يومياتي مع رجيم د.اسامه ادعولي بالاراده+الرشاقه

[فطيرة فراوله]

الصراحه حلو نظامه بس يجوع حده بس في نتيجه الله يوفقج يارب ويثبت عزيمتج

 

[رومانسيه وحنونه]

ببتديها بزغروده كللوش كللوش كللوش

مبروووووووووووووك

وتستاهلين ويامالج من الخير

ياام مضاوى,,,,,شفتى اللى يسمع النصيحه

لو الحين جان مارحتى وزدتى أحبااااااااااط

أنجاااااااااااااااااااااااااز 6 كيلو كملى والله وقلبى معاج

وياااااااااااااارب تضبطين ننفسج من اليوم لى الموعد

تذكرى اللبس والشكل والجمال اللى مايطلع الا مع

الضعف,,,,,,,,والله يوفقج ويصبرج ويقوى إرادتج

وكل الساااااااااامعين وأنا اولهم........أمين

 

[ام مضاوي]

ريم= هلا حبيبتي وشدي حيلج والله وبإذن الله انج بتتعودين وبتصير تقاومين الاكل والكيكه اذا صغيره عوضي فيها التمر وقت المغرب لاتاكلينه يعني سوي معادله
انا اليوم قعدت الساعه 10الصبح ولقيت زوجي طالب حلا الجلكسي حق الروماني>>>>يمووووووت فيه حتى من صباح الله خير لزوم القهوه
وماادري اذا تعرفين شكله يذووووووب القلب:eh_s(22):
والله انه اخذ قطعه وبيحطها بحلجي وانا مسكررررره شفايفي وقلت لو شنو مااكل :eh_s(13):
واول ماخلص منه على طوووووول وديته الثلاجه علشان مايغريني شكله:eh_s(13):
ويوم قعدالمغرب طلب الجلكسي مع القهوه والله مااكلت ولا تنتووووفه

والله يستر بقى ربع العلبه انشالله ياكلها بكره وافتك:eh_s(6):

وبلغين شسيصير معاج
اول بأول


وعالحبوب والله ذكرتينييييييي الله يذكرج بالشهاده
اليوم وامس مااكلتهم

انا كاتبه اسمهم اول الموضوع حبتين قبل الغدا وحبتين قبل العشا

 

[ام مضاوي]

ام اراوي= حياج الله والرجيم اول ماعطانياه الدكتور قلت صعب ويدوخ ويجوع و و و و....
بس الحمدلله يوم مشيت عليه حسيت اني ارتحت نفسيا

رومانسيه وحنونه=الله يبارك فييييييييييج يالغاليه
والحمدلله اني مشيت على نصيحتج ولا جان مكمله لخبطت الاسبوع الثاني
والنتيجه حمستني اكثر
والله لي الشرف انج اتابعين وتتواصلين معاي

 

[noor00]

ام مضاوي حبيبتي الله يوفقج انشالله وتكملين رجيمج وتوصلين للوزن الي تبينه ...

:eh_s(17):
انا مجربه رجيم الدكتور اسامه قبل هالمرة ومارحت له الا من كثر ماشفت البنات ضعفانيييييييييين منه والله صراحه كلمه روعه شويه عليه مشالله عليه يعطيج حماس من كلامه ودمه خفيف حتى امي كانت معاي لما رحت له وتشجعت من كلامه وغيرت نظام اكلها كاااامل بس من كلامه لانه كان فيها سكري وكانت لازم تنتبه لنفسها ...

على العموم انا رحت له قبل سنه ونص وكان وزني 65 وكنت ابيه يوصل لي 58 واخذت منه نظام مثل نظامج بس كنت اخلط الكيوي مع الاناناس وطعمه روووووعه كان احلى شي بالنظام بالنسبه لي وعطاني معاهم حبوب شاي اخضر وكانو ممتااااااازين من اول اسبوع اهلي وكل الي يشوفوني مستغربين مني لانه كان حيييل باين اني قاعد اضعف وضعفت بشهر ونص وصلت 55 كيلو لا وكل الضعف كان من بطني ... وكان معطيني مواعيد عشان اروح له بس مارحت ولامرة لاني انشغلت وحسافه بعد ماضعفت واستانست والكل مصدووم مني انفتحت شهيتي للاكل وقمت اكل الخضر واليابس والله حسافه بالسنه ونص اكلت اكل اليهود وصار وزني الحين 72 كيلو :eh_s(16):

