بســم الله الرحمـــن الرحيـــــم
أقــول بنيتــــي حبيبتــي تسمعينــي ولا موعاجبـج كلامــي
تسمعينــي ولا اروح واخليــج تسمعينــي ولا أغضب عليج
الى يــوم الحســاب .. ها شقلتــي ردي بســرعه
موافقــه ردي علي ......قولـي كل اللي تبينــه يايمـــــه
تبيــن واحــد كشخـه ولد نعمــه ولد فلــوس عنده فيــلا وعمارات ومحـلات
تبيـن واحـد رتبـه في الداخليــه ومصطـر النجـوم كلها على جدفـه
وشايف نفســه على النـاس وموبعينـه احـد
تبيـن واحـد ولد وزير او عضو او مديــر
وكل يوم هادج ورايح مع ربعه يا بالشاليهات او مسافر حق هالدول اللي يكش البدن منها
وكل يوم يايبلج مــرض ها شقلتـي اكمل ولا اسكــت
كملي يمــه قولـي قاعده اسمعــج
ولا تبيــن واحــد يصلي ويصـوم ويخـاف الله وبر في والدينه ومايقصر معاج بشي
ويحطج بعيونه وعلى قد حاله
ولا تبين واحد من هذيله اللي قتلج عليهم
يشتريلج سياره ويكشخج اخر كشخه ومن ديره لديره ومن حفله لحفله
وبعد شهرين او ثلاث يشبع منج ويشوتج ويشوف وحده غيـرج
وتقعدين في البيـــــت حتى السايق مايطالع ويهــج
ها شقلتي ردي بسرعه الحريم ناطرين مني كلمه
موافقه ابي الغني اللي عنده خير وولد نـاس
عالاقل انا راح أغيره واتحكم فيه مع الايام وراح تشوفين يايمه
ابي استانس ابي اطلع من البيت زهقت يايمه عمري وصل 26 سنه وانا مجابلتكم
حرام عليكم رفيجاتي أكثرهم تزوجوا وهم في اول العشرين الا انا
والسبب تفكيركم وعاداتكم القديمـه
الأم موافقــه ( اي ) عيـل تحملــــي
وافقــت البنــــت ومهرها 10,000 الاف دينـار
وسيـاره اخر موديل والصاله لاتوصف والشقه ولا بالاحــلام
وخـدم وحشـم ودراريــع من مصمميــن اكبــار وأقل دراعه من 500 وصاعــد
والألمــاس تارس جسمهـا .. والذهــب صـار موضـه قديمـه بالنسبه لها
وكل يــوم في احلى مطعــم ومن سينمـا لسينمـا
ومن ديـره لديـره .. شي لايوصــف وماتتخيلونــــــه
وبعــد شهريـــن .. الزوج الغنـي الكشيـخ ولد الحمايـل ولدالنعمـه والملاييـــــن
اقــول فلانـه حبي حياتــي .. هلا بزوجي ودم عيونــي أمرني تدلل قــول
باجـر بســوي حفلــه في البيـــت .. شحفلتـه حبيبــــي .. بس جـذي بغيـر جـو بعزم الربع
على راحتــك انزيــن وشنو تبينـي اسويلــك اجهزلك يالغالـي
ابيـج تروحيــن بسيارتـج حق أمــج
ليــش حبيبــي
انتي من صجج اتعبج معقوله حياتــي بخليــج اتساعديني والخـدم موجوديــن
لا لا لا انا ما أرضــى .. روحي بيتكـــم واستانسي
ومن تخلص الحفله ادق عليــج ترديــــن .. اوكـي حبي
أوكــي حبيبــي وزوجي الغالــي
اليــوم الثانــي لبســت وكشخـة وركبــت هالسيــاره اللي تلق وتلمـع من حلاتهــا
وراحــت عنـد امهـــا
قوه يمـه قوه يبـه شلونكم ولهت عليكــم
واحنـا اكثر يابنيتــي
شلونج عسى مرتاحه .. البنت مرتاحه وطايره من الفرحه
ومومصدقه يايمه ..
