يومياتي مع مركز الفوزان

[دلوول 2006]

مساء الخير بنات
اليوم سحبت عمري ورحت لعيادة الفوزان
لأن أسناني الي كنت ملبستهم عند الحكومة
شكلهم مو عاجبني
قلت بجرب حظي بهالعيادة
طبعا طلع لازم ألبس 11 سن
بقيمة 2200
السعر صادم
لكن قلت خل أعدل خشتي
عموما دكتورتي امها سهير
وباجر يشيلون اللبسه القديمة ويحطون مؤقتة
وبعلمكم شيصير معاي بكل أمانة وصدق
الي لهم والي عليهم
يارب يا حبيبي يكونون على هقوتي
وامدحهم
بما يستحقون
وما يكون العكس
وتضيع فليساتي
الي الله يشهد ما جوا الا بالتعب والجهد
قولوا آمين بنات واجعوا لي عفيه
آنا صورت أسناني
حاليا
وأكيد بصورهم عقب يارب يطلعون حلوين
وما يضيع التعب والمال
بس نا أعرف أنزل الصورة
الي تعرف تعلمني

وبنشوف شغل الفوزان الغالي زيادة
شيطلع ويانا
وأكيد بعلمكم بالتفاصيل

 

[دلوول 2006]

سوري على الأخطاء الإملائية
قصدي ادعوا لي

 

[دلوول 2006]

مع أنكم كاشتين ومحد عبرني
لكن بكمل
اليوم رحت وشالوا التلبيسة
وقالوا لي عندج 5 عصب
مع أني أذكر سويت عصب لين قلت بس
واذكر الدكتور قالي بس أثنين ما يحتاجون عصب
ما أدري هذيل من وين طلعوا
عموما دفعت 650
وقالوا الزيارة الجاية تدفعين باجي المبلغ
قلت بس تو الناس خل أشوف شغلكم وبعدين
أدفع
بنات يصير جذي أرجوكم الي جربت تعلمني

 

[q8i-lady]

الله يعينج بصراحة السعر وايد غالي
بس على الله يطلع شغلهم يسوى

 

[اميره بكلمتي]

ليش جذي سعرهم غالي بس ان شاء الله النتيجه تسوى ومايروح تعبج وفلوسج خساره

 

[دلوول 2006]

اليوم رحت لمركز الفوزان
وقلت لهم أما تخصمون لي والا ما أبي أكمل
لأن السعر حيل مبالغ فيه
وأحس إنى توهقت
وجا الدكتور فيصل بنفسه وكلمني
على فكرة قبل لا أبدأ بالشغل كلمته وقلت له على شرط تخصمون لي
قالي ولا يهمج نخصم لج
اليوم قال لا والله آسفين وهذي أسعارنا
طبعا هم طريقتهم كل واحد يشتغل شيء ياخذ فلوسه
وهكذا
بس قبل لا نبلش بالشغل قالي إذا ما عجبج الشغل آنا بوقف على الحياد
يوم جيت اليوم وقلت مادام ما تخصمون لي ردوا لي فلوسي
قال خلاص حاسبوها على كل شيء وردوا لها الباجي
حاسبوني على العصب 4 أسنان
وعلى المؤقت الي ركبوا لي
ورجعوا لي من أصل 1750 ،،، 1140
المهم إني ارتحت منهم وانحشت
مع إنه والله حرام 4 عصب بهالمبلغ
عموما آنا لازلت شاكة فيهم
لأن أول مرة أشوف عصب بنفس اليوم
لا و أربعة
وقلت للدكتورة طول عمري أسوي عصب جلستين وثلاث
شمعنى أنتم
قالت احنا طريقتنا متقدمة
العيادة كله فاضية
بالكثير 3 مرضى
المفروض أفهمها لكن نصيب
هذا كل الي صار اليوم وسامحوني
ونصيحة لوجه الله
أي مكان ولا هذا
ذبح حلالي
وكله كوم وسالفة أدفعي قبل تشتغلين
يعني سمج ببحر

 

[دلوول 2006]

حبيباتي الي ردوا مشكورين (أميرة بكلمتي وليدي الكويت )
الله يجبر بخاطركم

 

[اميره بكلمتي]

اليوم رحت لمركز الفوزان
وقلت لهم أما تخصمون لي والا ما أبي أكمل
لأن السعر حيل مبالغ فيه
وأحس إنى توهقت
وجا الدكتور فيصل بنفسه وكلمني
على فكرة قبل لا أبدأ بالشغل كلمته وقلت له على شرط تخصمون لي
قالي ولا يهمج نخصم لج
اليوم قال لا والله آسفين وهذي أسعارنا
طبعا هم طريقتهم كل واحد يشتغل شيء ياخذ فلوسه
وهكذا
بس قبل لا نبلش بالشغل قالي إذا ما عجبج الشغل آنا بوقف على الحياد
يوم جيت اليوم وقلت مادام ما تخصمون لي ردوا لي فلوسي
قال خلاص حاسبوها على كل شيء وردوا لها الباجي
حاسبوني على العصب 4 أسنان
وعلى المؤقت الي ركبوا لي
ورجعوا لي من أصل 1750 ،،، 1140
المهم إني ارتحت منهم وانحشت
مع إنه والله حرام 4 عصب بهالمبلغ
عموما آنا لازلت شاكة فيهم
لأن أول مرة أشوف عصب بنفس اليوم
لا و أربعة
وقلت للدكتورة طول عمري أسوي عصب جلستين وثلاث
شمعنى أنتم
قالت احنا طريقتنا متقدمة
العيادة كله فاضية
بالكثير 3 مرضى
المفروض أفهمها لكن نصيب
هذا كل الي صار اليوم وسامحوني
ونصيحة لوجه الله



أي مكان ولا هذا
ذبح حلالي
وكله كوم وسالفة أدفعي قبل تشتغلين
يعني سمج ببحر

يمعوده لو مسويه العصب بالحكومه اريحلج من الخاص وبعدها رحتي عياده خاصه معروفه طقت نيو ابها وتيجان احسن

 

[اميره بكلمتي]

انا قاعد اسوي اسناني كلها بالحكومه من عصب وحشوات وتنظيف وتقويم وبعدها بروح خاص بسوي ابتساامه هوليوود اقط فلوسي مره وحده عليها

 

[دلوول 2006]

أي والله زين تسوين أميرة
لأنهم فعلا نهبوني ما تسوى علي والله

 

[اميره بكلمتي]

أي والله زين تسوين أميرة
لأنهم فعلا نهبوني ما تسوى علي والله

احسلج والله دلول لانه اغلب دكاتره الحكومه للعصب والباقي كفاءه وخلي الخاص اخر شيء حق اي شيء تجميلي تبييض وهالسوالف

انا قتلج وانتي كيفج لانه مجربه العصب بالخاص بصراحه مانفعني وجربت الحكومه فرق وياي حيل ?