يومياتي مع حلاتي و أناقتي في دايتي

[ريمـا^.^]

يوم الاريعا كان ريوقي كاباتشينو بس

وغداي قطع دجاج من ماك مع صوص بدون شبس وببسي

وعشاي حليب جاي بس


الخميس ريوقي جاي وكلوب ساندويتج بالدوام.

غداي وجبه قطع دجاج وحلقات بصل وجم حبه شبس وببسي

وعشاي جاي



يوم الجمعه ريوقي حليب وغداي سلطه والعشا جاي


والسبت ريوقي عصير كيوي وانناس وغداي ٣ قطع دجاج خزان مقلي وعشاي نسكافيه


والنزووول ٣ كيلووو هياااا



وغداي

 

[ريمـا^.^]

البارحة كان كالآتي :
كوب ماء + قهوة تركية
الافطار :
نص ساندويتش أمريكانا التيركي + ماء
بعدين طلعت من 4 العصر تمشي بالسوق لي 11 ونص بالليل>>>> ريولي تكسروااااا من المشي
خذيت لي من ستاربكس عصير تازا الفراولة
ويوم رديت البيت الغداء و العشاء :
ماك تشيكن الساندويتش + بيبسي دايت
وسلامتكم اي صج و خذيت لي كاكاو ام اند امز >>>> عشان الأخت بتشرف

ونااسه المشي بالسوق ماتحسين ان وراج مشي اجباري تمشين وانتي مستانسه

يبيله افنيوو

وماحب اتقيد برجيم معين بس قطعت الككاويات والنشويات

وبكثر الكيوي والاناناس يقولون نزوله يومي نص كيلو وجربت هالشي بعيني :eh_s(9):

 

[ريمـا^.^]

اليوم الرابع كان
كوب ماء +نسكافيه
الافطار :
شاي بالزعفران +حمص بالطحينة +نصف خبز أسمر +سلطة
العشاء و الغداء:
ملعقتين أكل معكرونة بالبشاميل + سمك مشوي + سلطة >>>>> طبعا كان يوم الزوارة فخربط خرابيط لووووووووووووووول
أكلت بعدها حلا قطعتين او 3
قبل النوم شربت لي شاي أخضر بالزنجبيل والدارسين
طبعا نوووو رياضه

هياا



هياااااا شكلي بفووووز عليج

عوافي مو معقوله كل زواره بتخربينهاا

حرره نزلت 3 كيلو

وانتي نص وشكلج بتردينه

 

[ريمـا^.^]

طولج نفس طولي وانا بعد بوصل 65 انشالله ..يبيلي 4 كيلوات ..

نصيحه لكم ::: اكلو اناناس وبرتقال بعد الغدا او العشا ...وشربي اعشاب عباره عن ( ماي حار مضاف اليه زنجبيل +شاي اخضر بنعناع مال لبتون +قفشه وسط دارسين+كمون )

حلووه النصيحه بروح اجرب جتي الاعشاب الحين وادعيلج
:yaaaaaarb:

مع كاندريل طبعاا


والكيوي والانناس مفعولهم مو طبيعي انا جذي مسويه

رجيمي يعتمد عليهم

 

[CUTIE-THUG]

لول شحلاتكم تهبلون وانتو تهتمون بانفسكم و باكلكم كان ودي اكون معاكم لكن للاسف النفسية صفر و امتحانات ما ظنيت بلتزم ودي ابلش من الصيف وانشالله كل وحدة توصل للوزن االي تبي عاد انا لي اكثر من 3 سنوات ما وزنت نفسي اخااااااف اعرف اني بتحطم عندي احساس انه بال80 وانا مرررررررره قصيره طولي 150 اذا مو اقل لول

 

[ريمـا^.^]

الرياضة كانت
صعدت السلالم و نزلتهم مرتين + انكفرت مشي بالمستشفى رايحة و رادة >>>>> ورايحين ورادين ورادين و رايحين لوووووووووووووووووووووول
و بما اني انهلكت بالمشي و ماكان عندي وقت فما كان يومي حافل بالرياضة بقدر ما كان حافل بالفعاليات >>>> لايحوشك الفعاليات

صج حبيت أقولكم إن نظامي مافيه حرمان حيث انه سهل و لذيذ و ممتع و من تصميمي وابداعي و معتمد على حساب السعرات بالاشياء اللي اكلها و بعض الاحيان تكسر القاعدة ولكن بشروووط اللي هي مااحرم روحي من شي مشتهيته ولكن اكل بكمية قليله او بالاصح اتذوقه عشان ما أمل بسرعه والحمدلله احس روحي خفيفة و مرتاحة ومستانسة >>> أهم شي مستانسين

