يومياات Eng.Ba6a مع هيلث كومبني ومساج التخسيس

[Eng.Ba6a]

بسم الله الرحمن الرحيم
السلام عليكم

اول مره اشترك بوجبات الكراتيين واول مره بحياتيي اسوي مساج التخسيس

الوجبات
سالت وايد عن الوجبات وماقصروا الخوات الي بموضوع " شركات التغذيه منو احسن فيهم وجم نزلتى " نصحوني ب هيلث كومبني الاخصائيه عطتني 1300 سعره حراريه بس قلت لها ابي 1200 وخذيت وجبات رويال طلع علي 222 دينار

المساج
امي عندها مشغل بالبيت ولاحظت جم زبونه مقاساتهم تغيرت سالتهم عن هالتغير وقالوا لها مساج التخسيس بجوري سبا

رحت واشتركت بجوري سبا الي بالافنيوز واهموا عباره عن 30 جلسه مساج وجلستيين طين مجانا كل هذا ب 400 دينار ونظامهم 4 ايام ورا بعض وبعدين برييك 3 ايام ومن تدفعين تبلشين عقب سبوعين وتحديدين المواعيد معاها اول ما تدفعين انا خليتني اروح وقالت تعالي عقب سبوعين وطلع مو حاطلي موعد وسويت سالفه حطتلي مواعيد بس باوقات ما عجبتني بس اول سبوعين في لخبطه يعني 3 ايام ويوم راحه او يومين ويومين راحه بس عقبها مواعيد مضبوطه

وان شاء الله بحط لكم يومياتي يوم بيوم والنتيجه بعد

 

[شهد الحلوة]

بالتوفيييق وانشالله توصلين حق هدفج​

 

[Eng.Ba6a]

صباااح الخير

امس كان اول يوم ووصل مبجر فقدرت اتريق منه وهذي الوجبات بالصور

16/3/2011


الوجبات

الشركه

المنيو كامل

الريوق ( ساعه 9:30 )

حلو الزعتر بس لو شوي مقرمشه تكون احلى

سناك 1 (ساعه 12:30 )

نسييت لا اصوره كان قطع اناناس و انا اموووت علي الاناناس

الغدا ( ساعه 3:30 )

سلطه خيار وخس وجزر وذره والدرسنق مالهم حلو وشبعتني

سمجهم حلو حامض وايد وانا احب الحامض

ولبن المراعي

سناك 2 ( ساعه 8:30 )

الله يهداها الطباخه سخنتها عبالها كل شي يتسخن كانت حلوه بس مو واو


العشا ( ساعه 8:30 )

ديايهم حلو والبطاط لذيذ

وشوربه نودلز مع دياي

انا كليت سناك 2 مع العشا لان اليوم اول يوم لي بالمساج ولازم امااكون ماكله قبلها بساعه وانا عبالي ساعتين
الصراحه اكلهم يشبع بس حسييت باليوم من ساعه 2 لي 3 بهالحزه انا دايما ايوع

المساج

موعدي كان الساعه 6 ورحت مبجر وقدرت ادش
اول شي خذوا مقاساتي ووزني وعقبها قالت لي دشي البخار لمده 10 دقايق

عقب البخار يت وحده قصيير مافيها حييل قلت هذي الظاهر تسوي لي مساج ريلاكس وبعدين بتيي الي بتسوي المساج واهيه تسوي المساج شوي يعورني جان اسالها انتي ليلي قالت لي قلت لها عبالي انتي مو انتي الي تسووين المساج شكلج ما يوحي ( ليلي اسويه واهيه تسوي مساج التخسيس )
كان المساج شويه يعور مو وايد
عقبها خذييت دوش ورديت مره ثانيه وقت الجهاز
في ناس الله يهداهم قالوا لي الجهاز ما يعور اكثر شي المساج نفسه
طلع العكس احس اني بموووت من العوار الي شوي وابجي قمت ارفس واشد واكح << مادري ليش بس كل شي طلع
واخر شي خلصت والكريم الي حاطته لي ما اغسله الا عقب ساعتيين ويحرق من داخل
طلعت من المساج واكدت مواعيدي اليايه وكنت مييته من اليوع اول ما وصلت السياره كلييت اناناس اهموا جذي عقب المساج لازم اناناس وبعدها بساعتين تاكليين

واليوم ان شاء الله موعدي الثاني واتمنى اكون العوار اقل معنا ما اتوقع بس ان شاء الله كله في سبيل الرشاقه
​

 

[Eng.Ba6a]

شهد الحلوة

مشكوره ما تقصرييين :****

 

[القمزية]

الله يوفجج وتعيبج النتايج

 

[كيكه توفي]

الله يوفقج

 

[قطوة@@]

موفقة حبيبتي


و شكله الاكل رااهي

تسوين رياضه و لا بس معتمدة على المساج .؟

كل يوم بدخل عليج و اشجعج قووو قووو

 

[Eng.Ba6a]

القمزية
كيكه توفي
قطوة@@

مشكورين ما تقصروون

قطوه الاكل يشبع وايد وراهي صج والمفروض اسوي رياضه بس لين الحين ما مشيت لازممع المساج مشي لمده ساعه اتوقع علي اسبوع الياي ابدي فيه لان جسمي تعب من المساج او احس اني مافيني قوه

ومشكوره علي التشجييع :***
​

 

[قطوة@@]

و ان شاء الله تضعفين بصحه و عافية و تصيرين رشيقة

 

[Eng.Ba6a]

امييييين
مشكور حبيبتي علي الدعوه

 

[digital]

موفقه حبيبتي وتضعفين بصحه وعافيه

 

[Q8stylle]

موفقه حبيبتي

 

[^ قمرهم كلهم ^]

مووووووفقه يارب

 

[L E L e]

وآآآآآو ماشاء الله من ز مان ودي اشوف احد مجرب مساج التخسيس

متابعتك باذن الله

 

[sunshine22]

موفقه

متابينج يالله لا تتأخرين

 

[قطوة@@]

وينج .. مالج حس كلش .؟


ان شاء الله خير