يومياتي مع حبوب سد الشهيه

[اكابر]

قوه بنات شلونكم شخباركم..

بدش بالموضوع على طول في وحده اتبيع حبوب تسد الشهيه اتييبهم من مصر المهم اخذتهم ووديتهم الصيدليه وسالت عنهم طلعوا اوكي مافيهم اي ضرر اول شي اخوي استخدمهم يمكن اسبوع وبطل لانه ملول حييل المهم انا اليوم اول لي مع الحبوب بس صج حسييييييييييييت اني شبعاااااانه مع اني ما اكلت الريوق ماكو الغدا نص كووب شوربه ماش والعشا صمون بطاط وبيديان بس غصب غصب غصب كملتها بس كنت مضره اجامل اللي كنت قاعده معاهم صج صج حسيت بشبع مووو طبيعي وكاني ماكله واااايد واحلى شي ماكو صداع ادعوولي الله يثبتني واضعف على صحه لانه صج ملييت من متني ..

 

[رُوحْ آلـعـطَـر]

شسمهم وماتحسين باي عرض

 

[مخروووشة]

اللهم امين وانا وياج ان شاء الله

بس شو هالحبوب شنو اسمها خن نجربها

 

[ضعيفه وعصله]

عسى الله يوفقج ياااارب و بجذي ان شاءالله بتتعودين تقلليين كمية اكلج

 

[كرسبي كريم]

اعووووووووووووووووووووووووووذ بالله من الحبوووووووووووووووووووووب
مو وراهم غير الامراض

 

[dnyay_mll]

شدي حيلج حبيبتي
اتوقع سيبوتريم عدل؟

 

[اكابر]

هلا حبيباتي اسمهم ايفا فارما .. بس الحمدالله ماكو اي اعراض بس والله انا اليوم ثالث يوم بس حيل مرتاحه فيهم وخل اقولكم امس اشكليت

امس تغديت كوب شوبه ماش وبعده ما اكلت شي ليييييييين اليل امي كانت مسويه كيك والله يا بنات اكلت شوي حسيت اني منغثه وما قدرت اكمل القطعه والعشى تعشيت شوربه ومكوناتها( شوربه ماجي + كوسا + جزر) وخس وخيار طبعا اكلت وبعدها حسيت انه افففففف ياربي جني برجع من كثر ما اكلت ما
اعني يدووب اللي اكلته ما ايوون خياره ويمكن ثلاث ورقات خس وطاسه الشوربه وسط وما اكلت شي بعدهم هالحجي الساعه 9 ولين الساعه 3 الفجر وانا ما حسيت بيووع واحس اني صرت خفيفه والله انصحكم فيها ..

غداي اليوم سلطه ومكونه( خيار وخس وشويه مايونيز وليمون وملح طبعا طاسه السلطه نفس طاسه المرق العاديه اكلت شوي وما قدرت اكملها .. ولما اتعشى اكتبلكم عشاي..

بس الحبه تنوكل عالريج انا عن نفسي حسييييت انه معدتي خفت ودشت لانه انا مشكلتي من ازيد كيلو طلعتلي معده وشكلها بشع الحين لا والله دشت ويدووب شي بسييط مبين ..

ياااااااااارب ثبتني وقوي ايرادتي يارب

 

[اكابر]

حبيبتي كرسبي كريم .. انا والله من اشد المعارضين لحبوب التخسيس وما اخذتهم الا لما سالت الصيدلاني عنهم واكدلي انه ما لهم اي اضرار

 

[شــــــــــــــوقــــه]

ديري بالج ترى الحبوب تلعب بالاعصاب لعب

 

[حضن امى]

وين موجوده بالكويت؟؟

 

[روابي الحب]

منو يبيعهم؟ اي تاجره؟

 

[ضعيفه وعصله]

موفقة متابعه

 

[كريكره]

يااااااااااليت تفيديني شسم الحبوب ومن وين وربي يضعفج ويضعفناااااااااااا ؛)

 

[اكابر]

حبوبه لا مو من النت وحده برا اتبيعهم وسعر العلبه 18 خدمه التوصيل دينارين يعني تطلع عليج ب 15 اذا انتي اخذتيهم بس صج صج زينين..

عشاي اليوم ربع طاسه شوربه وسلطه نفس الغدا وتقريبا ربع الطاسه او اقل ..

وباجي اليوم كله ماي ...

 

[اكابر]

قوه بنات شلونكم ..

خل اقولكم اشكليت الصبح شربطت نتفه عصير برتقال تانك يعني جقمتين عقب الحبه والغدا 3 قفاش سلطه وصبعين صغااار كفته عيش مع صوص شويه..

واحس ارادتي زادت وصار عندي قوه تحمل اكثر وقمت اقاوم الكاكاو بنت خالتي يايبتلي علبه كاكاو كبيره وحاطتها جدامي اللي رايح واللي راد يبطل العلبه وياكل اما انا فمتحديه نفسي بشوف اشكثر اصمد وصارلي يومين مااا جربت منه مع انه شكله حده مغري ياربي ثبتني وقوي ارادتي

 

[اكابر]

اشفيكم تحمستوا اول شي بعدين طخيتوا ترى تحصولنهم ارخص بس لانه انا ما اعرف احد غيرها يبيعهم سألوا وانشاله بتلقونهم

 

[msmshasnsn]

الله يثبتج ان شاءالله

 

[اكابر]

اجمعين حبيبتي والحمدالله واايد مرتاحه عليهم وانا ماقست وزني بعد ما اكلتهم بس احس جسمي فش وفي بعض الملابس كانت حده حده علي صارت اوكي ..واحس انه حركتي خفت اكثر من قبل..

 

[أحلى عيون]

اختي هذا موقعهم اي حبوب تستخدمينهم ياليت اعرف


انا كنت استعمل حبوب اوريل الاخيره الي لونها اخضر نفسها نفس مفعول زينكال

http://www.evapharma.com/

 

[رُوحْ آلـعـطَـر]

فوووق