يومياتي علي :) وتشجيعي عليكم :)

[!!انا!!]

بسم الله الرحمن الرحيم

السلام عليكم ورحمة الله وبركاته اخواتي الكويتيات


اول مشاركه لي بتكون بهالقسم العزيز على قلبي واللي اقراه يوميا واستفدت منه وايد


حبيباتي ببتدي اكتب يومياتي



وطالبه تشجيعكم ودعاءكم واللي يحب ينظم معاي بهالرجييم احطه بهدب عيوني


انا صارلي شهر متبع رجييم عبدالله المطوع ونقصت 5 كيلوات :blueSmCLR:



احبكم بالله وانا اعتبر نفسي صديقتكم من زمان وادعيلكم كل ما ذكرت

 

[!!انا!!]

رد : يومياتي علي وتشجيعي عليكم

طولي 158
وزني السابق 81 ووزني الحالي بين 76 وال76,600
امشي كل يوم 20 دقيقه الى 30 دقيقه
انط 150 نطه
واحاول اصعد الدري ما استخدم الاسنسير
رجييم عبدالله المطوع
واحاول ما انام الظهر ( النوم يزيد الوزن حسب معلوماتي)
الفري مالي وجبه بالاسبوع ودايما تكون بالويك اند

 

[داهية مطير]

بالتوووووووووووووووفيق نـااطرينج ..
وانـشالله اتكوون اراادتج قويهـ

 

[!!انا!!]

رد : يومياتي علي وتشجيعي عليكم

تريقت توسته وجبنه قليلة الدسم
الضحى تمره وقهوه عربيه وجاي اخضر
الغدى قطع دياي بالفرن وتبوله مع شووية برغل ما كثرت وشوربة خضار (مو جاهزه كل نوع خضره بالبيت فيها )
العصر كليت موزه مع مطارة جاي اخضر كامله
وبتعشى صينية دياي بالفرن مع تشكيلة خضار بدون خبز

 

[!!انا!!]

رد : يومياتي علي وتشجيعي عليكم

داهية مطير الله يجزاج خير
ويالله يا ربي تقوي ارادت كل بنت تبي تضعف بصحه وعافيه

 

[!!انا!!]

رد : يومياتي علي وتشجيعي عليكم

همتكم معاي

 

[كيكه توفي]

الله يوفقج يارب وتضعفين بصحه وعافيه ان شاء الله

 

[!!انا!!]

رد : يومياتي علي وتشجيعي عليكم

حياتي مشكوره ولك مثله يا كيكه

 

[!!انا!!]

رد : يومياتي علي وتشجيعي عليكم

:eh_s(9):
:eh_s(9):
:eh_s(9):
:eh_s(9):

 

[!!انا!!]

رد : يومياتي علي وتشجيعي عليكم

نطيت 100 نطه وقاعده اشرب عصير ليمون بدون سكر

 

[حنونه بطبعها]

موفقه انا
الله يوصلج للهدف
اللهم امين

 

[أبكي بصمت]

رد : يومياتي علي وتشجيعي عليكم

حياتي والله موفقه يارب وان شاءالله توصلين للهدف اللي تبين يارب عاجلا غير آجل ويفرح قلبج بالرشاقه والجسم السمبتيك يااااااااااارب وانا وياج قاعده اسوي رجيم صارلي شهر والحمدلله نزلت عليه 4 وشي وان شاءالله يارب اضعععععععععععععف
بس بغيت اسألج حبيبتي::eh_s(22):
انا خذيت اليوم فري وببلش ان شاءالله برجيم عبدالله المطوع باجر خذيت من قسم الانظمه بنت الكويت اهي حاطته يزاها الله خير مديرت الموقع
وتقول الرجيم ماله ينزل 5 باسبوعين وانتي نازله 5 بشهر شلون الحين وانا تقريبا وزني وطولي مقاربين لج
وسؤال ثاني بليييز ادري اذيتج اهو مافيه شوربه الرجيم عادي اضيف له شوربه بدال اي صنف ثاني الشوربه الجاهزه عرفتيها مالت ماجي او كنور
واسفه عالطواله:ssssso:

 

[!!انا!!]

رد : يومياتي علي وتشجيعي عليكم

ابكي بصمت حياج الله
انا اول اسبوعين ما التزمت عدل ولا العب رياضه وانام الظهر ساعه وشوي واتفاجأت اني نازله بس 800 جرام
تالي خانقت نفسي -------->>>>>>>>> احاجي نفسي
والجد بدى من اسبوعين تقريبا
وبعدين مو شرط كل وحده تضعف 5 كيلوات بسبوعين على حسب الجسم اذا شايل ماي ولا فات

 

[!!انا!!]

رد : يومياتي علي وتشجيعي عليكم

حنونه بطبعها حياج الله
اللهم امين

 

[!!انا!!]

رد : يومياتي علي وتشجيعي عليكم

الماجي فيه دهن استبدليه ببهار دياي وفلفل وشويه ملح لان الملح يحبس السوائل
وانا الله يسلمج احط كل شي ما عدى البطاط

 

[!!انا!!]

رد : يومياتي علي وتشجيعي عليكم

انت نازله 4 كيلوات خلال شكثر ؟

 

[!!انا!!]

رد : يومياتي علي وتشجيعي عليكم

الصوره الرمزيه مالتج تشوق وتسييح السعابيل

 

[أبكي بصمت]

رد : يومياتي علي وتشجيعي عليكم

ابكي بصمت حياج الله
انا اول اسبوعين ما التزمت عدل ولا العب رياضه وانام الظهر ساعه وشوي واتفاجأت اني نازله بس 800 جرام
تالي خانقت نفسي -------->>>>>>>>> احاجي نفسي
والجد بدى من اسبوعين تقريبا
وبعدين مو شرط كل وحده تضعف 5 كيلوات بسبوعين على حسب الجسم اذا شايل ماي ولا فات

حياتي مشكوره عالرد ويارب يارب توصلين للوزن اللي تبينه بصحه وعافيه
انزين بليز سؤال اخير العصاير طبيعيه ولا عادي كي دي دي
ادري اذيتج ياقلبي سوري

 

[أبكي بصمت]

رد : يومياتي علي وتشجيعي عليكم

انت نازله 4 كيلوات خلال شكثر ؟

نزلت 4 خلال اسبوع تقريبا وبعدين وزني ثبت موراضي ينزل
الحين صارلي شهر بالرجيم وزني ثابت:bbbiu:
تعبت ماادري شنو اسوي

 

[أبكي بصمت]

رد : يومياتي علي وتشجيعي عليكم

الصوره الرمزيه مالتج تشوق وتسييح السعابيل

ههههههههههه حياتي والله سوري موقصدي
بس شسوي عشان مسويه فيه اسم الدلع مالي << عشتو ادلع نفسي بعد لوووووووووووول