وشلون ريلــج .. تمــام الحمــدلله يايمــه
حـده كوووول وطيب وحنــون وظريــف
تخيلــي اليوم عنده حفله عازم ربعه في البيــت أقوله اساعدك اطبخلك اسويلك اي شي تبي
يقولي لا والف لا عيــب تشتغلين وتعبين نفسج وايدينـج الحلــوه بالغسيل وصابون المواعين
هالخدم شحقه حاطينهــم .. تخيلـي يايمـه
شفتـي لما قلت لج قبل شهريــن ان البنـت هي اللي تتحكـم بالريــال وتغيــره بشطارتهــا
الأم .. نعمـه من الله عساها تــدوووووووووووم
بس اقولج بنيتي ريلج يصلـي
البنــت لا يايمـه !!
الام يزكي .. لا يايمه من تزوجتـه ماشفت هالشي يمكن بعدين يقولي
انزين يصــووووم .. ماسألتــه عن الصيــام !!
انزيـن يعـرف يطبـخ
ليش يايمه يطبـخ وهالخدم تارسين البيــت .. اكيــد مايعـرف
انزيــن يقـرأ قـرآآآآن .. بصراحه يايمـه ليل نهــار البيــت جوه رومانســي
الأم رومانســي شنو يعنــي .. البنــت يعني شقولــج أغانــي هاديه وخفيفه عالقلــب وحلــوه وايد وايد
الأم يعنـي مايصلي ولا يصـوم ولا يزكـي ولايقـرأ قــرآن ووووووالــخ
اي يايمــه .. بس ليش هالاسألــه ترى صــار زوجي واوعـدج مع الايــام راح أخليــه يصيـر مثل ابوي واكثــر !!
الأم ان شاءاللـه يابنيتــي ..
صــار الليـــل والساعـه 9 وتتصل البنــت ..الجهـاز مغلــق
يمكـن حبيبـي مشغـول .. ماعليـه معــذور
السـاعه 10 الجهـاز مغلق
السـاعه 11 12
الام هابنيتــي صـارت السـاعه وحـده بالليل دقي على ريلــج شيطلعـج بهالحـزه
والوضــع هالايــام يخــوف مومثــل أول
حاظــر يايمــه .. بدق عليـه
يمـه دقيت جهـازه كله مغلــق يمكـن خربان او مافيـه شحـن
انزيــن بنيتـي بخلي اخوج يوصلــج شقتـج قبل مايطلع الفجــر
عيب تتأخرين على ريلــج يمكن نام ونسى نفسـه من التعــب والغائب معـذور يابنيتـي
البنــت اوكــي يمه كلامج صحيــح
الأم اقول بنيتي انتو ماعنــدكم تلفون أرضي
البنــت وييييييييييه شفيني نسيته الحمدلله والشكر
ذكرتيني خليني ادق عالبيت الله يذكرج بالخير
يارب يشيل التلفون يارب يشيله .. تكفى شيله حبيبي شيله لاتعـور قلبي
ها بنيتي .. والله يايمه يدق ومايشيله امبيــه لايكــون صـارله شي
بجرب اخــر مـره .. شيله تكفى شيلـه
الحمدلله شالــه آلــو حبيبــي زوجي وينــك طمنــي عنــك فيــك شي
هاهاهاها اي حبيبي اي زوج هـذا
أمبيــه هذه وحـده شكلي داقه غلــط والله فشلــه
أنـا اسفته اختــي عذريني
لا حبيتي انتي موداقه غلــط
منوأنتــي فلانــه زوجة فــلان اي نعــم
أكيــد انتــي اختــه يايه الحفله ... لا غلطانه
عيل أكيــد انتــي وحده من العائلــه .. هم غلطانـه
عيــل خلصينــي انتــي منو وويــن حبيبـي ريلــي وينـه . انتي شمدخلج شقتي
حبيبتــي انا معزومــــه .. ليــش انتــي هبلــه موقاعـده تسمعيــن صـوت البنــات والموسيقــى والشبــاب
الزوجه شنو بنــات شنو موسيقى شنوشبــاب شسالفه فهميني .. انا الحين ايي وأوريــج وراح امسح راسح بالارض
يمـه ويــن اخــوي ..الأم شفيــج بنيتــي .. يمه نادي اخـوي خليه يجي معـاي
خلاص خلاص بناديه
ياسعــود ياسعــود .. هلايمــه تعال امشي ورى اختـك وصلها لشقتهــا
وخلك معاها ماأدري شفيها .. اكيد زوجهـا مسكيــن تعبــان حاظـر يمــه
راحت الزوجه وسعـود وراها وهي شابه نــاااااار وقاعده تاكل بنفسهـا وبظافرهـا
وصلت الشقه ولا السيـارات الكشخه والفخمه مسكره المدخل شسالفه شصاير .. هالناس لحدالحين ماراحـو !!
