يلي تسوون رجيم شنو بتسوون في شهر رمضان ؟؟؟!!!!

[ام سلمان 2007]

مرحبا يابنات اناقاعده اسوي رجيم يعني نظام غذائي بس الصراحه احاتي شهر رمضان انتو تعرفون شهر رمضان ومغرياته من الاكل كله مقليات وحلويات وصعب الواحد يكون صايم ويتفطر أكل رجيم فكرت اسوي اشتراك في وجبات الدايت بس اخاف ما ألتزم حتى مع وجبات الدايت فشنو راح تسوون يابنات يلي تسوون رجييم في رمضان فيدوني الله يعافيكم لأني اخاف اخرب الي سويته في 4 شهور في شهر واحد ​

 

[سفيره الهم]

وناسه اول رد
مادري تبي رجيم مجرب
يالله بنات

 

[ام ليوونه]

وانا بعد نفسج مسويه رجييم وقاعد احاتي رمضااان لان بعد رمضااان عندي اربع عروووس وخاايفه اخرب رجييمي وخصيصا انا بيت حمووولتي يعني لازم نتفطر كلنا بسفره وحده !! يالله بنااات فيدونا نبي شي ينزل من وزننا ويحافظ على رشاقتنا

 

[سفيره الهم]

انا اقول نبده بالتمر اول وناكل خمس تمرات وقلاص لبن نقوم نصلي على ما المعده تستوعب الاكل وعقب الصلاه شوربه ومن كل صنف ناكل قفشه وحده ونقوم والسحور عاد يكون خفيف يعني بيضه مفيوحه وتوست اسمر ثنتين وطمام واللي ما تحب البيض لبنى او جبن لايت

 

[عسووولة]

صح

 

[Q8stylle]

انا اقول نبده بالتمر اول وناكل خمس تمرات وقلاص لبن نقوم نصلي على ما المعده تستوعب الاكل وعقب الصلاه شوربه ومن كل صنف ناكل قفشه وحده ونقوم والسحور عاد يكون خفيف يعني بيضه مفيوحه وتوست اسمر ثنتين وطمام واللي ما تحب البيض لبنى او جبن لايت

اتفق مع اختي

 

[غلآة امي]

انا سويت ريجيم برمضاان
خرربطت شوية

بس يعني اذا حسيت اني زوودتها اقوم اسوي ريااضية
يعني لا تحرميين نفسج وااااااااااااااااااااايد
اذا خلااص حسيتي انه لازم تاكلين اكلي لقمة او 2 بالكثير
حاولي قد ماتقدرين تقللين و ماتاكلين شي ثقيل و بس

 

[خريجة 2010]

هههههههههههههه سبحان الله نفس حالتي

بس قررت احلف ع المصحف خخخخخخخخخخ شسوي بعد ما اقاوم

 

[ام عزيزان3]

شوفي حبيبتي قسم الانظمه الغذائيه فري عليهم واختاري الي يعجبك,,,بس شوفي النظام الي يناسب وزنج اذا كان وزنج بال80مايناسبج نظام وحده بال50
انا عن نفسي السنه الي طافت مسويه نظام الدكتور عبدالله المطوع,,,واول اسبوعين نزلت 2كيلو بدون حرمان والاسبوعين التالين مانزلت
حتي الدكتور يقولج حتي لو ماتنزلين لو تثبتين وزنج برمضان نعمه لان نوعية الاكل تزيد الوزن
ومع اني كنت اخربط بس اشوه اثبت ولاازيد
شوفي موضوعي تلقينه بالقسم,,,قسم الانظمه الغذائيه

 

[فتافيت الكويت]

سوى ريجيم القفاش

 

[doofy]

كل من كل الانواع بس خفيف

يعني ريجيم تخفيف

 

[ام عيالها الغاليين]

وايد يمدحون رجيم محمد ربيعه وعبدالله المطوع لرمضان صحي وحلو

 

[ام سلمان 2007]

حبيبتي فتافيت ممكن توضحيلي شنو رجيم القفاش

 

[ام سلمان 2007]

تسلمين حبيبتي ام عزيزان بدخل وبشوف موضوعج

 

[ركووزه]

اتا كنت اسوى ريجيم القفاش بس كنت مرات اخربط

 

[%F&R%]

up up up up

 

[ام سلمان 2007]

بنات عفيه فيدوني شنو رجيم القفاش

 

[ام عزيزان3]

بنات عفيه فيدوني شنو رجيم القفاش

حبيبتي نظام القفاش الي يتبعون نظام المطوع يعرفونه
يعني مثال,,يقولج 6 قفاش تبين من نوع واحد او من كل نوع قفشه كيفك
ويضيف بعد 1سمبوسه و1كبه,,او بيتزا صغيره..لج من هالسولف 2حبه ماتبين تبدلين بالقفاش تاخذين بدال سمبوسه وحده قفشتين مثلا هريس
انتي شوفي الانظمه وراح تعرفين واي سؤال حبيبتي حاضرين

 

[ريفيل]

رد : يلي تسوون رجيم شنو بتسوون في شهر رمضان ؟؟؟!!!!

انا اتابع مع دكتورة ربا الضمان اللي ببراءة كلنك ما شاء الله قاعد انزل معاها فبرمضان اكيد يتعطيني برنامج وراح انزله ان شاء الله بس على الله اتذكر

 

[ملوووووكه*]

up up