يومياتي مع خلطة ابو جميل لتخفيف الوزن..... استفيدوا قبل ما تسوون اي شي

[الغدير82]

امبيه يعني مو بس انا اللي مافادتني الخلطة !!

وعسى كلكم دفعتوله 13 دينار !!

صاحبة الشان خترد علينا وينها ؟؟؟

وجودج ضروري اختي الكريمة

ههههههههههههههههههه
شر البيلة مايضحك

ايه...كلنا اتنيلنا على عيننا ودفعنا 13

 

[الغدير82]

لوووووووول l a w y e r اي والله حسافه هالفلوووووس بس انا احسن منج بس اخذ مني 10 دنانير لاء وشنو يقول انا اوصل باليوم 20 علبه تخيلي الطلب الي صاير جان شريت فيها من اج اند ام حبيبتي والله انا استعملتها 8 ايام وتخيلي ولا غرااااااااااااااام وكنت راح ازيد الجرعه الي قبل الفطور وبعد اللفطور لان قلت مستحيل الاخت قالت 9 كيلو ويارتها وامها واهي نفسها قالت انا العطار اهو الي يسويبي مكس ومكانه بالجليب نسألها وندز خاص ماتتترررررد علينا لين طلع ررقم بو جميل بس اقولج شي قطي الخلطه بالزباله ابوي وسوي رجيم حالج من حالنا وانا قاعده استعمل جاي بايونجي ماادري شنو سالفته بعد هذا بس يالله جربنا هالخطله نجرب بغيرها شنسوي بعد امرنا لله وتاجي اخلاقي حبيبتي في تجمعات اهني وااايد حلوين وبنات يشجعون بعض ويساعدون بعض وانا دشيت بواحد من هالتجمعات نقس تجمع ودشي فيه قلبي

ههههههههههههههههههههههههه

اج اند ام.....والا حتى قصيت خام وفصلته عند خياط جمعيتنا....كان افضل من هالسالفه

يالله الله كريم.....وكل صفقه بتعلومه

وانا شكلي بشتري هالجاي بعد ما اسأل دكتور عنه

 

[الغدير82]

يا انا يابو جميل افندي لوول

صج محد طقنا على ايدنا بس على قولتج اذا باليوم 20 !!

يطلع معاش شهر بيوم ماشالله !

انا متحلفه فيه لوول

خترد الاخت اللطيفه عالاقل تبرر موقفها وموقف بوجميل

لان مو معقولة ، كذا وحدة شكت من هالشي !!

يلا معوضيييين بنات لوول

.
.

حبي مون ستار

شيطلع جاي بايوجي ؟

ووين ينباع ؟

انا خقيت برمضان ولله الحمد بس مايبين لاني وايد بطه

ابي اضعف باي طريقة حتى لو ابيعها واخذ حبوب لوول

فـ فيديني يزاج الله خير

حسبي الله ونعم الوكيل

يلا حبيباتي خلونا نستعمل لنا جاي...علاقل مايضر ولا شي.....بس نبي نوعيه ممتازه

 

[الغدير82]

:eh_s(14):خواتي انا قبل كم يوم قريت منتديات كويتيه وحده اسمها ام نواف نفس الكلام كتبته عن ابو جميل وان وزنها 130 ولان ديرو بالكم من ها الشكال لي ماتخاف ربها

وضحت السالفه

وليش مايكون هو نفسه قاعد يسوي حق نفسه دعايات؟؟؟؟

استغفر الله.... ماقول الا حسبي الله ونعم الوكيل

 

[الغدير82]

مراااااااااااااااحب

>>أحس انضربت على أفاي

أنا من عمري اسوي رجيم وأنحف الحمدلله ولكـــــــــــــن

مدري شاللي قردني وخلاني امشي ورى هالدعاية...سبحان الله أول مرة

وسويت الهوايل وناس جابوها لي من الكويت وحوسة

وطعمها اللي يديم النعمه ولا نزلت الا كيلو على رجيمي ونظام رمضان



بس ملاحظة الله يخليكم بقول شي غريب

غير طعم الرشاد اللي تأكدت منه.......لاحظت فيها

كمون...وكزبرة

لان الدورة عزكم الله متأخرة من شهرين واسبوع وبعد ماتسحرت عليها

الساعة 8 الصبح نزلت علي وبقوة وربي تكدر خاطري حتى النادي الرياضي مارحت له

من ألمها...