نزل سعود واختـه صعدوا الشقــه . ولا الموسيقــى شغاله للاخــر
وريحة الزكاير شي لايوصــف .. الزوجه دخلت الشقه واخوها منصدم من الموقف ومن المنظـر
شسالفه شهالشبـاب وشنوهالبنـات .. وين ريلج يابنت الناس .. انتـي متأكده من هالشقه
اي سعــود لاتكلمني خلني بحالي . وشوف ريلي وين قاعد
ولا هذه البنت اللي شالت التلفون .. انتي فلانه .. اي نعم انا زوجتـه
انتي اللي حاجيتني أي نعـم انا
يالله في امـج خير مسحي راسي بالأرض تكفين بسرعه مسحيــه
الزوجه انتي من صجج انا موناقصتج ابي ريلي وينه شهالمصخـره اللي في بيتي
البنــت .. تبين ريلــج .. اي ابيــه وينه ... لحقيني
طالعـت الزوجـه وشافت الصدمه زوجهـا وحبيبهـا ودم عيونهــا الغنـي الكشيــخ
سكـرااااان وقاعد يترقـص حق البنــاااات
طاحـت البنــت من الصدمـه ومومتخيله اللي صــار
واخوها الحمدلله كان وراهـا
شالهــا واخذها المستشفى وشوية ابر ومسكنـات
صـار الصبــح .. هاسعــود قولي شسالفه
اللي امس انا شفته حلم ولا علم
تكفى تكفى قولي
اختي حياتي .. انتي اللي شفتيه علم علم علم وليـس بحلــم !!
قامت تصــرخ تبجي تشيل نفسها فوق وتنزل للأرض وتصرخ من قمة راسهـا
الظهـر وصلت الوالده والوالــد والاخوان كلهم متيمعيــن
هابنيتـي طمنينـا عنــج شلون صرتـي
البنــت .. كنت اتمنى هاللحظه ..
الام .. تتمنين شنــو
كنـت أتمنـى اني اكـون نايمه بالمستفشى وكل واحد فيكم يقولي مبروووووك انتي حامــل
الأم والاخـوان قامـو يبجـون واللي ماسك نفســه واللي مومصــدق الخبـر
بعد ساعات رن تلفون الزوجه ..
ألــو .. انتي وينـج من امس
انا وينـي ..
اي نعم وينج فيه من امس
انا بالمستشفى
ليش بالمستشفى .. لايكون بتسوين مثل هالافلام انا حامل
تعال شـوف بعينــك
مالي خلق
ليش مالك خلق
جسمي مكسر وتعبان وبطلع اروح اي مكان اغير جو مع الربع
مع الربع ولا بتروح حق البنات
اي بنات وخرابيط انتي فيج شي
انزين امس بالحفله محد قالك ان زوجتك كانت موجوده
انتي كنتي موجوده .. وين
كنت بشقتك وشفت المصخره والبنات وشفتك قاعد ترقص لهم وهم يضحكون عليك
اقول لاتقولين مصخره واحترمي نفســج يابنــت!!!!
لا والله اييج للمستشفى اشوه ويهج يابنت الفقر
انتو شعلمكم الاتيكيت شعلمكم الحفلات
انتو حدكم شاليه بالخيران ولا جاخـور بجبـد
مشكور وماقصــرت يطلع منك اكثر
سمعيني ماخلصت كلامي
قول شتبي بعد .. ليش يايه الشقه . انا موقايلج لاتجين الا لما ادق عليج
اي نعم انا ماجيت الا بعد ماأتصلت الف مره عليك وجهازك كله مغلق
فقلت اكيد فيك شي .. وللاسف ياليتني مت ولا شفت اللي شفتـه
موعاجبــج حبيبتــي .... لاموعاجبنـي
انزين باجر بسوي حفله عناد عليج موتي قهـر
تكفى لاتسوي تكفى الله يخليك والله تعبانه وحالتي حاله
بسويها غصبن عنج
اذا سويتهـا راح اييك الحفله واطرد البنات وربعك المصخره
ربعي انا مصخره
اي نعـم مصخره وقلة حيا وأدب
موعيب تسكرون وتترقصــون وربعك تاركين حريمهم وعيالهم
أقول وربي اني قلتي مصخره عن ربعي او عن البنات
الحين اطلقج:0bee2e8d89:
انت من صجك اطلقني .. طبعـاً الأم وابوها واخوانها وخواتها واقفين ويسمعون الصـوت العالي
اي نعم اطلقج وأبهذل عيشتج واسحب السياره منج والتلفون
وتروحين بيتكم الفقــر ..
