يهددني بالطلاق

[روان||~]

السلام عليكم
انا صارلي سنتين من زواجي وصارت مشاكل للطلاق وتدخل من الاهل بس ماصار طلاق لاني مابي اطلق وانا اعترف غلط وبس ندمت ابي بيتي وريلي بعد المشكله العوده انا رديت لريلي بس حيل تغير مايبيني عايفني كارهني يقولها اكثر من مره وانا لمن بغيت اطلق بجيت وانهرتوتعبت نفسيتي والحين يدور علي الزله وحياتي جحيم واترجاه وابجي انه مايطلقني ادري مافي حل خلاص كرهني تخيلوا اني قلتله تزوج علي ولا طلقني رفض قال مابيج ومابي غيرج احس حس حيل جرحني ماطلقني لاني كسرت خاطره في امل يتغير او افقد الامل ابي بيتي وابي عيالي يعيشون مع ابوهم مابي نتفرق مع اني مو حيل احبه بس مابي اطلق *

 

[مريم القلاف]

حبيبتي الاهل لادخلينهم بمشاكلكم وزيدينها الا اذا كانت كبيره
حاولي ألحين أتغيرين من نفسج وتجذبينه صوبج شكو تقوليله تزوج
قوليله أنا أبيك وشاريتك حرام عيالج يتشردون
يمكن قال جذي بلحظه غضب ماحس أبنفسه
والله يسهل أمورج أنشالله ووفقج​

 

[ALMooOooN]

حبوبتي

اول شي الله يهدي سركم و يسخره لج

ثانيا المشاكل تصير باول سنوات الزواج الخمس ليما الازواج يتأقلمون على اطباع بعض و يتعودون على بعض

و تزيد المشاكل مع اول بيبي

انا اشوف الوضع طبيعي

بس حاولي تسحبينه ناحيتج و تخلينه يستانس على قعدتج

و شوي شوي يرد الود اللى بينكم

و ادعي حبيبتي ربج يسخره لج

و يدبر لج امرج

عسى ربي يهدى سركم ياااااااارب

اااااااامين

 

[قمة^الانوووثة]

ان شاء الله مسألة وقت و كل شي يكون احسن
حسب الكلام اللي فهمته ان الغلط كان منج!!

المصيبة انتي تقولين عافج خلاص!!
و الرجال مو نفس المرا
بس لو انتي جنيتي على نفسج و بيتج بعد هذي نتيجة طبيعية
ابي اقولج شغلة مدام انتي غلطتي غلطة ريلج عافج و كرهج نصيحة اذا تبين تعيشين معاه بسلام وخري عنه داخل البيت يعني تحاشيه و لا تردين اي طلب يطلبه بسكات
يعني لا تغثينه لان خلاص حياتج ماعادت حياة زوجية طبيعية اذا تبين افضل حل داخل البيت وخري عنه اذا يبي شي يطلبه منج و اذا تبين شي ضروري انتي قوليله
سوري على استنتاجي بس هذا اللي فهمته اعذريني
مو كل مشكلة نقدر نحلها مثل مانتمنى و نبي في مور لازم نرضى بالامر الواقع خلاص بس نحاول نعدل شوية

 

[Gifts&Occaions]

الله يعينج

 

[انثى عاشقة]

ياقلبي اكبر غلط تستعطفين الزوج بهالطريقة !!!
تزوج علي بس لاتطلقني !!
انتي جذي تعطينه صلاحية يذلك ويهينك
انتي غلطتي صح ؟؟
عرفتي غلطتك ؟؟
الحل بسيييييييييييييييييييييييط
غيري اسلووبك معاه صيري وحدة ثانية بكل شي
ماعليه تحملي قسوته شوية في البداية
تحملي صده
لا مبالاته
كلام جارح ممكن
مشي مشي معاه لحد مايجي يوم ويطخ ويمل
ويعرف قدرك
ويفهم ان انتي صج تغيرتي

الله يهديه ويسخره لك

​

 

[Patcholli]

حبيبتي غلط تترجينه بيكبر راسه عليج وبيذلج

كنتي تقدرين تستدرجينه بطريقه غير مباشره

مثلا تقولين نبدي صفحه يديده واوعدك اتغير وعطني فرصه بس ماتوصل للترجي والبجي لاتهينين روحج صدقيني الريال ماينعطى ويه ويستغل ظعف الحرمه ويتكبر عليها

 

[om_3azoz]

الله يعينج ويهديه يارب

 

[كليـ دلعـ]

اهما جذي. لي عافووو. خلااص

لووتستذبحين جدامه

مارحمج!!