عاد ما أقول الا حسبي الله ونعم الوكيل

أول وآخرمرة امشي ورى هالخرابيط وزقووووم الفلوس اللي شريت بها كمية لي ولصديقتي واختي

وبتم على نظامي والنادي أبرك لي ولصحتي...

تحياتي للكل

ههههههههههههههههههههههههه

كلنا انضربنا على افانا

لكن واجبنا نحذر الباقين لا ينضربون على افاهم هم بعد

اتوقع الدوره نزلت بسبب الرشاد.....لان الرشاد تستعمله النفاس علشان ينزل كل شي برحمها

تخيلي عاد نستعمله كل يوم .....شيصير بارحامنا؟؟؟؟

وربي تتسلخ....

وعسى كل فلس خذوه يشهد عليهم يوم الحساب.....على بالهم بينفعهم هالكم الف اللي كسبوا!!!

ومشكووووره حبيبتي على الرد والمرور.....وانشالله كلنا نضعف بعافيتنا

 

[الغدير82]

صبااح الخير حق الي قعدو هالصبح ونوم العوافي حق الي امثالي سهرانين :gathering:
اهم شي انا كل يوم ادش الموضوع حدي متفاعله غربل الله ابليسه
يالله وحده وحده بنات بالدور لووول :tomato2:

l a w y e r

اي من صجج انا اول ماقال 20 علبه قلت بس بتزوجه صار مليونيررررررررر من ورانا :eh_s(14):
والبنت ماادري عنها والله بس اهي قالت تجربتها وحطت الاسماء فا ماادري والله شنو وضعها بس اتوقع نيتها صافيه
وشوفي جاي بايونجي اختي وااايد مدحته تقول واايد حلو وزين واليوم راح يكون اول يوم استعمله نطري اسبوع واعطيج النتيجه بما ان انا شريته وخلصت فوق 13 الي راحو لا تروح 13 ثانيه خخخخخ ... تخاف علي فلوس الناس :ggdw:
وحبي انتي لا تشوفيني الله يخليج اذا انتي متينه شتقولين عني انا الله يخليييج دشي تجمع والله وبلشي رجيم انا بتجمع الحين واليوم ابلش الرجيم والرياضه وانا بعد بضعف صدقييييني امنيتي صارت هذي :0bee2e8d89:
بس مبلشه عمليه التغير الشامل انا خخخخ اي ماساعده ياصديقتي المتعذبه بفضاء المتن انا موجوده وانا يبته بوحده من المنتدي 10 دنانير و التوصيل 3
لا تهورين بسالفه الحبوب نطري فاره التجارب تعطيج النتيجه وبالمبارك عليج الي نزلتيه وشدي حيلج ابوووي :ada:

وهج-البندري

انتي نفسي بالضبط اول مره احنج علي شي وحنجت علي هالخلطه فحجيج صح ردي علي النادي والاكل الصحي تري احسن اذا فكرتي فيها عن الترهلات والبلاوي وصج شخصيتج تغير اراده وشغل عدل والله يعوضج ابوي الله ياخذ بحقنا من ابو جميل ويطيحون عليه المباحث يودونه بوزعبل وختفيده خلطته هناك خخخخخ ..حقووووده _03ba:
وعلي الدوره اذا تمت غزيره او شي جذي روحي الطبيب انا دورتي مو منتظمه ومانزلت علي فا نطري يوم اذا الالم روحي الطبيب وسلامتج حبي

الهبه88

اي والله تلعوزنا بهالخلطه شافونا نبي نضعف وحدنا متشوقين وبنفتك استغلو برائتنا لووووول اهم شي برائتنا الله يجازي كل واحد يحط شي ويأذي في الناس غربل الله ابليسهم ماادري شلون ينامون واهما مرتاحين :eh_s(14):

هههههههههههههههههههه

نطري خل يمسكونه المباحث اول....بعدين تزوجيه

بعدين هو مايرضى يعطي عنوانه....كأنه خايف من شي

يقول انا بوصل....

