يومياتنا بالصور أنا واختي مع شركة لوفات Lofat

[bambena]

بالعافيه

انا مشتركه صارلي فتره طويله حيل حبيته وعرفت لاكلهم

الوحيد اللي احلا منه دايت كير وماينزل الوزن بصراحه

اكلهم لذيذ عندج اللحم مع العيش مو حلو يابس اما بالستيكات والساندوش لذيذ والحلو الكيكات مثل البراوني والليزي سخنيهم وايد الذ

انا حتى برمضان كنت معاهم
وان شاءالله ننزل بصحه وعافيه

 

[عنيّد]

منتداي الحبيب
صبحكم ومساكم الله بالخير
:eh_s(17)::eh_s(17)::eh_s(17):


اول شي شكرا من قلبي على التشجيع المتواصل
:eh_s(7)::eh_s(7)::eh_s(7):


ثاني شي آسفه لأني ماكملت الصور معاكم بس حسيت بملل منهم سامحوني
:eh_s(22)::eh_s(22)::eh_s(22):


ثالث شي يوم الخميس 6-10-2011 كان آخر يوم لي بالوجبات
:eh_s(15)::eh_s(15)::eh_s(15):


رابع شي تبون رايي بالشركه مو ؟





رايي بشركة لوفات بشكل عام

مميزاتها ،، العروض دايم متوفره عندهم يعني اما العرض الي من 199 يصير 179 او العرض الي على كل كيلو تنزلينه يعطونج خمس دنانير

حاسبين حساب للاطفال "6-15 سنه " ومسوين لهم سعر خاص 149 دينار ، ومنيوهم نفسه منيو الكبار مع اختلاف ترتيب الوجبات

معاملتهم سواء بالتلفون او بالشركه ممتااااازه وحلوه ومحترمه ، ومواعيدهم ملتزمين فيها سواء بتوصيل الوجبات او بالمراجعات ، أخصائيتي وايد حليوه الله يعطيها العافيه اسمها تانيا سوريه او لبنانيه شي هيك يعني


سلبياتها ،، اكثر من مره تتكرر اغلاط بخصوص الاشياء الي ماحبها اشوفهم حاطينها بالاكل مثل الطماط تقريبا اربع مرات غلطوا هالغلطه وكنت اتصل وانبّه الاخصائيه وينضبطون ، بس آخر مرتين كانوا بالاسبوع الاخير وماعورت راسي ولا اتصلت ;\

ماعجبني انهم مايهتمون للتحاليل ، يعني سواء عندج او لا طاف !
ولا يسوون فحص للجسم عشان يعرفون نسبة الدهون والعضل والماي وهالاشياء

مومعتمدين الخبز الاسمر بوجباتهم ، الغالب العيش والخبز الابيض


أما رايي بأكلهم ، كان حليو ، ماراح اقول وااااااااااااو ومايتفارق ولا بقول يلوع الجبد ، لا والله عادي يعني مقبــول ، واعترف اني عسره وسوبر عسره بعد ، منيوهم متنوع بس يتكرر كل اسبوعين وانا عسره وما آكل اي شي فاختيارات وايد تتكرر ، اما اختي فتقول بالعكس مامليت وعادي لو اجدد معاهم مره ثانيه ، اما انا فخلاص عندي الشركه الي اجربها مره ما اكررها مره ثانيه

الزبده كانت تجربه حلوه ماندمت عليها
:rerrerek:
​

 

[عنيّد]

أخيرا .. خامس شي وزني وأدري انه أهم شي وناطرينه هاااا



أول مابديت أذكركم اني وزنت وانا متغديه وبالعه الدنيا ، وكنت قبلها مطلقه الرجيم يمكن شهرين وبكل ثقه وازنه بعد


كان وزني
86.900

واليوم كانت آخر مراجعه لي ووزني
79.100


يعني مجموع النزول 7.8 كجم

وخذت قياساتي طبعا بأول زياره وآخر زياره الي هي اليوم والحمدلله قياساتي نازله ، بس طبعا ماذكر الارقام ^ـ^


انزين ، عشان لا أتفلسف عليكم حبيت ارجع واذكركم اني اول ماوزنت ماكنت عارفه طريج الرجيم ، يعني عادي بأول اسبوع لما قطيت ثلاث كيلوات و900 جرام كان اغلبها سوائل مو اكثر ، اما الاسبوع الثاني كيلو ونص ، والاسبوع الثالث 600 جرام والاسبوع الرابع كيلو و 800 جرام

الاخصائيه كانت متشققه من الوناسه وقالتلي هالنزول ماينزلونه عندي البنات ، غالبا الاولاد الي ينزلونه ، قلت بقلبي والله انج مغتره فيني
انا عندي قناعه اني مونازله هالوزن بأمانه بس اذا بقول اني بقط من هالنزول كيلوين بدل غش
فاوكي نزولي الحمدلله حلو وراضيه عنه :yaaaaaarb:


طبعا كنت ملتزمه برياضة المشي 45 دقيقه ثلاث مرات بالاسبوع
وملتزمه بشرب الماي 6-8 قلاصات باليوم



مشكورين للمره الألف على تشجيعكم الدايم
:eh_s(17)::eh_s(17)::eh_s(17)::eh_s(17)::eh_s(17)::eh_s(17):



الخطه اليايه انشالله ، اني اشتركت بشركة كالوري كنترول شهر كامل بدون ويك اند ، وبيبلشون معاي الوجبات من باجر الاحد ، وطبعا امس اليمعه واليوم السبت انا ماشيه حسب رجيمي "رجيم الدكتور عبدالله المطوع :eh_s(17):" يعني ماعطيت نفسي فجه للتبربس عشان لا اكفر وافتحها ع البحري
والحمدلله ارتحت نفسيا لما اكلت من اكل البيت وااااااي فديته من اكل محد يشبهه والله :eh_s(22)::eh_s(22)::eh_s(22):




اي صج لحظه ، نسيت اختي ، هالدبه من خلصت الوجبات يوم الخميس عزمت رفيجاتها بالبيت وخربطت :rgewrg: ومايات معاي اليوم يعني مادري شنو نتيجتها ! بس للأمانه كانت ملتزمه ومبين عليها الضعف

المهم انا مو ؟
مو

شكراً

 

[scacr]

مبروك حبيبتي النزوووووووووول وايد حلو نزولج

وبنتظار يومياتج في الشركه اليديده

 

[عنيّد]

يبااااارك بعمررررررج ^ـ^

 

[سيلينا]

مبرووك النزووول والله يتمم عليج حبيبتي..

موفقه يااارب

 

[nono78]

مبروك النزول عنيد

وان شالله كلنا ننزل يارب بصحه وعافيه

 

[عنيّد]

الله يبارك بعمركم
وياااااااارب الكل ينزل ويوصل للي يبيه بصحه وعافيه

شعور حلو والله

 

[أسوار77]

ماشاء الله نزول حلو ومبروووووووووووووووووووووووووووووك والى الرشاقه سررررررررر

 

[فانتا ستروبري]

مبرووووك حبيبتي ويارب تضعفين للوزن اللي تبينه بصحة وعافية =)​

 

[عنيّد]

الله يبارك فيكم تسلموووون

اي والله الى الرشاقه سررررر ، يازين طريج الرشاقه
:eh_s(22)::eh_s(22)::eh_s(22):

عسى كل وحده توصل للي تبيه بصحه وعافيه ياااااارب
:yaaaaaarb:

 

[الجنه اجمل]

لا اله الا الله محمد رسول الله

 

[د.ساره]

ما شاء الله
شصار عليج وعلى اختج؟