هههههههههه

اموت على العربيه الفصحى

اي والله الرجيم ارا مجبوره بنظام تلاع جبدج وماتقدرين تواصلينه

بس لاتاكلين شغلات دسمه وتقولين باكل قفشتين اقولج ليش

لان سعرات ثلاث قفاش باستا الي كلتيها او مكرونا نفس صحن سلطه كبير

الفرق ان هذا يشبع والثلاث قفاش لا

من جذي سوي رجيم من كيفج بس شغلات سعراتها قليله علشان تاكلين كميه تشبع وما تمتن

وعسى الله يسهل عليناا ويثبتنا

ولازم يوميا اشوف يومياتج

شرايج الميزان كل سبت

 

[reem0o0o0o0]

طولج نفس طولي وانا بعد بوصل 65 انشالله ..يبيلي 4 كيلوات ..

نصيحه لكم ::: اكلو اناناس وبرتقال بعد الغدا او العشا ...وشربي اعشاب عباره عن ( ماي حار مضاف اليه زنجبيل +شاي اخضر بنعناع مال لبتون +قفشه وسط دارسين+كمون )

يسلموووووووو حبوبه فديتج ما تقصرين و ان شاء الله تنزلينهم بصحه و عافيه

 

[reem0o0o0o0]

هههههههههه

اموت على العربيه الفصحى

اي والله الرجيم ارا مجبوره بنظام تلاع جبدج وماتقدرين تواصلينه

بس لاتاكلين شغلات دسمه وتقولين باكل قفشتين اقولج ليش

لان سعرات ثلاث قفاش باستا الي كلتيها او مكرونا نفس صحن سلطه كبير

الفرق ان هذا يشبع والثلاث قفاش لا

من جذي سوي رجيم من كيفج بس شغلات سعراتها قليله علشان تاكلين كميه تشبع وما تمتن

وعسى الله يسهل عليناا ويثبتنا

ولازم يوميا اشوف يومياتج

شرايج الميزان كل سبت

ياقلبي ألف ألف مبروك النزول ماشاء الله و واصلي انا نزولي كان كيلووووو فقط لا غير
بصراحه شجعتيني عالكيوي و الاناناس ببلش فيه من اليوم ان شاء الله

 

[ريمـا^.^]

اليوم فطوري حليب

الظهر شبس كتكو صغير

الغدا قطع دجاج مع صوص

والعشاا ناويه عصير الكيوى والانناس ونسكافيه

وانتو شلوون يومكم ياللي تطلون وتطلعون

وابشررركم نازله 800 جرام عن امس وهيااا

 

[reem0o0o0o0]

ألف مبرووووووووك النزوووووووول ريمااااااا

 

[ريمـا^.^]

ريمو شخبار يومياااتج

اكيد ما خربطتي

 

[reem0o0o0o0]

اليوم الافطار كان ماء + نسكافيه + توست أسمر بالجبن الشرايح خالي الدسم
الغداء كان ماء + قطعه لحم بالفرن + سلطة + عصير كيوي بأناناس

 

[reem0o0o0o0]

اي طبعا أكيد شجعتيني اليوم عالرجيم حيييييييييييييل صراحة أشكرج من كل قلبي

 

[ريمـا^.^]

فديتج وانتي بعددد واصلي

بليييييز لاا تخربطين كلش نخلي يوم اوف كل اسبوعين

يوميا خلي عصير كيوي وانناس وراح تنصدمين من النتيجه اخر الاسبوووع

شرايج نخلي الميزان متى

انا مطفوقه كل يومين رايحه الميزان بالصيدليه

 

[ريمـا^.^]

ريموو شرايج نكتب اكل يعني اصناف منوعه ما تمتن ممكن باي وقت اقراها واختار للي يعجبني

تدرين شنو الي مخلينا مانمل الحمدلله ان ماكو نظام معين مجبورين نطبقه

يعني مثلا تكتبين

بيض مسلوق

سلطات

دجاج مشوي ومقلي

جذي قصدي

 

[reem0o0o0o0]

اوكيك يالغلا حلو أنا بحطلج أكلات تعجبج من هل ناحية

 

[ريمـا^.^]

صباااح الورد

 

[ريمـا^.^]

الحلوين مالهم حس لا يكون مخربطين

 

[ريمـا^.^]

اليوم ثامن يوم رجيم


ريوقي عصير الكيوي والانناس ان شاء الله



امس الثلثاء ريوقي حليب و بيض مفيوح

غداي قطه دجاج

وعشاي حليب وانناس معلب


بعد شوي ودي اقيس

 

[ريمـا^.^]

امس بالغداا

خربتها شوي بوجبه وباقي اليوؤم ما كليت بس مشروبات :/


:/