حسبي الله ونعم الوكيل

 

[q8yah]

مسالخير عليكم كلكم
والله انا مادش مخي كلش موضوع بو جميل هذا بالمره من قريت موضوع البنيه وانا شامه ريحة دعايه
اتوقع الي خذو الخلطه منه بالميات بيومين
انا بقولكم علي شي ب3دنانير وراح تشوفون جسمكم كل يوم يخق علي اليوم الي قبله والله عن تجربه انا مومتينه وايد بس ابي اقط 4او5كيلو وصارلي فتره جسمي مو راضي يتزحزح الميزان((بس لاتستعيلون الوزن خلوا الجسم ياخذ راحته))
وحتي لو بين الوزن مو نازل وااايد يفرق عليكم جسمكم حييييييييل لان يشتغل علي الشحوم بالجسم مو السوائل وهذا الي يفرق بالوزن

والله يابنات لما شفت ردودكم وانتوا تشتكون من الخلطه قلت حرام اقولهم خل يستفيدون

ادري قرقت وااايد بس الي اقصده حبوب الشاي الاخضر ملوت مركز سلطان,,عجيييييييييييبه
صدقوني انا خبره بكل انواع البلاوي والخلطات والاعشاب بس هالحبوب صج فادوني ولنا من النوع الي جسمي مسوي مناعه علي اي شي اخذه مايتحرك,,,
بس نفس ماقلت لكم عطو جسمكم فرصه يحرق يعني مو اسبوع وتقولون مانزلنا
انا مابين علي باسبوع بس لما خلصت علبه حسيت فجأه قاعده اضعف وبلشت بالثانيه علي طول لما شفت مفعوله
وان اقولكم طريقتي اخذ حبتين مع الفطور,,اكل تمرتي والشوربا واصلي واكل الحبوب واكمل فطوري
بس حاولوا تاكلون خفيف او تتبعون ريجيم مفعولها يصير اقوي

بس نصيحه بنات وخروا عن البايوجي والقهوه الخضره قايلي الدكتور مو زييييينيييين كلش يسحبون الماي من الجسم يعني ينشفونه وانتوا عبالكم دهون الي نزلت واهي سوائل
بالنسبه للحبوب وايد مدحها وقالي ممتازين واخذيهم اثناء الوجبه

جزاج الله خير عالنصيحه حبوبه

 

[alze38]

واي مت منا الضحك على الردود

انا بعد شريته قرادة:tomato2:

مع اني ضعفت في اسبوع كيلو ونص

طبعا مع رياضة وريجييم

يعني يمكن من الريجيم والرياضة وماله شغل الخلطة

بس للأمانة الخلطة مشت بطني

 

[over love]

الله يستر عليكم من هالخلطات وربى خطر كل شي تاكلونه وماتدرون عنه

 

[MoOn_STaR]

هااي بنات مساءكم فل وخير
شوفي حبيبتي همامه انا اليوم اول يوم اجربه واعطيكم النتيجه حرام تشترون ويطلع مافي نتيجه فنطريني حبيبتي واذا حسيت بشي مو زين سيده بكتبلكم اهني

وام عزيزان والله زين ب 3 دنانير بس نجرب ليش لاء بس اخلص من البايونجي بشوف سالفه هالحبوب الله يعطيج عافيه والله ام عزيزان احنا لو نطيح علي ابو جميل والله ااقعد فوقه اذبحه اقوله شفت هالوزن الي قصيت علي عشانه انا بذبحك فيه الحين لووووووووووول
وصح الطبيعي من 4 لي 5 بس الاوزان الثقيله اول ايام ينزلون اكثر بعدين صح يصير نزول اقل خبره باليويو دايت انا انزل واصعد الله يعطيج العافيه ياااارب

الغدير زيييييييين سويتي حبي خليتينا نستفيد ابوي ونعرف الصج ومالت عليهم اذا همهم البيزات ونسو صحه الناس الله ماراح يوفقهم ابدااااا ومعوضين انشاءالله والله يقوينا ننزل طبيعي بدون عمليات وسوالف النصب والاحتيال هذي وصج كان الطعم رعععععبببب يتم بالحلج كرهني بنفسي مالت عليهم

السحر الحلال والله ماادري خالتج شنو بس اهي مسويه رجيم رياضه تاخذ شي ثاني لان مستحيل شوفي جم بنت احنا وطبيعه اجسامنا مختلفه ومتان مشاءالله علينا لازم احنا ننزل اكثر واسرع من الكل لان الشي زايد عرفتي فاا ماادري انشاءالله بالعافيه عليها وتخف يطنها اكثر اكثر

