يوميات المشتركات((بريجيم المطوع مع ام عزيزان))

[مدرسة طفشانة]

اشلونكم بنات
لو اقولكم ما راح تصدقون
اليوم سويت حادث ثاني بعيد الشر عنكم
بس هالمره ايدي اليسار تعورت مادري اشصايرفيني
هذا ثاني حادث خلال 10 ايام
الله يستر

 

[شيخه***البنات]

مدرسه طفشانه ..

@@ خطاااااااج السوووووو امبيه شصاير صدقيني هذي عين ماصلت عالنبي ..

ماتشووفين شر يالغاليه ديري بالج على نفسج تكفين ..

الله يستر عليج ويحفظج يالغاليه ديري بالج ..

 

[sanforaa]

موفين بنات

 

[ام عزيزان3]

السلام عليكم,,,,,,
شلونكم بنات والله ولهت عليكم احسكم مثل خواتي والله يشهد...
ماتفقدون غالي يارب,,,بس لهيت بامتحانات اليهال والفتره الي طافت يمكن اكثر من عشر ايام مادشيت كلش

نانا حبيبتي عادي بدون اذن بيتك ومكانك حطي الريجيم الي تبين اهو الهدف نتيمع ونلتزم,,بس تأكدي من الريجيم يناسب اوزانا لان كل وزن ريجيم,,,اذا كان توست2 مايصلح للي وزنها بالستينات لازم 1توست
انا عيل اكلي كله خرابيط التزامي 40% تقريبا
بسألج نانا اي نوع تشربين؟؟ووكنتي مسويه اي نظام مع الزعتر,,انا سامعه مره يقولون كثرته يأثر علي الكلي

 

[مدرسة طفشانة]

مدرسه طفشانه ..

@@ خطاااااااج السوووووو امبيه شصاير صدقيني هذي عين ماصلت عالنبي ..

ماتشووفين شر يالغاليه ديري بالج على نفسج تكفين ..

الله يستر عليج ويحفظج يالغاليه ديري بالج ..

الشر ما ييج يا قلبي
صج صج مادري اشصاير فيني مع ان سيارتي شاريتها العام يعني مو يديدة
واذا عالجسم يعني مو ذاك الضعف اللي مبين حده
بس مادري شسوي عيزت وانا اطلع صدقات واستغفر الله حادث ورا الثاني
الحمد لله على كل حال والله يحفظ الجميع

 

[مدرسة طفشانة]

وينكم بنات
الموضوع قعدت ادور عليه بالبحث عشان القاه؟؟؟؟؟؟؟؟؟؟؟
عسى ما شر
وين ام عزوز
وين شيوخة
وين نانا
وين الباجي؟

 

[شيخه***البنات]

مادررررري وينهم البنات الكل نقطــع ...

انا وايد قاعده اخربط ..

انتي شلونج مدرسه .. ؟!

 

[ام عزيزان3]

اهلين بنات شلونكم,,,
انا كل مادشيت اشوف مافي مشاركات يديده ارد اطلع انتوا شخباركم
انشاء الله باجر اقولكم آخر الاخبار

 

[شيخه***البنات]

هلا ام عزووووز يالغاليه شلووونج ؟؟؟

احنا بخير و تمام انتي شمسويه ...

ناطرررررين اخر اخبارج ان شاء الله يارب تفرحينا بنزوووووولج ..

 

[ام عزيزان3]

هلا ام عزووووز يالغاليه شلووونج ؟؟؟

احنا بخير و تمام انتي شمسويه ...

ناطرررررين اخر اخبارج ان شاء الله يارب تفرحينا بنزوووووولج ..

هلا والله بحبيبتي شيوخه
آخباري كلش موشي رحت للدكتور الاسبوع الي طاف,,,بس عياره جذيه لاني كلش موماشيه علي الريجيم..وزني بالميزان زايد لان موعد الدوره,, وحتي قلت للدكتور خلاص انا مابي انزل بس ابي كل فتره اراجع احس ان احد وراي يجيك علي وزني علشان ماأزيد
وحتي الدكتور قالي وزنج مناسب بالنسبه للكتله العظميه والعضلات وايد زين لان بالشكل ماتعطيني الوزن الي انا عليه
وحتي قالي اول وحده تمر علي وزنها نص الستينات وخصرها,,,,ماني قايله الرقم :ggdw:
لان محيط خصري لوحده وزنها بالخمسينات المفروض,,لان سمنتي تحت والحمدلله خفيت وايد عن اول

علشان جذيه ولاني مابي ازيد قالي امشي علي هالنظام,,3ايام بالاسبوع ريجيم وباجي الاسبوع اكل علي الخفيف مو اطيحله
وجذيه يمكن انزل نزول بطئ ونفس الوقت يتثبت الوزن
بحيل الله باجر احط لكم النظام اذا تبونه_03BA:

 

[شيخه***البنات]

يعطييييج العافيه ام عزيزان دام انتي شكلج مثالي وزنج مثالي خلاص ومرتاحه من شكلج

تمي جذي و حافضي و عسى ربي يوووفقج ..

وماعليج امرررر نبي النظام ماقصرتي حبيبتي ...

 

[شيخه***البنات]

اب اب اب ..