بس انشالله ببتدي معاكم وانزله لين يوصل 58 :eh_s(13):

وانا من امس بديت معاكم بالرجيم بس قاعدة اخذ قاطع الشهيه من زين الاتات حبه وحدة الصبح بس صراحه فظيع صج يسد الشهيه ومايخليج تشتهين الاكل لو شنو كان جدامج ...:eh_s(15):

على فكرة كنت امشي يوميا مرتين ... نص ساعه اول ماقوم مشي عادي مثل التمشي بالسوق ماتعب نفسي لاني كنت قاريه بموقع انجليزي المشي اول ماتقعدين لمدةنص ساعه يحرق من الدهن الموجود بالجسم والمرة الثانيه كنت امشي فيها بعد الغدا لانها الوجبه الرئيسيه بثلاث ساعات بس مشي سريع ومن جذيه نزل وزني حيل وكان باين علي يوم بيوم ... ​

 

[~~أم جــســوم ~~]

ام مضاوي ادري دوختج معاي

انا دورت الحبوب باكثر من صيدليه وما عندهم انتي من وين شريتيهم

اخاف بس عند الدكتور ومافي منهم بره

ومشكوره ​

 

[~~أم جــســوم ~~]

هلا ام مضاوي انا حصلت صوره للحبوب صح

والله تعبت وانا ادورهم وكل صيدلي اقوله عنهم يقول هذي ما تسد الشهيه
هذي الحبوب تذوب الدهون

عطيني خبر تكفين​

 

[ام مضاوي]

noor00=هلا اختي نور وحيااااااااج الله في موضوعي
ومثل ماقلتي الدكتور يشجع ويحمس>>صج انه بس مرتين لي الحين دخلت عليه بس انشالله مو ناويه اطوف ولا موعد اذا الله قدرني مثل ماكنت اسوي مع باجي الدكاتره قبل.....موعد موعدين واطنش....دكتور اسامه شي فظيييييييييييييع يحببج بالرجيم ويحسسج انه شي سهل
وعلى عصير الاناناس والكيوي قبل كان يعطينياه د.محمدربيع وماحبيته
ويوم كتبه لي د.اسامه قلتله مااحبه وقالي اخذي اي عصير ثاني
واليوم كنت طالعه كوفي وشربت اناناس بكيوي لانه الوحيد الي جدامي عالمنيو ومايخليني الخبط
بس كان طعمه روووووعه خفيف مومثل الي اخلطه في البيت
7
8
7
8شدي حييييييييييلج مره ثانيه انا اول مابديت نفس الوزن الي انتي بتخسرينه انا بخسره بالضببببببببط يعني انشالله مو بعييييييييد حيييييل

 

[ام مضاوي]

ريــــــــــــم= صح هذي اهيا الحبوب وانا اخذتها من صيدلية العياده نفسها
والدكتور ماقالي انها تذوب الدهون سألني اذا شهيتي مفتوحه
وانا احيانا احس شهيتي تنفتح يعني على حسب النفسيه
فأخذت منهم
يعني كان مو اجباري اني اخذهم الا اذا كانت شهيتي مفتوحه واهي تسد الشهيه

واذا تبين اوصلهم لج انا حاااااااضره ومن عيوني والله
اخلي السايق يطرشهم لج لي باب البييييييييييييييييييت
بس طرشي العنوان:eh_s(8):

 

[دانة الكويت..]

يعطيج الف الف الف الف عافيه:eh_s(15)::eh_s(15)::eh_s(15):

 

[~~أم جــســوم ~~]

مشكووووووووره يا قلبي يا ام مضاوي

ما تقصرين يكفى كلامج العسل والله تصدقين لفيت اشكثر واليوم بعد بروح

وان شاءالله بحصل

وتسالمين​

 

[ام مضاوي]

دانه الكويت=الله يعااااافيج حبيبتي وحياااج الله

ريم= والله انتي العسل كفايه متابعتج المستمره وتشجيعج لي

 

[منورة الكويتية]

