يننونى الديوان اقدم ع الماجستير ولا ع البكالوريوس

[أليين]

هلا خواتى الموضوع باين من عنوانه يننونى الديوان بنات انا بكالوريوس اداب وكنت مدرسه تالى استقلت من التربيه وكملت ماجستير الحمدلله اللى ميننى لما قدمت بالديوان على شهاده الماجستير ماوظفونى بسرعه كاتبين لاتوجد احتياجات مناسبه للمؤهل @@ تالى اقبلونى بالاعلام ورفضتها ونصحونى ناس اقدم على البكالوريوس يمكن الفرص الوظيفيه تزيد شويه قدمت على البكالوريوس ومن القهر ردووونى وزارة التربيه الحين انا مستقيله من وزارتكم تردووونى لها مره ثانيه شسالفه :eh_s(16): بنات واللى يعافيكم اللى عندها خبر شنو الافضل اقدم على الماجستير ولا ع البكالوريوس تقول لى وربى ظلم انا اعرف الانسان كلما زادت وارتفعت شهادته تكون فرصته بالتوظيف اكثر يعنى لما حطيت الماجستير قطونى بالاعلام @@ ولما حطيت بكالوريوس ردونى تربيه شالدبره ياربى شنو الحل يمكن لو اقدم على شهاده الابتدائى وايد ابرك :eh_s(1):واللى يعافيكم ردوا بسرعه لانى برفض الترشيح للوزارة الترابيه اللى يندفنون فيها الاوادم :eh_s(11): يوم الاحد وناطره ردودكم اقدم ع الماجستير ولا البكالورويس ردوا واكون لكم من الشاكرين يااارب يوفقكم باللى تتمنونه وربى بنات انا كل مادعى حق نفسي ادعى لكل البنات اللى اعرفهم واللى ماعرفهم الله يرزقكم كل خير ويوفقكم:eh_s(7):

 

[سيده اعمال SHD]

رد: يننونى الديوان اقدم عالماجستير ولا عالبكالوريوس

جان رحتي الاعلام

في قسم زقرت هناك تطلعين مع الوفود شي جذيه بس ماعرف اسمه

 

[أليين]

رد: يننونى الديوان اقدم عالماجستير ولا عالبكالوريوس

شسوى حبيبتى الاعلام معاشهم مو شئ وسمعت وايد ظلم اهناك يعنى تفرقه بالمعامله

 

[DA3LOoOLA]

رد : يننونى الديوان اقدم ع الماجستير ولا ع البكالوريوس

لا تتهورين وتقدمين بشهادة البكالوريس لان راح يفرق الراتب معاج مع شهادة الماستر صبري والصبر زين وكل تاخيره فها خيره انشالله

 

[~MaNaR~]

رد : يننونى الديوان اقدم ع الماجستير ولا ع البكالوريوس

أكيد الماستر ما يبي له معاشج يفرق بعدين حرام انتي تعبانه ودراسه ماستر وتقدمين بكالوريوس جنج ما سويتي شي

قدمي بالديوووان وروحي سألي الوزارات اللي يطلبوون تخصصج في وزاراة يكون التقديم عندهم ويأخذونج بدون ما ينزل اسمج بالديوووان

وفي أماكن ثانيه بعد يعني انتي قدمي بالديوان بس لا تتأكلين عليهم شوفي كل مكان فيه تقديم ويطلبووون تخصصج قدمي فيه

اذا بتنطرين الديوان كل مره راح يقطووونج مكان مووو شي هذي سوالفهم

 

[أليين]

رد: رد : يننونى الديوان اقدم ع الماجستير ولا ع البكالوريوس

لا تتهورين وتقدمين بشهادة البكالوريس لان راح يفرق الراتب معاج مع شهادة الماستر صبري والصبر زين وكل تاخيره فها خيره انشالله

مشكووره قلبى بس انا قالولى قدمى ع البكالوريوس واذا انقبلتى رفعى شهاده الماجستير علشان زياده المعاش