 

[شـــفـــافـــه]

وااااي رفيجاتي شلووونكم شخبااااركم ولهت علييييييييكم كلكم

ماقريت الي طافني بس حبيت اسلم عليييكم

مدرسه طفشانه سلامتج ياقلبي ماتشوفين شر ان شاء الله

شيووووخه شلووووونج شخبااااارج عسااااج بخير وعافيه صججج ولهت عليييج وعلى تشجيييعج

ام عزوز شخباااااارج اختنا الحبيبه شمسويه واشلون عيالج عساهم طيبين؟

نانا ودمع الشوووق شلووونكم حبايبي وينكم شمسوين؟

انا ترا مبدعه من بعد ارمضان زدت كيلو ونص حسااافه والله على هالتعب بعدها عزمت اقوي ارادتي والتزم من يديد

والحين مغيره نظامي صايره الريوق اتريق عدددل وكل القيم الغذائيه موجوده فيه والغدا بس سلطة وايدام وتمر

والعشا روب وتفاحه كل يوم او سلطة بدون اضافات وبين الوجبات ماي وجاي اعشاب واذا حيييل يعت اكلت تمر والعصاري برتقاله

بس صج احس نفسي خفيفه ومعدتي اصغرت الحمدلله يارب يعني حتى البيت يطلبون ويخربطون ما التفت عليهم لاني ماشتهي خرابيط

صارلي 3 اسابيع على هالنظام وقايله بعد 4 اسابيع راح اشوف وزني علشان اتشجع عدل لانزلت وهذي كانت اخر اخباري

انتو طمنوني عنكم؟

 

[شيخه***البنات]

شفااااااااااااااااااااافه ..

@@ ..

من صج داشه ولا تتغشمررررررررررين ولهانه عليج و الله العظيم حتى انا

شنوووو هذا ليش ماتدشين على الاقل سلام سلام من بعييييييد هههههههه ..

بعد عمري والله عسى ربي يووووووفقج احسن شي تسوينه ريووووق عدل وغدا خفيف

وعشا اخف ..

لاتقاطعييييييين ياحلوووووو تجمعنا برمضااااان اينن و الله ..

 

[شـــفـــافـــه]

ههههههههههههههه شيوووخ ضحكتيني والله

شسوي يختج الجامعه ماكله نص وقتي اذا موكله مضغوطين هالكورس من كثر العطل الي حاشتنا عساها دووم لووووول

ان شاء الله بطل عليييكم بين فتره والثانيه واتطمن على اخباركم وصحتكم

ان شاء الله المفروض باجراشوف وزني بس المشكله بطني متفوخ بتييني الدورة باجر ان شاء الله

بس اخلص دورة اشوف وزني وابشركم يااااااارب انتي شيوووخ ماقلتي متنتي ضعفتي ثبتي وزنج شنو؟ لاتنخشين

 

[ام عزيزان3]

شفاااافه
شخبارج شالدنيا فيج؟؟؟والله صج ولهنا عليج قلنا اكيد شي كايد الي نسيتينا من زمان خبرنا فيج برمضان
ياحليلج وحلو سوالفج

شيوخه شخبارج؟؟شنو اخر انظمتج الي متبعتها؟؟
ومدرسه سعيده شلونج شمسويه؟؟

ادري التجمع صاير بايخ لان مومثل قبل البنات يدشون ويكتبون يومياتهم
بس علي الاقل كل فتره نطلللللللل:016:

 

[مدرسة طفشانة]

تو ما نورت الشاشة والله
هلا وغلا بالقروب الحلو
سامحوني انا شرهت عليكم وبروحي غطيت
الصراحة انا صار لي اسبوعين مسوية عملية المثانة
فيا دوب قادرة ادش المنتدى وانا قاعده على جنب
وان شاء الله لما اقوم بالسلامة راح ابتدي ريجيم ونبي التجمع هني
لأن هالأيام قاعده آكل عشان ترجع صحتي بعد العملية فلا يطوفكم التخبيص
يا ريت يرجع تجمعنا حماس نفس قبل ونضعف كلنا بصحة وعافية

 

[شـــفـــافـــه]

مدرسة طفشانه سلامتج حبيبتي ماتشوفين شر ان شاء الله شلووونج الحين؟؟؟

سامحينا عالقطااعه اهم شي بشرينا عن صحتج؟؟

شيوووخ وام عزوز شلووونكم شخبااااركم قلت اسلم علييييكم اذا موجودييين كل ما امر صوب الرجيمات اتذكركم فديتكم والله

 

[مدرسة طفشانة]

الله يسلمج حبيبتي شفافة
والله ما تدرين اشكثر استانست لما شفت الموضوع امس صار بالصفحة الأولى
بس علق المنتدى معاي وما قدرت ارد فدورت عليج اليوم لقيتج بالصفحة الثانية
هلا فيج حبوبة انا الحمد لله صرت احسن ورديت دخلت المستشفى مع بنتي من عطلة العيد الوطني للحين مو عارفين شنو فيها
ولا تشوفين الحوسة اللي انا فيها الله يشافيها ويشافي كل مريض يا رب
انا بتجمع يديد مع شيوخة واحلى عيون وباشن >>> ما خليت شي
انتي بشري عنج ما اشوفج بالتجمعات الثانية كلش وينج وين مختفية؟