يومياتي مع د. نيوترشن

[حلم مذبوح]

بسم الله الرحمن الرحيم

السلام عليكم

احب اشارككم بيومياتي مع مركز د. نيوترشن

انا سجلت بالمركز لمدة 6 اشهر وان شاء الله يارب استمر
ليما اوصل للوزن اللي يرضيني

انا وزني 112 وطولي 157

الدكتور تعامله ممتاز وفي اقبال كبير على المركز
حتى شفت مرة كبيرة بالسن متابعة معاهم يقول الدكتور هي وبنتها
معانا

انا تشجعت اكثر وبادية بحماس دعواتكم لي

هذا الرجيم مالهم طبعا موجود بمواقع كثيرة انا عدلته حسب النظام اللي عندي

الاسبوع الاول

اليوم الاول

الافطار 8 صباحا : شاي او قهوه بدون سكر او مع سكر سبليندا
قطعه جبن قليلة الدسم 40 غ
مع خس او خيار
الغداء
نصف صدر دجاج منزوع الجلد مشوي او مسلوق 150 غ
صحن سلطه خضراء بدون ملح ولا ليمون
المغرب

شاي او قهوه غير محلى او محلى بسكر اسبلندا

العشاء قبل التاسعه وبعد التاسعه ممنوع الاكل
كوب عصير باليرو
علبة تونه صغيره بالماء
صحن سلطه خضرا
الممنوعات
الجزر الطماطم البطاطس المياه الغازيه عصائر الفواكه


اليوم الثاني

الافطار : بيضه مسلوقه
شاي او قهوه بدون سكر
2 قطعه جبن قليل الدسم 60 غ


الضحى
شاي او قهوة غير محلى او محلى بسكر نيودوس
الغدا
صدر دجاج 200 غ منزوع الجلد مسلوق او مشوي
صحن سلطه خضراء ( خيار فجل خس ملفوف )
كوب من عصير باليرو

المغرب
خس اربع ورقات
العشاء
2 قطعه جبن 60غ
لبنه قليل الدسم ملعقتين
شاي او قهوه قليلة الدسم
خس 4 ورقات

اليوم الثالث

الافطار :

خياره
بيضة مسلوقة
ملعقتين لبنة
شاي او قهوة غير محلى
الضحى
سلطة
كوب عصير بوليرو
الغداء
سمك مشوي قطعة فيليه كبيرة
او لحم مشوي او مسلوق 100 غ
صحن صغير سلط
كوب عصير باليرو
المغرب
شاي او قهوه غير محلى
العشاء
علبة تونة صغيرة
كوب عصير باليرو
شريحتين جبنة

اليوم الرابع

الافطار :
شاي او قهوه غير محلى
قطعه جبن قليلة الدسم 40 غ
ملعقة كبيرة لبنة
خيارة
الضحى
شاي او قهوه غير محلى
سلط
الغداء
صدر دجاح مشوي او مسلوق
كوب من عصير باليرو
صحن سلطه
المغرب
خس اربع ورقات
شاي او قهوه غير محلى
العشاء
كبد خمس قطع صغيره
2 قطعه جبن قليلة الدسم 80 غ
كوب من عصير باليرو


اليوم الخامس
الافطار
بيضة مسلوقة
شاي او قهوة غير محلى
خياره

الضحى
شاي او قهوه غير محلى او محلى بسكر سبيلندا
الغداء
ستيك السمك او ربع كيلو سمك مشوي
كوب عصير باليرو
صحن سلطة صغير
المغرب
شاي او قهوه غير محلى
العشاء
شاي او قهوة غير محلى
شريحتين جبنة
ملعقتين لبنة
4 اوراق خس

اليوم السادس

الافطار
شاي او قهوه غير محلى
2 قطعه جبن قليله الدسم 60غ
بيضة مسلوقة
الضحى
كوب عصير باليرو
سلط
الغدا
صدر دجاج مشوي او مسلوق منزوع االجلد 200 غ
صحن سلطه
كوب من عصير باليرو

