدل الصابون احط غسول الويه والا الشور جل
مشكورة

 

[ranoona55]

انا بصراحة اغسلهم على الماشى بعد كل ما اتسبح بماى وصابون السائل مال الايد وبس

 

[قهوة برية]

يعطيج العافية

 

[رفرف]

مشكووووورة

 

[رووووعه]

مشكوره

 

[باونتى]

يعطيج العافيه يا قلبى

 

[أغلى حبيبه]

والله انا مايتني فكره اغسل المشوط

اقطهم واشتري غيرهم كل فتره والثانيه


بس بجرب اغسلهم باجر واعطيج النتيجه

 

[ريكاتو]

يعطيج العافية خوش فكرة

 

[جمانه 99]

نفس طريقتي بس بدل الصابون احط غسول الويه والا الشور جل
مشكورة

فكرتج حلوه بعد الشور جل احسن من الصابون علشان يطلع بسرعه بالغسيل ومايبقع على اسنان المشط ومنكم نستفيد:tek:

 

[جمانه 99]

القهوه البريه
رفرف
روعه
باونتي
اغلى حبيبه
ريكاتو
شكرا على مروركم وردودكم

 

[Yasmin]

يسلمووووووووو

 

[جمانه 99]

الله يسلمج حبيبتي ياسمينا

 

[زيـنـه]

نفس طريقتنا ..و انا افركهم شوي يردون جنهم يدد .

 

[Anastasia]

لووول خوش شي صراحة يعطيج العافية يا قلبي ..!!

 

[وجدان الكويت]

مشكووورة حبيبتي

واالله موضوعج مميز

 

[دانتي]

مشكوره للفكره حبيبتي ونفس طريقتي

 

[زينة البحرين]

هلا وغلاان شارية من حبيب الشعب "دايسو"شاش من صوب قسم الشباصات والفرش في كيس احمر مكتوب عليه brushing caresheetفية10 فطع سمحوني للحين ماعرف انزل الصور تحطينة على الفرشة ويجمع كل الشعر وعقب تقطينة ويبى المشط نظيف ترى كلما حستي بدايسو حصلت مالا تتوقعين

 

[جمانه 99]

مشكورين بنات على مروركم وردودكم
زينة البحرين لج كل الشكر منى على المعلومه اليديده

صج دايسو تلقين فيه لكل مشكله حل

 

[سمرة كويتية]

مشكورة حبوبة على الموضوع اللي ما احد تطرق له الا قليل

بالنسبة لي انا اغسل مشوطي وفرش الماكياج وفرشاة السنان بالشامبو ... بعدين احط بلسم واغسلهم بماي حار وارصهم على فوطة

واخليهم ينهوون بالشمس شوي ....


انا مثلج يوم الجمعة اشن حملة تنظيفكو ... على الصعيد الشخصي وعلى صعيد البيت ... وما اعتمد على الخدم الا قليل