يوميآت طفولية بالصور " دخلوا شجعوني "

[طفولية]

السلام عليكم ورحمة الله وبركاته
شلونكم كويتيات :fun:
اليوم اول يوم رجيم ..
وقلت احطلي موضوع عشان التزم فيه ..
واتابعوني تجعوني وتنصحوني ..
وهم الي بتسوي رجيم ومو عارفة شنو تاكل تاخذ افكار مني :eh_s(22):
كل يوم بحط التاريخ بحط الريوق + الغدا + العشى + الرياضة الي سويتها

يالله نبدي بسم الله
:eh_s(13):​

 

[krkosha]

الله يوفقج حبيبتي

 

[سيلينا]

موووفقه

ناطرين صورج ويومياتج

يارب توصلين للوزن الي تبينه بصحه وعافيه

 

[مـ..ـ‘َِـيآوَِّ]

بالتوفيق حبيبتي

 

[طفولية]

اليوم السبت 20 / 3 / 2010

وجبة الافطار بالصور




زوج من التوست اسمر المطاحن ..




حمصي التوست الاسمر يطلع ألذذذذذ




سوري ما لقيت الا حجم هالصورة .. انا حطيت لبنة بينار عادية مو قليلة الدسم بس ما كثرت .. لانها الذ من قليلة الدسم .. وهم خفيفة الي تحب قليلة الدسم بعد احسن



حطيتلي شريحتين مرتديلا .. انا آخذ خزآن الي بالكيلو لذيذة وخفيفة وما فيها زفارة ..



شرائح طمآط .. لذيذة وتبرد على القلب ومفيدة ..



وشوية بقدونس حدآآآ مفيد .. ولذيذ ..

كل هالي حطيته داخل الساندويج .. حدا حدا لذيذ .. ومفيد .. وصحي وقليل السعرات الحرارية والاهم من هذا يشبع


ما انسى اقولكم شنو شربت ..





جاي + حليب كرنيشن


وما انسى التحلية .. حطيت 3 سويتن لو ..



تم بحمد الله ..
=)​

 

[طفولية]

يزاكم الله خير كل الي دخلوا وشجعوني ..
الله يوفقكم يآ رب
=)

 

[استثنائيه]

برافو عليج طفووووووليــه

يلا كملي ترا الرجيم حلوووو تاكلين اكل اول مره بعمرج تذوقينه

وان شاءالله تنزلين بصحه وعافيه

 

[سآق نملة]

موفقه يا رب ..

 

[ذاك أول]

موضوووع حلووو والصووور أحلي ،،،، إن شاء الله توصلين لمرادج !!!!!

وأنا من باجر بكتب يومياتي !!!!! عشان انشجع بعض !!!

 

[~ NutellA ~]

موففففقه ان شاء الله.. متااابعينج

بس يا قللللللبي نصيحــه لا تستخدميييين هالشكر لا لا لاااا.. اذا ودج استخدمي شكر زيرو الاسود ممتاز
وفي غيره ماركات واايد
بس هالماركه ماهي زينه ديري بالج

 

[حرم_طيار]

الله يوفقج

 

[marshmelo0o]

انشالله توصلين للوزن الي تبينه

 

[طفولية]

فديت كل الي متابعيني .. مشكوووووووووورين كل الي دخلوا ..
حبيبتي " نوتيلا " ان شاء الله انا مفكرة اقطع الشكر .. يعني قبل كنت ادمان سويتن لو .. الحين لا .. ب5 ايام مرة !
وان شاء الله بستبدله ..

بنات سامحوني ما كملت غدى وعشى امس ..
لاني امس رحت شريت اغراض الرجيم .. فقنعوني ابيعها بالغدى والعشى فماله داعي اقولكم شخبصت :$

يالله نبدي باسم الله يايبتلكم خوش شي اليوم ..

 

[~ NutellA ~]

بالله

 

[طفولية]

اليوم الأحد 21 / 3 /2010

الافطار كان في تمام الساعة السابعة صباحا عبارة عن ..


الجيس الواحد فيه 3 شابورات .. انا كليت وحدة ..


+




حطيتها مع لبنة بينار الميني الصغار

+



شريحة مرتدلا ..

+



شربت شاي اخضر بالزنجبيل والعسل


وعشآن أكون صآجة بقولكم حتى الي خربطته :eh_s(16):

كليت جم حبة كوكيز صغار + صمونة بطاط من كفتيريا الجامعة .. على الساعة 11 :eh_s(22):


رديت يا حلوين البيت على الساعة 2 .. ما تغديت .. ولا حطيت بحلجي شي ..
ونمت ..

الساعة 4ونص سويتلي هالاكلة .. وصج صج لذيذة وخفيييييفة فيها يمكن 300 كالوري ..
نطروا الغدى بالرد الياي ان شاء الله :eh_s(15):​

 

[طفولية]

سويتلي حمسة حدها لذيذة وخفيفة حيل .. وما تحسين انها حق رجيم ..


المكونات :


نقانق نوع ( خزان جامبو 90% دهن اقل ) خفيف وما فيه سعرات ..اخذي وحدة و قطعيها نفس الصورة .. وخليه بالفرن الصغيرونو شوي بس يلين ..



بصلة كبيرة قصيها طوال طوال بس الشرايح تكون ضعيفة



طماط تقطعينه مكعبات صغآآآر



معجون طماط كيديدي .. ال100 جرام يمكن فيه 84 كالوري بس :sfg:



طريقة التحضير :

- اول شي حطي البصل بجدر صغيير ..وصبي عليه ماي بحيث يغطي البصل بشوي وغطي الجدر .. وخليه يطبخ لمن يخلص الماي الي حطيتيه.. هالحركة عشان يلين البصل وتستغنين عن الدهن ..

- تحطين الطماط الي انتي مقطعته .. وتحطينه فوق البصل .. اذا كان طماطج يابس هم حطي شوية ماي اذا كال لين .. قصري الجولة وخلي شوي يطبخ معاه .. ودقي الطماط بعدها ..

- لمن ينشف الماي مرة وحدة حطي لومي بودر .. انا احبه فاكثر الصراحة يعطي نكهة عجيبة .. وحطي نتيفة فلفل اسود .. وملح .. ونتفة بهار ..

- حطي قفشتين ونص معجون .. او 3 قفشات اكل .. اذا كنتي تحبين المعجون ..
- تحطين النقانق الي كنتي حاطته بالفرن داخل الجدر .. وتخلطينه مع البصل والطماط والمعجون الي موجودين بالجدر من قبل :eh_s(15):

- بعدها تقصرين النآر .. وتاكلين أحلى أكلة وبالهنى والشفى ..

انا كليت هالحمسة مع خبزرة ايرانية + سلطة يونانية مالت امريكانا ..​

 

[طفولية]

ان شاء الله تكون عجبتكم الطريقة ..
شربت ليمونتين + مع قفشتين صغار زنجبيل الصراحة حسيت اني تنين حاااااااااار عل جبدي ..
شربت فوقه بطل ماي صغير ..

والحين ان شاء الله بشرب شاي اخضر + شاي ابن سينا ..
اي شي اسويه ان شاء الله اقولكم =)

 

[m!ss craze]

بالتوفيق حبيبتي


ويارب توصلي للوزن الي تبينه بصحةوعافية

اهم شي الدعـــــــــــــــــأء والا رادة

 

[shams2008]

بالتوفيييق