قامت تبجي ومومصدقه وقاعده تشوف نظرات اسرتها والحزن واضح لا يكاد يوصف
الام شفيج بنيتي حبيتي شقالج .. يمي قالي بطلقج ... عيل تحملــــي
هذه امج اللي قاعده اتغرد بالحجي .. اي نعم امي
انا بالمستشفى وشكلي يعـور القلـب ومن شفتك امس قلبي عورني وماقدرت اتحمل
هاهاهاها كلامج حلـو ... عيل بقولج شي
تكفى لا
لازم اقولها هذا وقتها
انتي ماتنفعيني . وشكلج بتعبيني
وانا امي وابوي ماتعبوني من كنت صغير تجين انتي على اخر عمري بتعبيني
حبيبي تكفى حقك علي
أقول .. انتي طالــــــــــــــــق
وخليــج قويـه وتحملـــي
مع الســـــــــــلامه
انتهــت القصـــه
على فكـره هذه قصة واقعيه وهي بالأصل رفيجتي
وعمرها 26 سنـه وهالحجي صارله 9 ايام
وزواجها مادام شهريـــــن والله وحالتها لاتوصف من قولون صداع ترجيـع ألم في المعـده
شي لايوصف لايوصف ..
ولما كتبت موضوع بعنـوان (( هذا الرجل ولا بـلاش هذا اللي يرفع الرأس ))
وصلتني رسايل يسألون عن هذا الشـاب . ويقولون عسى الله يكثر من امثاله
لأن هذا الشاب اللي كتبت موضوعه بـار في والدينه ويخاف الله
وحفـظ القـرأن منذ الصغـر
وبطل كويت . وخبيرتغذيه . وغواص وقنـاص وطباخ
وشارك اللي اللجان الخيريه وكان ياخذ المكسب ويتبرع فيه حق الفقاره والمحتاجين
وتم تكريمه من الشيخه فريحه الصباح
ومن قبل الشيخ طلال الصبـاح
وكثير من الاسره الحاكمه
وسمعته طيبه وصاحب انجـاز يرفع الرأس ويأدي الصـلاه في وقتهــا
وحطيت صوره في الركن العام
والعوضي حط صوره في احدى اللقاءت يصلي بالطراد وبالبحر
ولا يأخر صلاته ويكفي انه بــار في والدينـه ..
وتقولي وحده او ثنتين من الألف طبعـاً
شنوالهدف من الموضوع اللي حاطته
يعني لو حاطه لها واحد يترقص وحاصل على افضل جائزه بالرقص
جان قالت واو كووول عجيييب
ولو حاطه لها واحد يغني ويترقص عالمسرح ويتقلب على خشبة المسرح مثل الحيه
جان قالت ما شاءالله يعرف يرقص احسن مني
الا شنو الفايده من انســان او رجل لادين عنده ولا أخلاق ولا تواضـع ولا أنجــاز يبيض الوجه
بس كل اللي يملكه المــااااااال ..
وبفلوسه يشتري بنــاااات خلق الله وبعد مايشبعون منهم
يقولها روحي انتي طالق ويقولها بكل سهوله ..
وربي لما ادق على البنت واسمع صوتها قلبي يعورني
ومن جذي كتبت لكم الموضوع بتفاصيله مثل ماسمعته
لاتستعيلــون على النصيـــب
نصيبج يصيبــج
وكل شي مكتــوب عند ربــج
مايأخر شي الا فيـه صالح لج
واللي ماتخاف الله ومايخاف من الله ما يهابـج
واللي يخـاف الله لاتخافيـن منــــه .....
عسى الله يوفقنـا ويستر علينـا وعليكــم
ويبعـد عنـا وعنكم كل بـلاء وهم وغم
ويبعد عنا اعيال الحرام
ويرزقكم بعيال الحــلال اللي يخافــــون الله
اللهـم آميـــــــــــــــــــــــــن ....
واللي تشـوف بلاوي العالم .. تهون عليهـا بلوتهــا ..
