يومياتي مع لوفات ستايل في رمضان

[Fo$hY Mo$hY]

السلام عليكم

ان شاء الله يوميا راح احطلكم يومياتي مع شركة لوفات ستايل حق الدايت

عاد ان شاااااء الله نضعف مليت من الرجيمات

طبعا دقيت عليهم يوم الخميس 21-7 ويووني البيت عطوني المنيو

اخترت وجبات رمضان كامله ب159 دينار

وطلبت 1100 كالوري بس الدكتوره دقت علي قالتلي 1100 شويه خصوصا انج بتصومين 15-16 ساعه راح اخليهم لج 1200 او 1250

وطلبت منها 1200

و اليوم 23-7 بدو توصيل البوكس



و هذي الورقه فيها محتويات البوكس طبعا الاكل ينقسم حق 3 فترات ( فطور - غبقه - سحور )



فطوري كان :-

داوود باشا مع عيش



يضحكون حاطين بس كرتين لحم ههههه

رايي فيه كان حلو بس مو واااو

شوربة البطاط الالمانيه



فيها مرتديلا الصراحه لاعت جبدي منها ذقت قفشه صغيييره و هديتها

مستحيل اطلبها مره ثانيه ;p

وبدال الشوربه شربت نص قلاس اورنج تانق و حبه وحده ميني ورق عنب بالزيت

كبه بالتغميسه



وايد حبيتها

سلطه فواكه



حلوه بس لو كان العصير فريش راح تطلع لذيذه

هذا كله بالنسه للفطور و الحمدلله شبعت

بعد الفطور بساعه وشي لعبت 20 دقيقه رياضة المشي ع الجهاز

المسافه الي مشيتها 1.40 و حرقت 40 كالوري

ع الساعه 10 يعت و الحين ياا دور الغبقه يممييييي :rerrerek:

روست ساندويش داخلها مسحه مايونيز و سلايز و خس



داخلها مسحه مايونيز و سلايز و خس و شي نفس اللحم بس خفيف بس شلته بدون ماذوقه

حلوه و خفييفه :icon30:

و لبن المراعي بس يهضم



و ياا دور الشي الخطييييييييييير البراااوني



اتععععععععب و اقووول واااااااو رووووعه لذيييذه :rerrerek::rerrerek:

بعد ساعه تقريبا سويت تمارين حق الزنود و مشيت 10 دقايق حرقت 20 كالوري

و الساعه 12 تسحرت

سحوري كان نص شاورما لحم بالصاج



لذييييذه

و ورق عنب بالزيت يميييي



وبس الحمدلله شبعت و شربت قلاسين ماي اليوم < مو وايد مع الماي

وان شاء الله باجر بروح اوزن بالصيديله عشان اعرف وزني بالضبط

و يااااااااااارب اضعف :yaaaaaarb:

 

[atoooty]

حلو وانا ان شاءالله راح اشترك معاهم هاليومين

لاني ماصارلي جم يوم من بده رمضان ومتنت حيييل

بس انا عمري ماجربت شركات الدايت مادرري ليش احس اكلهم شويه حييل وماينوكل

موووفقه حبيبتي

 

[Fo$hY Mo$hY]

انا عكسج من بدا رمضان مبلشه دايت بالمضبوط

اذا متردده جربي اكلهم يبيعونه بالجمعيات وترا كميتهم رااااهيه

وبكون معاج صريحه في شي ينوكل و في شي لا

ولا تفكرين بالكميه اذا تبين تضعفين استحملي

واذا مو حابه تشتركين مع شركات الدايت خففي اكلج

انا قبل ما اشترك معوده نفسي احطلي 5 قفشات اكل من العيش

و بالنسبه حق الحلو اكليلج قطعه وحده

سوي رياضه امشي

و بببس اتمنى اتابعين يومياتي حياج الله ^_^

 

[Fo$hY Mo$hY]

اليوم الثاني مع لوفات

قبل الفطور بساعه و شي مشيت شوي و سويت تمارين الزنود

محتويات البوكس



فطوري كان :-

مجبوس دياي + دقوس طماط + قطعتين دياي



كان لذييييذ

سمبوسه خضار



كليت وحده ونص < غسبت نفسي

ماحبيتها بهاراتها قويه و البهارات القويه تسببلي حارج


شوربه ايطاليه



من قبل ما اذوقها ريحتها كانت استغفرالله

ذقت قفشه صغييره منها لاعت جبدي و ما كملتها

عصير اورنج المراعي



ماحسيت بشبع لأن ما كليت الشوربه ولا السمبوسه

كليت قطعة رقي و سمبوسة بطاط من الهندي

و الحمدلله

بعد الفطور كليت السويت

كيكة الككاو الالمانيه

ماعليه صارلها حادث انقلاب ههههههه



بس لذيييييييييييذه يمييييي :rerrerek:

بعد تقريبا ساعه سويت تمارين الزنود و الفخوذ و المعده و الخصر

ومشيت شوي

بعدها طلعت كنت حاطه في بالي اخذ اكلي معاي بس للأسف نسيت و حسيت بيووووع قااااااااتل :eh_s(2):

بس مسكت نفسي لين ارجع البيت

طبعا الي بقا من الغبقه فطيرة لبنه



حلوه

و السحور كان :-

ساندويش ستيك



لذيييييييذه داخلها ستيك وخس و اعتقد مايونيز او شي ثاني بس لذيذه :rerrerek:

سلطة سيزر



بدون دياي بس كانت حلوه

ولبن المراعي قليل الدسم




اليوم حسيت بتعب مو طبيعييييي و صداع و دوووخه بس الحمدلله ع كل حال :eh_s(22):

و الحمدلله ع النعمه

 

[bader-albdor]

ما شاء الله اكلهم شكله لذيذ استمري لا توقفين

 

[Gifts&Occaions]

بس لازم ماتخربطين ولاتاكلين سمبوسة من الهندي تدرين شكثر فيها دهن ولاتستبدلين شي بشي عندج بلبيت