يومياتنا بالصور للتخلص من ال10كيلو الباقية / ج2

[كتكوته نورة]

موفقه حبيبتي

شدي حيلج

 

[3la-q8']

هلووووو بدش معاكم وعلى الله ينزل الوزن وزني 68 ابي انزل 5 بس بشهر ستة
اليوم طبعا خراااابيييط لاني معطلة واكره شي عندي العطلة بس ابي ابلع افف
الريووق
بيض مسلوق مع توست وقهوة
الغدا توست مع مرتديلا وعصير وبطاط
والعشاء صمون من الفيصل وعصير
والسناك بسكوت من مطاحن 8 حبات وككاو صغير من حفلة تخرج <<< عفيه بطن

وطبعا قاعده على لاب والفون عايشة بحالة سكون واذا تحركت رحت المطبخ هع متى اداووووم :\

 

[طـفولية]

ا

نا امس ربي لك الحمد خلصت امتحانات و عطلت و بفضى حق الرجيم ..

بس حسافة تلفوني ما ادي شفيه الكاميدا معلقة مو راضية تصور كان ودي تكوت يومياتي بصور


يومياتي يوم الاثنين الموافق ٤-٦-٢٠١٢
شربت بطل ماي صغير على الريج
مشيت ساعة بفضل من الله

الافطار : ساندوج امريكانا ديك رومي بالتوست الابيض ما لقيت اسمر + قهوة ريقير سايز من ماك حطيتها مع حليب خالي الدسم

سناك : رقي

الغداء : سندويجة برقر ( توست اسمر + خس + م ك مايونيز لايت + جبن سلايس لايت + برقر مشوي بمسحة دهن + شرايح طماط ) ومن السفرة جدام اهلي كليت لقمتين خبزة ايرانية ببطاط وحمص وقطعة عرايس صغيرة مع حمص


سناك ٢ : حبة خوخ + حبة برتقال

و العشا ان شاء الله بيكون تبولة من دايت كير ..


و قبل لا أنام بآكل روب قليل الدسم ان شاء الله​

 

[كويتيه cool]

بنات كليت عالغدا ٤ ربيانات صغار مشوي بالفرن
حاليا مو يوعانه بس خايفه ايوووع بعدين
فالدكتور حاط لي من قائمة العشا شريحة لحم
فهل تنصحوني آآكل هالشريحه والا أبدلها بشي ثاني ؟