 

[AL-N7EESAA]

قوه بنات يعطيكم العافيه تونا قبل 3 ايام انا وخواتي خذيناها حسبي الله عليه جربتها يومين وما كملت وشاكين فيها انا وخواتي بس قلعتنا لان من نسمع عنشي نشتط ونروح نقطط فلوسنا مني ومني من باجر ببلش رجيم هوليود يمكن ليلعيد بدلتي تصير وسيعه شوي ويقولولي ولاول مره ضعفانه مو متنانه لوووول وخليه ان شالله زقوووم بجبده يعله ما يربح لووول بط جبديييييييي

 

[alze38]

واي بنات صج مت من الضحك على قرادتي

انا استعملته وضعفت في الأسبوع كيلو ونصف بس مع رياضة وريجيم يعني يمكن الريجيم هو سوه شغل مو الأعشاب

بعدين اكتشفت ان صاحبة الموضوع نصابة اعذروني من هالكلمة بس من الحرة

لأن نفس الموضوع ونفس الكلام في منتدى ثاني

يعني دعاية واضحة حق الحواي واحنا اكلنا المقلب

بس ماعليه كل تعلومه بطراق

وان شاء الله كلنا نضعف بلا اعشاب بلا خرابيط

 

[sh3ool]

مرحبا بنات

اصلا مبين انه دعايه ولا بالعقل في احد ينزل 9 كيلو بالاسبوع بس احنا مقصه اذا وحده قالت لنا شي رحنا نسويه جنى ببلاش

وشلون دكتوره عندها حواج

ولو انه الحواج صج وعنده محل جان قالنا وين مكانه بس هي اكبر خدعه

وهو مسوي خدعه بالعشبتين اللي كاتبهم ( زومه ولحا المشموس ) عشان نطر ناخذها منه

وزومه ولحا المشموس مالهم اي معلومه بالنت وحتى الحواويج يقولون اول مره نسمع بالاسم

رحت حواويج الجليب والمباركية والفحيحيل واختي سألت حواج بسعوديه معروف يقول اول مره اسمع فيهم

والله يسامحها الحين خربت سمعت المنتدى وولا وحده قالت من البنات اللي استخدموها نزلو شي ووبنت جابر اتوقع نزلت لانها مسويه ريجيم ورياضه مو من الخلطه

واللي قالو نزلو عضوات جدد

 

[كويتيه والنعم]

بناات انا شريت الخلطه و استخدمتها اسبوووع

بس ما سوت لي شي كلللللللش

 

[وهج-البندري]

نعيش وناكل غيرهاااااااااااا

انا قايله عمري ماوثقت بخلطات بس قلت بمنتدى كويتيات اكيد شي عدل

العيب مو فينا في اللي يستغل نقطة ضعفنا زفووووووم عليه يارب

اصلا سبحان الله اللي مقابله بالكويت وماخذ الخلطات اخوي وقال لي

ترى مادش مزاجي الرجال اكليها ولا تكثرين والحمدلله جت على كذااااااا

وربي الكيلو اللي نزل من مجهودي ورياضتي وحرماني من الاكلات

كششششششششششش عليه وعلى كل طماع

تابعونااااا مع سمسمية ترى القروب هناك حلو اقل شي اذا ماسجلتوا

تستفيدون من الوجبات ا لصحيه

تحياااااااااااتي للكل وديروا بالكم>>قطيت الخلطة عسى ينقط ولا استغفر الله رمضان

 

[آلسحرآلحلال]

شنو سالفة الرشااااااااااااد

الخلطة عندي مافيهااا رشاد كلــــــــــــــش ... لدرجة خليت جدتي العودة تشمهاا

ماكو رشاد .... وطلعت لي جدتي لانها تعرف بسوالف هاذي شنو مكوناتهاا .. ماجابت طاري الرشاد ..

