يومياتي من 2/6/ الى 30/6/2010

[Blue BerrYa]

السلام عليكم ورحمه الله وبركاته

اسمحولي اكتب يومياتي لانه اتوقع اهي الدافع الوحيد لي عشان اعرف شنو قاعده اغلط فيه وشنو اسوي ....


فـ بسم الله ابدأ :eh_s(4):

الوزن سابقا : 76.2
الطول : 162
الوزن الحالي : 73.5


الهدف الحالي لمده شهر : 5 كيلو - 68

الوزن المثالي : 58 <--- دررررب الله يعين لول


نظامي :

المسموح :

- الاكل الصحي وتخفيف
- ككاو واحد او ككاوين بالاسبوع ويفضل كندر او قطعه صغيره جدا
- الاكثار من الماي والسلطات
- الاكثار من الفواكه وخاصه التفاح
- الريوق خفيف - الغدا وسط - العشا خفيف
- شرب الماء على الاقل بطل صحه في اليوم
- شرب جاي اخضر كوبين باليوم
- كل ما هو مشوي فهو صديقي _03BA:


ممنوعات :

- لا للشكر في الجاي وغيره
- لا للريجيم
- الابتعاد قدر الامكان عن التشويات و الحلو
- الابتعاد عن الفاست فود
- الابتعاد عن اي شي كامل الدسم
- بعد الساعه 8 ممنوع الاكل


الرياضه :

ودي امشي بس بما انه مو حاصلي وما عندي اجهزه فقررت الاتي :eh_s(4):

- استخدام السلالم بدلا من الاصانصير
- عدم تطريش احد وانما افز طولي واروح اييب اغراضي بنفسي :ada:
- ترتيب المنزل :dfgl:
- الاكثار من الحركه



وبس ان شاءالله ما نسيت شي لول احس تجنيد بس ربي يساعدني واغير من حياتي للافضل دعواتكم وتشجيعكم سبب في رفع همتي لا خلا ولا عدم

يارب من تدعيلي اي دعوه يرزقها ضعف ما دعتلي :hjy5jewf:
:33_1185028183:

 

[Blue BerrYa]

احم اليوم ريوقي كان كورن فليكس واحد

سناك ككاوه صغيرونه من كادبوري - 5 قطع خبز محمص تيتوس

الغداء

توستتين من تركي

بعدها بساعه قرين تي

للاسف كنت معزومه اليوم فأضطررت احلي بس اشوه ماكليت وايد شوي من موز بالجوكليت وقطعه حلو صغيره وجاي عادي وشربت هم قرين تي


العشا توست اسمر تركي + طماط وفلفل اخضر و خس

وقرين تيي



احم احم جنه يومي كان وايد فيه حلوو

 

[بنت عطا 24]

الله يوفقج وان شالله تضعفين بصحه وعاافيه

 

[-Bello-]

اسمحيلي اعلق على ريجيمج اول شي انشاء الله تضعفين بالعافيه ثاني شي جني اشوفج مكثره الخبز بتكلج اانا اقول لو اتبدلينه بالخس والخضره وايد احسن .. والله يوفقج

 

[LAUREEN]

اتصدقين انج نفس وزني الحين بالضبط و نفس الوزن اللي بوصله بعد و نفس التاريخ اللي حاطته بعد !!!!!!! حلوة الصدفة

 

[مشاعر أمرأه]

ماشاء الله زين رجيمج

لاني انا الحين قاعده اسوي مثلج

وماشاء الله بعشر ايم نقصت 4كيلو

بس انا اشرب بعد الغدا والعشا خلطه

جاي اخضر مع كمون وزنجبيل ونعناع

الله يوفقج حطينا يومياتج وسجليني متابعه لج

 

[Blue BerrYa]

بنت عطا

بعد قلبي يزاج الله خير


Bello
اييي هذي مشكلتي احب الخبز وايد وادري انه لو اهده اضعف لانه مره ماكليت خبز ولا اي نوع من انواع القمح ضعفت كيلوين باسبوع
يلا ربي يعين اليوم ان شاءالله بغير واوخر عن الخبر كثر ما اقدر

ومشكووووووووووووره وايد عالنصيحه ربي يحفظج :*



Laureen

امبيه سبحان الله شنو هالصدفه وناسه
يلا ان شاءالله نوصل للهدف اللي ايونسنا ويجبر خاطرنا




مشاعر امرأه

تبارك الرحمن ان شاءالله توصلين الوزن اللي تبينه
اي هالخلطه كنت اسويها واحس صج فادت معاي ذكرتيني فيها عسى ربي يذكرج بالشهاده

ويوفقج يارب ان شاءالله وحياج الرحمن بتنوريني والله :*

 

[Blue BerrYa]