 

[أليين]

رد: رد : يننونى الديوان اقدم ع الماجستير ولا ع البكالوريوس

أكيد الماستر ما يبي له معاشج يفرق بعدين حرام انتي تعبانه ودراسه ماستر وتقدمين بكالوريوس جنج ما سويتي شي

قدمي بالديوووان وروحي سألي الوزارات اللي يطلبوون تخصصج في وزاراة يكون التقديم عندهم ويأخذونج بدون ما ينزل اسمج بالديوووان

وفي أماكن ثانيه بعد يعني انتي قدمي بالديوان بس لا تتأكلين عليهم شوفي كل مكان فيه تقديم ويطلبووون تخصصج قدمي فيه

اذا بتنطرين الديوان كل مره راح يقطووونج مكان مووو شي هذي سوالفهم

ادرى حبيبتى بس لما قدمت ع الماستر كاتبين لاتوجد احتياجات مناسبه للمؤهل وكل مره قطونى مكان مو شئ نفس ماقلتى يعنى بكالوريوس وماستر نفس الحاله قلت يمكن لما اقدم على البكالوريوس المجالات تزيد واول ما اتوظف اقدم لهم شهادتى علشان المعاش بس لااااطبنا ولا غدا الشر
مشكووره حبيبتى ع الرد

 

[نونا**]

ليش مقدمة عالديوان

روحي الوزارات

او الجامعه او الكليات
تشتغلين استاذه

معاشج مو اقل من 1800!!

بعرف منو قالج قدمي عالديوان؟

دايما اللي معاهم شهادات عليا لهم تقديم خاص بالوزارات او الهيئات او الكليات

 

[أليين]

ليش مقدمة عالديوان

روحي الوزارات

او الجامعه او الكليات
تشتغلين استاذه

معاشج مو اقل من 1800!!

بعرف منو قالج قدمي عالديوان؟

دايما اللي معاهم شهادات عليا لهم تقديم خاص بالوزارات او الهيئات او الكليات

ادرى حبيبتى بس قدمت عالديوان لان الجامعه والتطبيقى من ضمن الديوان والجامعات الخاصه قطاع خاص واحس مو مضمونين يعنى باى لحظه ممكن يستغنون عن خدماتج وترى مو بسهوله الواحد يشتغل استاذ يبيله وااااااااااااسطه ومو اى واسطه واسطه عوده انا اعرف ناس شهاده دكتوراة عندهم ولا وظفوهم بالجامعات ولا بالكليات يعنى سمعت عندج واسطه كل امووورج طيبه ماعندج قعدى مكانج انا واسطتى رب العالمين والله كريم ان شاء الله ابرك من واسطاتهم

 

[نـ(المطيري)ـازكـ]

رد : يننونى الديوان اقدم ع الماجستير ولا ع البكالوريوس

امبييييييييييييييية الين عورتي قلبي

انتي من صجج عقب التعب بتقدمين ع البكالريوس لا يبة خليج ع الماستر ..

شوفي لج واسطة عيل ..

اممممم .. ممكن سؤال يعني انتي ليش قدمتي استقالتج .. ليش ماخذيتي اجازة دراسية براتب وكملتي دراستج

واذا خذيتي شهادتج تسوين بس ننقل خدمات للمكان اللي تبينة وبراحة بال ..

 

[أليين]

رد: رد : يننونى الديوان اقدم ع الماجستير ولا ع البكالوريوس

امبييييييييييييييية الين عورتي قلبي

انتي من صجج عقب التعب بتقدمين ع البكالريوس لا يبة خليج ع الماستر ..

شوفي لج واسطة عيل ..

اممممم .. ممكن سؤال يعني انتي ليش قدمتي استقالتج .. ليش ماخذيتي اجازة دراسية براتب وكملتي دراستج

واذا خذيتي شهادتج تسوين بس ننقل خدمات للمكان اللي تبينة وبراحة بال ..