 

[ام احمد البلوشي]

ابي رقم بو جميل والي مجرب الأعشاب يقولي زينه ولا لأ

 

[MoOn_STaR]

لحظه ارد عليكم بنات بس بشوف سالفه ام احمد البلوشي حبيبتي ام احمد شوفي ياقلبي اذا دشيتي موضوع انصحج تقرينا من اول الله يهداج تشوفين كانا متلعوزين ونذم ومعصبين ومتكدرين لاء ويايبينهم مالت ومالت وانتي تبين الرقم سيده ومجربين او لاء حبيبتي اقري الردود وبتعرفين السالفه شنو

والحين العوده مساااااااااءالله الخير ياحلويييين ياالمخدوعيين خخخخخخ شكلي بنطق:dddds:
مالت عليهم وحسبي يالله عليهم بتحسب انا لي باجر والله اتدرون المفروض نبلغ احد بلاداره يشيل هالنصب هذا من المنتدي لان حرام استغلو سمعه المنتدي الطيبه وسوو هسالفه الجايده وعدل واايد بنات قالو ان مالقو الاعشاب وانا حاجيته اقوله انا ابي ايي ابي اشوف شغلك الثاني مو راااااضي واول مره عطار يوصل البيت هوم دليذري بس شقول الي يبي دح مايقول اح نبي ننزل وصدقنا :eh_s(14): وانا الخلطه قطيتها بجيس الزباله ماتسوي علي الطعم والتأمل والفلوس والغدير اي والله جان فصلنا فيهم شي وي مالت زقووم بطنه مالت عليه ببلغ عنه انا ههههههههههههه:ggdw:

وشوفو حبايبي الي كانت مسويه رجيمم ورياضه تري الي نزلته من تعبها لان انا ماسويت رجيم خففت قلت بشوف تأثير الخلطه لانها قالت بدون رجيم ورياضه وماادري شنو والله ولا غرام مع ان بعض الاحيان مااكل يوم كامل فاانتي نزلتي من تعبج حبيبتي والله يوفقج يااارب خلج جذي احسن

وعلي القروبات والله انا داشه جم مكان حلو تشجيع من غيرج وتكونين مه ناس فاهمين شنو تمرين فيه فا اشتركو يابتات بقروب 2 3 الي يريحكم وعلي جاي بايونجي الغدير انا استخدمه الحين وهذا ثاني يوم ماادري شنو راح يصير بس اكمل اسبوع اقولج زين او لاء انا تدرون شنو قاعده اسوي

في وحده الله يعطيها العافيه مايحضرني نكها قالت عن سالفه الدارسين والزنجبيل ان تنقعينه وتحطينه 2 بطوله ماي وتشربين منه ينظم الاكل ويحرق الدهون الله يعطيها العافيه وطعمه حلو مو حار يونس

وفوق هذا غير البايونجي والدارسين بزنجبيل اشرب خلطه قالت بعد وده اهني بالمنتدي نفس الشي اسمها طار بس موضوعها بطير كريشتكم نفس ماطيرت كرشتي اتوقع قريتوه سويت خلطتها وقاعده اشرب وهذا ثاني يوم بعد بس ماادري بنات ماصار معاي اسهال ولا شي واروح الحمام بس يعني مو ماشيه بطني اتوقع يبيلي بعد

انشاءالله اضعف يارب جذي ومع رجيم ورياضه انشاءلله خير لان كنت مفكره ادش واسوي عمليه بس باخر لحظه غيرت راي وقلت انا الي سويته انا الي اشيله ويارب الله يساعدني ويساعدكم ويحفظنا من هالنصابين والدجالين وننزل بصحه وعافيه يارب :ggdw:

 

[آلسحرآلحلال]

بنات ترى الاعشاب زينة

<< اخاف تقولون اني بسوي دعاية

بس كلمة الحق تنقال ... خالتي مشالله خافة وايد عليهااا لو اقدر اصورهاا قبل وبعد جان صورت

واهي لهاا اسبوع بـــس ... انتو كملو عليهاا لاتخافون لانها من جسم لي جسم تختلف

او

على راحتكم جربو شي ثاني ...

 

[CryinG_Blue_EyEs]

طيب بنات ليه مافي واحدة منكم تطلب الرجل علي اساس انها راح تطلب الخلطة و لما يجي احد من ندة يوصلها لها يكون زوجها او اخوها او ابوها منتظر الرجال و يمسكة و يوديه الشرطة او يحاول باي طريقة يوصل للعطار
دة في حالة لو هوا مش بيرسل عن طريق شركة شحن و يكون التوصيل من ندة او مندوب له فاكي راح يعرف مكانة و بكدة تكونوا وصلتوا له
والله انا ف مصر و كنت هبعت اشتريها كويس انكم نبهتوا و الله يعوضكم خير يارب