امس

ريوقي : قطعه صغيره عن خاطري مفن + لاتيه

سناك : سلطه جرجير



غداي : توست اسمر و همبرجر مشوي


عشاي : سلطه سيزر و سلطه ثانيه ماعرف اسمها و نص قطعه ورق عنب


شربت كوبين قرين تي + بطل ماي صحه


ركبت الدري مرتين انهد حيلي هيهيهيهي


وبس ربي يعين واضعف

 

[Man7o0osa]

الله يوفقج ^_^

بس التزمي لين ما توصلين لهدفج إن شاء الله ^^

 

[وحش الريم]

السلام عليكم .........بالتوفيق حبوبة
وزين سويتي تكتبين يومياتج
انا من اليوم باديه نظام غذائي>>>>>>>>مو ريجيم اكره هالكلمه
وزني 75 طولي 164,,,,,,,,,,,,,,الهدف 65 بس علي الاقل ابي اشوف الستينات
ونظامي خذيته من وحده اهنيه بالمنتدي طريقته حساب السعرات الحرارية وطبعا فيه توست لاني ما اقدر اعيش بدونة؟؟؟؟؟؟
يعني شنو ناكل............
الساعة 9 شربت قلاص ماي دافي مع عصرة ليمونة
الساعة 10 كوفي 3 ان 1 ........احبها حيل اساسية بالنسبة لي
وللحين ما حسيت لاجوع بس اجوع .....باكل لي ربع خبزة سمرا مع بيضة مفيوحه...........وشكرااااااااااااااااا
ادري قرقت وايد بس انا وانتي والسبعينات ...............خير ان شاء الله
Good Luck

 

[Blue BerrYa]

منحوسه مشكوره حبيبتي


وحش الريم ايي حتى انا اكره الريجيم عشان جذي مابي شي محدد بس اقلل عالاقل

والله صاجه ترى ما نحس وايد باليوع الحمدلله
يلا عساج توصلين للوزن اللي تبينه وحياج الله ونسني حيييييييييييييل ردج يلا ربي يوفقج وشدي حيلج :d

 

[Blue BerrYa]

امس :


ريوقي توست اسمر وبيض طماط وجبن


غداي : مطعم لبناني احم بس ماكليت خبز الحمدلله شيش طااووق و تبوله و حمص و سوده

سناك : قرين تي

عشاي : قطع اناناس وكيوي و فراوله وبعدها قرين تي


شربت نص بطل ماي بس

استخدمت الدري ورتبت غرفتي

انجاز اول مره يمر علي يوم من غير ككاو الفال لـ باجي الشهر :d

 

[L.a.v.e.n.d.e.r]

ليش ما تدخلين رياضه يعني على الاقل مشي نص ساعه

الله يوفقج وتوصلين للي تبينه

 

[Blue BerrYa]

حبيبتي لفيندر مشكوره

اي هذا اللي اسويه بسالفه المشي على الدري والشغل في البيت

نفس الرياضه

 

[Blue BerrYa]

امس الله يسلمكم ويخليكم وبيت مكه يوديكم


ريوقي : توست وبيضه مفيوحه و شويه خضره

غداي وعشاي . توست تركي وعصير اناناس وكتكات


امممم جنه وايد اكل توست يبيلي اقلله :"\


وقبل لا انام قرين تي


هم الحمدلله مستمره عالدري و امس سويت شويه رياضه للبطن


اليوم ان شاءالله بإذن الله بحاول اقطع التوست خير شر :d

 

[شيــوخه]

موفقه ان شاء الله

 

[حبـ admant ـك]

موفقين
ان من فتره كنت اسوي رجيم بس وزني كلش ماينزل
التزمت شهر مع رياضه مانزل الا كيلو ونص وهالنص رد الحين ههههههه
بس الحين قلت مابحط ببالي اني ابي انزل لان تعبت نفسيتي بصراحه
من فتره بديت اكل مشاوي
اهم شي الاكل صحي
وان شاءالله تنزلون بصحه وتنزلون للوزن اللي تبونه

 

[Blue BerrYa]

شيوخه مشكوره حبيبتي


ادمنت
لوووول والله نفس سالفتني حيل معارضه الريجيم بس هاللي اسويه تغيير بحياتي

كنت حيل احب الككاو والشبس والحلاو وخرابيط اليهال اروح الجمعيه اجيل من هالاشياء
عشان جذي قاعده احاول اغير حياتي واخليها صحيه × صحيه :d

 

[Blue BerrYa]

ريوقي كورن فليكس صغير بدون شكر
ونسكافيه



غداي 2 همبرجر مشوي مع طماط وكتشب وخس



عشاي : تفاحه خضرا + قرين تي


ربي يتمم علي واستمر على سالفه الدري :d

 

[Q8stylle]

الله يوفقج وان شالله تضعفين بصحه وعاافيه