عيشه الذل تذبح وتقهرر

وقمه الالم والمرض تعيشين مع الريال واهووعايف

لانهم اذا عزززموو عززموو

ماايتراجعون


انا بطبعي ماحب الضعف

واحب الصاافي

لكن انا حاسه فيج حيييل

اذا انتي حييييييييل تبينه

وموقاادره

انا اعلمج

خلج فالبيت وتحاشيه لايشوووفج الا نادرا

نامي بغرفه ثانيه

وخلج جامده ورسميه

لاتميلحين له ولاتقططين نفسج عليه

ولاا تترجينه

عطيه

طااااااااااااااااااف

طااااااااااااااااااااااف

بيتج نظيف

ومرتب

ملابسه نظااف

ولاتخلين له درب عليج

نهاائيا

وصدي عنه

صددددي

خلج بغرفه برووحج لاتقعدين جدامت

انحجبي

خليه

خليييييه

يروووح

يفتررر

يرررجع

يبرررد تدريجياااا

ويطخخخخ تدريجياااا

ويحن

وينكسررر

ويفقدج

ويررردلج

اذا تبينه

سوي جذي

انحجبي

صددي

غطي عنه

خليه لين يرجغ له عقله

وديري بالج

تترجينه وترخصين قدرج

 

[ربي يسر امري]

العشره الطيبه يتمنها وما يعوفها اي زوج

عندك الوصفه السحريه

عامليه بالطيب وادي له كل حقوقه الا حق واحد الي هو حق الفراش

وانتبهي تبينين انك متعمده او نافره منه... حاولي تتحاشينه وتتعذرين له

وهالحق عطيه اياه بين فترات متباعده خليه يحس بلذته عدل وكوني له بالفراش بمثل ما يحب واكثر وكوني له بدور العاقشه الولهانه


صدقيني فتره وبتشوفين قلبه بين ادينك لان الفراش للزوجين فيه اسرار السعاده كلها

وللمعلوميه الزوج مثل ما يكره الزوجه القويه العنيده هم يكره الزوجه المنكسره الذليله

خير الامور الوسط حبيبتي.

 

[لحن التياعي]

خذي نصيحة كلي دلع ولا تذلين نفسج له واضح من كلامج له انج ضعيفة معاه
الله يبرد على قلبج وترا مافي مستحيل على الله

 

[قاهره عذالي]

الله يهديه لج

ادعي ربج ان الله يسخره لج

وزين انج اعترفتي انج غلطانه عليه وحسيتي واعتذرتي وندمتي

الله يبعد عنكم الشيطان ويخليكم لبعض

 

[فديت غلاي]

حًيياْٺۓِخلج قوووويه قدامه
لما اقولج خلج قويه
قصدي انج تصيرين عنده ثقييله
صدي عنه
مو حيييل عاد
لا
خليه يفقدج
ولاااااتترجينه
قوليله ٱ‏​نـِْ♡̨̐ـِْا غلطت واعترفت بغلطي ومافي انسان معصوم عن الخطأ
لاكن ٱ‏​نـِْ♡̨̐ـِْا تايبه توبه لوجه الله
واوعدك اني مـِْ♡̨ـِْا اعيدها
وراح اثبتلك كلامي
وانا اسفه وحقك علي
عطني فرصه وشوفني فيها
اما مسألت انج تبجين عنده وتترجينه غلللللط
لان الرجال مايحب الشي المتوفر عنده
يحب يدور الشي الصعب
يعني اثقلي عليه
خليج بعيده عنده
خليه يفكر فيج ويقول انَـا فقدتها
والله يستر عليكم
ويهديه لج يارب
ويصلح مابينكم

 

[روان||~]

مشكورين يعطيكم العافيه
ماقصرتوووا
جزاكم الله الف خير

 

[Zaina-al-zaina]

حبوبه مثل ماقالوا البنات

لاتستعطفينه !!!

وتحاشيه بس مو تهجرين غرفة النوم دير بااالج !!!

خلج نظيفه ومرتبه وبيتج نظيف ولاتلبسين قمصان خلج عالباجيم وباجيم حلوه وذربه !

لاتطلبين منه الا الضروري ماجلة بيت او اغراض يهال ...

خل كل شغله اوكي ...من ملابس وغدا وعشا ...عشان مايلقى عليج الزله ...

الله يعينج على هالحياه بس صبري وادعي وباذن الله تتعدل الامور ...

 

[أحلى البشر]

مسألة وقت بعدها السالفه مابردت كلها فتره وترد الامور مثل ماكانت ونفس ماقالوا البنات لاتذلين نفسج زياده

 

[PuPa^^SWeeT]

الله يكوون بعوونج

 

[دهورتني يازين]

اب اب اب اب