المغرب

شاي او قهوه غير محلى
سلط
العشاء
2 صحن سلطة بالجبن الابيض
علبة تونا صغيرة
كوب من عصير باليرو


اليوم السابع

الافطار
شاي او قهوه غير محلى
قطعه جبن قليلة الدسم 40 غ
ملعقتين لبنة
خيارة
الضحى
شاي او قهوه غير محلى
الغداء
خمس حبات ربيان مشوي
صحن سلطه
كوب عصير باليرو
وجبه المغرب
شاي او قهوه غير محلى
4 اوراق خس
العشاء
بيضة مسلوقة
كوب من عصير باليرو
شريحتين صدر حبش مدخن

يمكن استبدال الجبن بالبيض او المرتديلا او التونه او العكس
الشاي والقهوه في اي ساعه واي وقت
يجب شرب 8 اكوا من الماء
يفضل عدم تناول الملح لمنع احتباس السوائل
من الخضراوات الممنوعة الطماطم والجزر

طبعا اول اسبوع بدون اي رياضة :rerrerek:

​

 

[حلم مذبوح]

انا صاحية من الصبح لحد الحين بس شربت ماي

نسيت ماقلت لكم ترى الماي جدا مهم
قبل الوجبة او بعد الوجبة بنص ساعة

انا مقلة وايد بالماي وعندي املاح وااايد متراكمة
الحين ان شاء الله ملتزمة بالاكثار من شرب الماي

 

[الفراولـه]

مشكوووووووووووره

يارب نوصل للوزن المطلوب بصحه وسلامه وانا ان شالله من اليوم ببتدي الرجييييييييييييييم

 

[الفراولـه]

ليش مافيه كورررن فلكس

 

[نارنجه]

موووفقه حبيبتي و ان شاااء الله تنزلين بصحة وعافية

بس حبيت استفسر

جم تكلفتهم ؟
و في اشيااء يعطونج اياها ضمن البرنامج ولا بس جذي ؟

 

[sakura-san]

انا جربت ونزلت من 73 لين 52 بس للاسف وقفت رياضة المشي وزدت لين 57 وطولي 154 هالاسبوع بديت رياضة المشي وحمل الاثقال وقاعدة امشي على نظام نيوتريشن من اول يديد نفس إللي ذكرتيه

وطبعا الارز والخبز ممنوع بس انا من فترة تميت اكل عيش عشان جذي زاد وزني لان العيش ينفخ

 

[قفشة حلوى]

الله يثبتج ويثبتنا وياج

 

[قفشة حلوى]

انا جربت ونزلت من 73 لين 52 بس للاسف وقفت رياضة المشي وزدت لين 57 وطولي 154 هالاسبوع بديت رياضة المشي وحمل الاثقال وقاعدة امشي على نظام نيوتريشن من اول يديد نفس إللي ذكرتيه

وطبعا الارز والخبز ممنوع بس انا من فترة تميت اكل عيش عشان جذي زاد وزني لان العيش ينفخ

اختي بغيت اسالج العيش والخبز ممنوعين في فتره الرجيم بس و لإ حتى بعد التثبيت ما يصير ناكل:eh_s(10):

 

[حلم مذبوح]

هلا بيكم
تسلموون خواتي
انا لما نسخت البرنامج اليومي عدلت عليه وايد
كان مسموح بالشوربات والتوست والالبان قليلة الدسم
بس يمكن برنامجي غير على حسب نسبة الدهون والاملاح اللي عندي
ونسيت اقولكم عن السعر اعتقد هو نفسه بكل الفروع اللي بدول الخليج
6اشهر ب 175 دينار بحريني
ومعاهم بكجين واحد خاص بالاسبوع الاول والثاني خاص للاسبوع الثاني
الاول فيه علبتين شاي اخضر واحد منهم لسد الشهية
وصابونة تنحيف
وجل تنحيف نستخدمه مرة وحدة الصبح قبل الدوام ومانغسله
والبكج الثاني
بدلة حرارية وكريم تنحيف
ودي اصور لكم لكني ادش من الجوال مادري يصير ارفع صور او لا
جهاز البيت اليو اس بي تالفة
تسلموووون يارب وشكرا لكل من دعت لي ولج خالص دعواتي