هلا حبيبتى نازك انا قالولى ناس اذا حطيت مؤهلى ماجستير بيؤخرونى بالتوظيف قالوا حطى بكالوريوس تالى رفعى شهادتج لجهه العمل اذا توظفتى بعدين انا كنت مدرسه واستقلت من الضيييييييييييييييييييييييييييييييييييييييييييييييم اللى شفته ان شاء الله ماتشوفونه يارب واذا على النقل هم لووويه خصوصا اذا بنقل من وزارة التربيه كل شئ متعلق بوزارة التربيه تاكدى كله معقد وزارة النحس

 

[نـ(المطيري)ـازكـ]

رد : يننونى الديوان اقدم ع الماجستير ولا ع البكالوريوس

والله يا الين تدرين شنو القهر ان مافي وظايف سنعه للكويتين ..

لو انتي دارسة حقوق يحطونج سكرتيرة ههههههه

مافي الا تشوفين لج واسطة .. وبيني وبينج حرقة قلب تاخذين اول جم شهر معاش البكلريوس وشوفي متى يرفعون شهادتج ويتغير معاشج ودرجتج .. والله قهر في بنات قاعدين بالبيوت ع سنة وسنتين ع اساس مو لاقين لهم وظايف .. الله كريم وشوفي انتي اللي يريحج وسألي يمكن بالمنتدى نادر ماتلقين حد يفيدج بهالخصوص .. اممممم روحي ع يوم للديوان ويكون يوم مافية لوية او مبجر عشان تسألين حد مختص اهناك ع راحتج ويقدر يفيدج .......

 

[نونا**]

ادرى حبيبتى بس قدمت عالديوان لان الجامعه والتطبيقى من ضمن الديوان والجامعات الخاصه قطاع خاص واحس مو مضمونين يعنى باى لحظه ممكن يستغنون عن خدماتج وترى مو بسهوله الواحد يشتغل استاذ يبيله وااااااااااااسطه ومو اى واسطه واسطه عوده انا اعرف ناس شهاده دكتوراة عندهم ولا وظفوهم بالجامعات ولا بالكليات يعنى سمعت عندج واسطه كل امووورج طيبه ماعندج قعدى مكانج انا واسطتى رب العالمين والله كريم ان شاء الله ابرك من واسطاتهم

لا لا

غلطانه

الكليات ينزلون اعلانات والتقديم يا بالجامعه او التطبيقي

خصوصا التطبيقي يقبلج بدون واسطه لان عندهم نقص

جربي روحي مبناهم بالعديليه

وان شالله راح تدعين لي

 

[أليين]

لا لا

غلطانه

الكليات ينزلون اعلانات والتقديم يا بالجامعه او التطبيقي

خصوصا التطبيقي يقبلج بدون واسطه لان عندهم نقص

جربي روحي مبناهم بالعديليه

وان شالله راح تدعين لي

مشكورة نونا حبيبتى بس مادرى سمعت لاازم واسطه ويمكن يبون تخصصات معينه رفيجاتى معاهم ماستر ماقبلوهم


واذا على الدعوه ياقلبى لاتحاتين بدعيلج قبلونى او ماقبلونى كافى مرورج ومساعدتج حبيبتى

 

[~MaNaR~]

رد : يننونى الديوان اقدم ع الماجستير ولا ع البكالوريوس

الجامعه تقديمهم بروح أنا بكالوريوس ورحت قدمت على الجامعه

مو مع الديوووان حاطين بالرغبات بس ولا مره الديوووان نزلوا احد مقبووول عندهم

معروووف ان التقديم يكووون هناااك ويسوون مقابلات وكل شي بروحهم

روحي قدمي معاشاتهم قويه بعد

 

[DA3LOoOLA]

رد : يننونى الديوان اقدم ع الماجستير ولا ع البكالوريوس

الي يقولج غلطااان هذاك اول يصير في بعض الوزارات والقطاعات الخاصة يوقعونج على تعهد انج ماتطالبين بتعديل وضعج الوظيفي ؟؟؟

انزين من رايي قدمي على التطبيقي تصيرين استاذة في كلية التربية الاساسية او بالجامعه تصيرين معيدة واذا تبين تتوظفين بشي ثاني غير تخصصج اتجهي للقطاع الخاص والله يسهل امووورج انشالله

 

[أليين]

رد: رد : يننونى الديوان اقدم ع الماجستير ولا ع البكالوريوس

والله يا الين تدرين شنو القهر ان مافي وظايف سنعه للكويتين ..

