يومياتي للوصول بإذن الله إلى الوزن المثالي ..

[ايوش]

السلام عليكم ورحمة الله وبركاته .


في تاريخ 15-8-2013 افتتحت يومياتي ف سبيل اوصل للوزن المثالي الذي هو 55


ابي منكم تشجعوني لاني عزيمتي ضعيفه ودايما ابدا رجيم وبعدين اخربه ..

 

[نُوف~]

إن شآاء الله توصلين حق النتيجة الي تبينها
وانتي ب صحة وعآفيهه ..

إنتبهي على عمرج و انتظمي ع الرياضة بالذات المشي و كثري شرب مماااااي ..

موفقه ^^

 

[ايوش]

مشكوره حبيبتي نوف على تشجيعج لي وان شاءالله بستمر على الي قلتيه.

 

[ايوش]

اول يوم لي بالرجيم ..

الوزن الحالي : 64 .
الطول : 156 او 157 لان من زمان ما قست طولي.
الهدف الذي باذن الله راح اوصله : 55 .

 

[ايوش]

رجيمي انه اخفف الاكل وما اكل رز او شوربه ابدأ .. تقريبا كل الي باكله سلطه و روب. واكثر من شرب الماي و العب رياضة السيكل .

 

[ايوش]

البارحه خربت ابو الرجيم وطلبنا من هارديز انا وخواتي بس قلت باجر بعوض وثاني يوم كانت عندنا عزيمه وخربت الرجيم بس ان شاءالله باجر ما بخربه ..

 

[*روعه]

حبيبتي ماينفع كل يوم تقولي بكره ماركم الشحوم علينا الا بكره
احسبيها هيك >>طول عمرنا ناكل ونفس الطعم مايتغير نستمتع بس وقت الاكل مجرد ماننتهي تروح متعه الاكل وتبقا الشحوم وتأنيب الضمير
استمري ع الرجيم واذا ماخبصتي نهايه الاسبوع كافئي حالك بالوجبه اللي نفسك فيها
بالتوووووفيق

 

[ايوش]

اي والله صحيح كلامج اختي روعه ما نفخنا الا كلمة بكرا وبكرا الله يعين بس باخذ وعد ع نفسي ماخرربه ان شاءالله ..

 

[oshi_q88]

من جد آمس آقول رآح آبدآ رجيم
وفجآءه آششوف نفسسي مآكله وجبببةة
وخلاص من الييوم قررت آسسوي جد تتتعبت
الكل قآل آنتي نحفففآنة مآآبي آخرب على عمرري وآبي آنققص آكثثثثثر

 

[دلوعه كندا]

ومثلي بعد كلا اخرب واقول ابدا باجر بس صج خلاص ملينا نبي نضعف خخخخخ

بالتوفيق لناااا

 

[ايوش]

اي والله مليت وايد بس هاليومين صايمه شوال وكل ما ايوع اخرب الرجيم ياخي شسوي بعد صايمه و اليوم اخر يوم صيام وبفطر برا الله يعين والله حالفه بعد ما اخلص صيام اضبط رجيمي وما حربه وبالتوفيق للكل يارب

 

[ايوش]

اول يوم بالرجيم ..

شربت كاس لبن الغدا وبس ..

 

[ايوش]

حاليا اليوم الثاني في الرجيم وغيرت رجيمي صار تمر ولبن وبس

دعواتكم ويارب حقق لي امنياتي ..

 

[ايوش]

اليوم الثاني : الغدا ثلاث تمرات ولبن و العشا اربع تمرات و لبن وبس
هالرجيم بستمر عليه عشر ايام وبشوف كم بنزل ان شاء الله .. ويومياتي لمدة 40 يوم يعني لين عيد الاضحى ... يارب حقق لي امنياتي .

 

[ايوش]

كليت ليمونتين ياثر عالرجيم ولا لا ؟ وصح يوم الجمعه عندنا عزيمة شو رايكم بنات اخربط الرجيم ولا لا وعقب ابدي مره ثانيه بيصيرلي ثلاث ايام في رجيم التمر و اللبن ...

 

[ايوش]

اليوم الثالث :

كليت سندويتش فلافل للاسف خربطت الرجيم (( الله يعين ويارب ينزل وزني .. راح استمر على رجيم التمر واللبن لين العيد الاضحى و ان شاء الله اذا الله احياني راح اكتب يومياتي كل يوم ..

 

[ايوش]

اليوم الرابع -الجمعه- :


الفطور : لبن و ثلاث تمرات.
الغدا : اربع حبات ورق عنب و رز ومرق .. ندمانه ع نفسي اني خربت الرجيم بس شسوي كانت عندنا عزيمه ( ..
العشا: مستحيل اتعشا بس راح اكثر مااااي ..

من اليوم ورايح بعد االساعه ست المغرب ما راح اكل شي لان يمتن بس ماااي .. مابا اوزن حتى عشان ما تخرب نفسيتي لان خربطت بالرجيم اليوم وامس .. و يارب ينزل وزني أدعولي ..

 

[ايوش]

اليوم الخامس -السبت- :


ريوق : ماتريقت ..
الغدا : اربع تمرات ولبن
العشا : كنت فالمول وكليت بس آيس كريم فانيلا ..

كل يوم جمعه اوزن و يكون يوم مفتوح اكل الي اباه

يارب تقوى عزيمتي اكثر واكثر وينزل وزني ان شاء الله

 

[ايوش]

اليوم السادس -الاحد- :



ريوق ماتريقت
الغدا : اربع تمرات ولبن .
العشا : زبادي وبس

يارب ينزل وزني ..

 

[سلطانة الاحساس]

استمري بس جم نزلتي عليه