 

[حلم مذبوح]

هلا اختي قغشة حلوى
امييين الله يسمع منج

 

[** رش رش **]

زين يسوون لج تحاليل قبل لا تبدين معاهم و لا لأ ؟؟؟

 

[حلم مذبوح]

هلا اختي
لا مايسوون تحاليل
بس الفحص على جهاز متطور يطلع كل شي
اممم اللي تبي تقدر تاخذ تحاليل من المستشفى اول
رفيجتي معاها السكر وقال لها تخفف ادوية عشان البرنامج
اسمحولي بنات اتاخر عليكم مريضة شوي اللوز تعبانة ومزكمة وحرارتي مرتفعة

 

[حلم مذبوح]

حبيت اخبر كم النظام اليوم ماشي معاي تمام
بس انا دايخة لاني مريضة شوي
اللوز ملتهبة
شوي اصحى وشوي انام لدرجة اني توني اخذت وجبة الغدا
اللي اهو سلطة صحن صغير مع صدر دجاج مطبوخ بدون ملح
حاسة اني ماراح اتعشى احس بشبع حتى صدر الدجاج ماكملته
والمهم في العشى يكون قبل الساعة تسع
دعواتكم

 

[نارنجه]

سلااامتج
ماتشوووفين شر يارب

ماعليه شربي سوائل دافية
وارتاحي


وجزاج الله خير ع البرنامج الي حطيتيه

وان شااء الله بتابع يومياتج

 

[شربـــات لـــوز]

مشكوره على موضوعج الحلو

 

[mumee]

مشگوووره
آنا مسجله وياهم في قطر نظامهم وايد اوگي

 

[sakura-san]

اختي بغيت اسالج العيش والخبز ممنوعين في فتره الرجيم بس و لإ حتى بعد التثبيت ما يصير ناكل:eh_s(10):

في البداية اول 3 اشهر كان التوست والعيش ممنوع حقي وعقب دخلهم في النظام بس بكمية قليلة جداً

بس انا يوم كلت العيش متني عشان جذي وقفت العيش بس الخبز الاسمر كان عادي حتى حبوب الافطار كنت اخذ wholemeal

 

[حلم مذبوح]

هلا فيكم خواتي
شكرا على المتابعة
والشر مايجييكم يارب
الحمدلله انا الحين احسن
اليوم ماشي تمام بس الغدا غيرت فيه شوي
لاني رجعت من الدوام تعبانة اخذت تمرة وبندول رحت بعدين على الساعة خمس
تغديت سلطة واسنبدلت الدجاج بالبيض
ملاحظة؛نسيت اقولكم الدكتور عطانا عصير نشربه بعد الغدا والعشا
بس نبتدي من ثاني يوم
العصير بودر نخلطه مع لتر ونص ماي
وكوب مع الغدا وكوب مع العشى
ونصحنا لو حسينا بهبوط ناكل تمرة او قطعة من شزكلاته هم من عندهم
اشكركم خواتي
شكرا للمتابعين

 

[حلم مذبوح]

هلا فيكم بنات
هذا اليوم الثالث وماشي تمام
الحمدلله تعافيت ولي خلق اطبخ
ريوقي اليوم بس كان خيارة وملعقتين لبنة قليلة الدسم
نسيت اسلق لي بيضة بس مشى اليوم تمام
اما الغدا سويت لي سلطة وشريحتين سمك فيليه مشوي
والعصير اللي من المركز
والحمدلله ماشي الحال

من طبقت الرجيم
شلونكم معاه

 

[لازورد]

وعليكم السلام ورحمة الله وبركاته

ماتشوفين شر حبوبه وان شاءالله تنزلين بصحه وعافيه

بسألج حبيبتي جم الاشتراك وهل معاه وجبات ولا بس ورقة النظام وشلون تعاملهم وشنو المطلوب للاشتراك ونظام الزيارات

ومشكوووره مقدما