لو انتي دارسة حقوق يحطونج سكرتيرة ههههههه

مافي الا تشوفين لج واسطة .. وبيني وبينج حرقة قلب تاخذين اول جم شهر معاش البكلريوس وشوفي متى يرفعون شهادتج ويتغير معاشج ودرجتج .. والله قهر في بنات قاعدين بالبيوت ع سنة وسنتين ع اساس مو لاقين لهم وظايف .. الله كريم وشوفي انتي اللي يريحج وسألي يمكن بالمنتدى نادر ماتلقين حد يفيدج بهالخصوص .. اممممم روحي ع يوم للديوان ويكون يوم مافية لوية او مبجر عشان تسألين حد مختص اهناك ع راحتج ويقدر يفيدج .......

الله يعينا حبيبتى فدييتج ياقلبى حااااسه بمعاناتى انا ناويه اروح الديوان وبرفض التربيه وبعدل شهادتى من البكالوريوس للماجستير وبدور شغل بالجامعات الخاصه حسبى الله عليهم

 

[أليين]

رد: رد : يننونى الديوان اقدم ع الماجستير ولا ع البكالوريوس

الجامعه تقديمهم بروح أنا بكالوريوس ورحت قدمت على الجامعه

مو مع الديوووان حاطين بالرغبات بس ولا مره الديوووان نزلوا احد مقبووول عندهم

معروووف ان التقديم يكووون هناااك ويسوون مقابلات وكل شي بروحهم

روحي قدمي معاشاتهم قويه بعد

بلا حبيبتى الترشيح اللى فات حاطين اسماء اللى قابلينهم بالتطبيقى بالجريده اخاف اروح ويقولون نطرى الاعلان او يقولون صكرنا باب القبول

 

[أليين]

رد: رد : يننونى الديوان اقدم ع الماجستير ولا ع البكالوريوس

الي يقولج غلطااان هذاك اول يصير في بعض الوزارات والقطاعات الخاصة يوقعونج على تعهد انج ماتطالبين بتعديل وضعج الوظيفي ؟؟؟

انزين من رايي قدمي على التطبيقي تصيرين استاذة في كلية التربية الاساسية او بالجامعه تصيرين معيدة واذا تبين تتوظفين بشي ثاني غير تخصصج اتجهي للقطاع الخاص والله يسهل امووورج انشالله

مشكووره ياقلبى على مرورج ومشاركتج همى المشكله مرتين قدمت عالتطبيقى والجامعه مايبون معيدين وماقبلونى الله يسامحهم بس يبيييلهم واااااااااااااسطه وواسطه ماعندى او حظ وانا حظى يكسررررر الصخر
واسطتى رب العالمين ونعم بالله ان شاء الله يسهل امورى واموركم ياارب شكلى بروح اعدل الشهاده مره ثالثه من البكالورويس للماجستير واشووف تاليتها

 

[atooosha]

شوفي حبيبتي انا اقول انتي ما خذيت ماست الا انج بتطورين من مستواج الوظيفي

فالفلاق مو بالراتب 75 دينار ولا شي الفرق بالفرص الثانيه يعني مميزاتج اكثر من الجامعي

بالترقيات والترشيحات وحتى الوظايف القياديه

انا براي تنطرين بس لا تعتمدين على الديوان انتي بنفسج قدمي على الجامعه التطبيقي المجلس الاعلى للثقافه اممم هذا اللي ببالي الحين

الله يوفقج