وااااااااي يام مضاوي ترى متابعتج بس ماحصلي اررد
قو قو قووووووو استمري على الريجيم وكلام الدكتور وان شاء الله يارب تظعفين بالصحه والعافية
وانا بعد قاعده اسوي ريجيم بس موتبع دكتور من نفسي حارمة نفسي من كل شيئ ادري غلط بس شسوي انا ماكو وسط يااخربها يا احرم نفسي بس ان شاء الله ربي يثبتني واستمر اليوم الثامن انا ومشتركة بناادي وودي اروح حق دكتوورج خصوصا ان حمولتي بالجهرا ف منها نزورهم ومنها اراجع

 

[ام مضاوي]

حياااج الله منوره
وتابعي الرجيم
بس انا مثل ماذكرت بموضوعي
بعد ماطلعت من نفاسي حرمت نفسي من الاكل بس كنت اضعف بالقطااااره
يعني يمكن 5او4شهور نزلت فيهم 6كيلو بس
ومع هالدكتووور فرق
يكفي انج تحسين ان وراج موعد ومتابعه لااازم تشدين حيلج
والله عن تجربه ماانصح بالنظام الي تسوينه في البيت

انا خالتي من سكان الفحيحيل بعييييييييييده عن الجهرا
بس تنام عند امي بالويك اند
وصارت اتابع معاه كل اسبوعين يعني زواره وترك
ومشالله ضعفت حييييل

واهي موصغيره عمرها 36 وعندها6عيال الله يحفظهم ويخليهم لهابس لانها خلاص ناويه توقف الانجاب وتهتم بنفسها

مشالله حتى بنطلونات جينز صارت تلاقي قياسها وكرشها كبييييييييره بدت تنزل حيييييييل فرق عن اول وخصوصا انها والده اكثر من مره عمليات

 

[يمّه مني]

ام مضاوي مضاوي ضاوي وي وي وي
قوه اشلونج واشلون مضاوي ؟
واشلون الرجيم معاج غالبج ولا غالبته
تدرين لو انا دكتوره وتيني وحده موملتزمه برجيمها وماتسمع الكلام شسوي فيها ؟
شفتي المصري اللي احذفوه الشرطه من فوق ؟ جذيه اسوي فيها
شجي حليج نبي كلنا نسوي قروب before&after نبي المتن يصير فعل ماضي
نفتح موضوع ديوانيه الرشيقات بدال لانحط مواضيع نبي رجيم
متى بس متى

 

[حياة - التميز]

up

>>

>

 

[ملح وسكر]

انشالله توصلين للوزن اللي في بالج

 

[ام مضاوي]

up
7
8
7
8
7

 

[ام مضاوي]

مرحبا بنات

محدثتكم ام مضاوي من بيت اهلها

الكونكشن هني للاسف ينرررررفز

والمنتدى مااقدرت ادخله هاليومين

والرجيم الحمدلله لي الحين ماشيه عليه

بس اكيد مو سيييييييييييييييييييييييده

لازم في عك شوي

وخصوصا انه زوجي مسافر الحين وماخذه راحتي

صارلي يومين ناقعه بالافنيوووز >>>لووووووووووول

اليوم الاول اكلت بمطعم والله نسيت اسمه >>اسم مكون من 3 احرف انليزي بينهم حرف g
لانه معم بورجر واخذت منه سلطة >>وانصدمت انه مافها الا الخس
واخذت همبورجر ودايت ببسي

وقبل شوي يوم رحت ماشربت الا موكا لوفات علشان يسد شهيتي ومااتعشى

وفعلا ماتعشيت

بس الحين الساعه 4 الفجر
انتهيييييييييييييييت من الجوع

واخذت 4شرايح توست بجبن>>يعني شريحتين شريحتين

شسوي اليوم ماتريقت وبالغدا مااكلت سلطه

يعني حدييييي ميته من الجوع

بس بعد مارجعت من الافنيوز اكلت فراوله شتريته من كارفور

وانشالله بس ارجع لبيتي بعطيكم تقرير مفصل

 

[noor00]

شدي حيييييييييلج ام مضاوي حرام تخربين كل الي نزلتيه .... احنا جذيه اذا نزلنا جم كيلو استانسنا وطحنا اكل وننسا الرجيم ...

انا لي الحين ماشيه عدل وماخربط مع انه كانت عندنا اكثر من مناسبه واشوف الفطاير والحلو والكيك يمر جدامي وماسكه نفسي والحمدلله لي الحين نزلت 3 كيلو من بديت ...