أول شيء بكلمكم عن زيارتي للمركز,,
أحلى شيء كان الدايتشن (الأخصائية) لبنانية كيوت و حسيتها مريحة مادري شلون :eh_s(10): حلو تعاملها يعني
قاست وزني و طولي وطلعت التحليل بكل تفاصيله
طبعاً انكشف المستوور و نسبة الدهون والعضلات والماي !
قالت لي ان الوزن يتوزع على خمسة أشياء
1- الماي اللي داخل الخلايا
2- الماي اللي خارج الخلايا
3 - العضلات
4- المعادن
5- والأهم هو عدو الشعوب الفات Fat
صدق انه مفتررري!!!
قالت لي ان نسبته عندي 47 % والمفروض تكون على الأقل 28 % عشان تكون النسبة طبيعية
الخلاصة إني لازم أنزل نسبة الفات 19 %
و عشان هالشي يتحقق لازم ينزول وزني تقريباً 32.6 كيلو و وزني بالأساس 95.5 (انصدمت لأن ميزان البيت يطلع 92 و بس بقول لكم ليش ماكنت أتخيل نفسي بهالوزن ما أحس يبين علي) :080402ask_prv:
الشي الحلو اللي خبرتني عنه في تحاليلي إن نسبة العضلات عندي فوق الطبيعية بشوي وهذا شيء ممتااز حق ينقص الوزن بسرعه لأن العضلات كلما زادت نسبتها بالجسم يحرق أسرع و ما يبين وايد بالشكل لأن وزن العضلات أثقل.... و الحمد لله إن التمارين نفعتني من هالناحية : )
آخر شيء بالتحاليل يطلع وين المناطق بالجسم اللي تحتاج أركز عليها أكثر بالتمارين
قالت لي بالتحليل إن الجزء العلوي من جسمي فيه قوة لكن الجزء السفلي والبطن يحتاجون تمرين أكثر
و جــذيه خلصت موضوع الزيارة و بحط لكم الصور بعد شوي :eh_s(22): دعواتكم لي
