يوميات ام شهوده .. رجيم الدكتور محمد ربيع .. للي تبي الضعف حياها

[om.shahoda]

بسم الله الرحمن الرحيم


السلام عليكم و رحمه الله و بركاته

شلونكم بطوطات


حبيت افيدكم و اكسب اجر و ياليت تدعولي يتحقق مرادي





* ارتاح بردودكم و انا كتبت تجربتي لشيئين :

١- افيد لكل وحدة تعاني مثلي .
٢- عشان احاسب نفسي اقول في لي متابعين ومو شرط تردون اهم شي تدعون لي يوفقني الله او بمشاركة دعاء تريحوني ان في متابعين .


تابعوني :eh_s(17):......

 

[om.shahoda]

محاولاتي في النحافة:



* دشيت نادي والتزمت اسبوعين و قللت اكل دايت انا مسويته و انشد جسمي صح بس ضعفت شوي

ولظروف البيت وبنتي ماقدر اوفق بينهم و ماكملت وكنت مشتركة شهرين

ورديت متنت

وقللت اكل صح بس ما استمر ماكو ارادة



واهلي يراجعون عند دكتور التغذية محمد ربيع

وبعد محاولات من الدايت قلت انا ليش ما اروح للدكتور


و رحت للدكتور









العمر ٢٢

الطول ١٦٢

الوزن ٩٤،٥

متزوجة و ام لطفلة

و المتن متجمع بالبطن و هذي المشكلة

 

[om.shahoda]

..







انتظروني بعد قليل احط شنو سويت بالمراجعة


والنظام الغذائي



.

 

[قيثارةالشوق]

الله يوفقك حبيبتي وتضعفين هالمره صج وارادتك تظل ماتروح

 

[om.shahoda]

النظام الغذائي




-------------------


الافطار:


2 شريحة تست + جبن او لبنه / خضروات
نسكافيه بالحليب او عصير



او 3 تمرات + نسكافية بالحليب


*****************

الغداء :


1- نصف دجاجه مشويه ( او الفحم لان بدون دهون)
+ طبق شوربة خضار / او سلطة


2- 2 عدد لحم همبورقر + روب بالخيار

3- عدد 2الى 4 شريحة فيلية سمك ( او علبة تونة )
+ سلطة


4-(3بيض مفيوح )
+ سلطة

(((((( ويكرر الغداء باليوم الخامس و السادس و السابع ))))))
ملاحظة !!!!!!!!!

مع الغداء نصف خبز لبناني خفيف او ربع خبز متين او شريحتين تست


****************



المغرب :


حبة فاكهة او عصير او 3 تمرات



**************


العشاء :

2شريحة تست مع لبنه او جبن + عصير + سلطة





-----------------







وخذيت حبوب نوعين لان لان ماعندي ارادة

 

[om.shahoda]

الحبوب تحرق الدهون و تقلل من شهيه الاكل



للامانه انا طلبت منه حبوب


ماكان بيعطيني

 

[مشتاقه للحب]

هلا وغلا اختي الغاليه

تسلمين خوش نظام

أنا ببلش معك في هذا النظام من اليوم بإذن الله

انت بديتي فيه

وكم قالك تنزلين عليه

والغدا اختياري ولا لإزم اطبق اليوم الاول واليوم الثاني وهكذا

والله يسهل عليك وتضعفين وانت بعافيه

 

[سنابل@]

ماشالله خوش رجيم
ودي اشارك معاج ممكن ؟

 

[om.shahoda]

مشتاقه للحب اهو قالي لازم اوصل ٦٥ المثالي بس قلتله ابي ٥٨


ابي اصير ضعيييفه حيل عشان لو حملت ما احاتي ووراي مناسبات مهمه و عشان الغالي بوشهوووده




///////


سناابل

حيااااج الله معاااي

رجيييمه يشبع

 

[سنابل@]

أنا اليوم بديت فيه والله يقوي ارادتنا ونضعف

 

[غارقة بأحزانها]

الله يوفقج

وجان زين تقولين لنا
شنو اسم الحبوب اللي خذيتيها
دام انها باشراف طبيب اكيد ماتضر
وتساعدنا

 

[غرور الريم]

الله يوفقج وتصيرين رشيقه
شنو حبوبج

 

[ليش يادنيا93]

حلوو رجيمج ووبدي فيه ان شاء الله
بس بغيت اسال شنو اسم الحبووب ؟؟

 

[الكيكه دندن]

موفقه يارب وان شاء الله تنزلين ونتي بصحه وعافيه .

 

[الماسة777]

اختي ام شهوده مشكوره علي مشاركتج بالرجيم الحلو هاذا
بس حبينا نعرف شنو حبوب التخسيس اللي عطاج اياهم الدكتور

 

[فيلجاويه كيوت]

بالتوفيق .شنو الحبوب ومن الدكتور ؟

 

[exanon]

بالتوفيق حبوبة