يوميات تجمع قروب مرضى الذيبة الحمراء (مدموج )

[مبروووكه2]

رد: مرض الذئبة الحمراء

اشلونكم خواتى
صج صج كلامج عدل احسن دكتور لهذا المرض فعلا دكتور اوبال وعسى الله يوفقه وين ما كان
بفضل الله ثم هالدكتور اهوه اللى كتبلى ابره اخذها كل اسبوعين وسعرها واااااايد واااااايد غالى تقريبا ب700 دينار العلبه فيها 2
طبعا الحكومه تصرفها لى الله يعز حكومتنا يااااااارب وفعلا ماشاء الله وايد وايد ممتازه وكل دكاتره مستشفى مبارك يعرفونها بس مايبون
يصرفونها لغلاتها ....
اسمها ( هوميرا ) +حبوب methotrexat,
والله والله والله راح تدعولى ولاتنسون بتنى بالدعاء عسى الله يشافيها من مرض الوهن العضلى
وعسى الله يشافيكم ويشافى امه محمد يااااااااااااااااااااااااااااااااااااااااااااااااااااااااااارب

 

[مبروووكه2]

قالي دكتور الروماتيزم اللي اكتشف حالتي وقال اجروا عليها تجارب بلندن او امريكا وناجحة لحد العام ما ادري الحين لو شفته راح اساله ان شاء الله

اختى العزيزه الذئبه الحمراء اعراضها الام شديده بالمفاصل وخاصه كف اليدين وتزداد الام وقت النوم وتتنقل الام
فى انحاء الجسم ... اختى انا اعانى من هذا المرض وشخصنى الدكتور بانه الذئبه الحمراء بمعنى الروماتويد والحمدلله
ربى وفقنى ووجدت العلاج وياريت تدخلين على صفحه 13 وصفت لج العلاج وراح تدعيلى.... الله يشفى الجميع يااااارب

 

[KWDSL]

السلام عليكم

هذا الملف فيه فائده كبيرة اسأل الله ان ينفع فيها المسلمين والمسلمات

http://up.hawaaworld.com/up/sites/up.hawaaworld.com/files/links/c077c0cd415753c0f5f3aa9397d739e3.pdf
او او انك تدخلين على الرابط الثاني للملف


https://docs.google.com/fileview?id...jItM2U5ZS00MTY0LTgzOTgtMTJhOWM2ODczMDMw&hl=en

لا تنسونا من صالح دعائكم

ملاحظة : لرؤية الملف قد تحتاجين الى ادوبي ريدر adobe reader

 

[راس غليص]

السلام على الجميع اخت مبروكة وين العلاج اللي توصلتيله وهل فعلا الذيبة اهي الروماتويد انا ما عندي خبر ان للذيبة مسمى اخر بليز اذا عندج علاج فعال كتبي عنه والله يشاقيج اويشافي بنتج ويشافيني وجميع المرضى باذن الله

 

[khadooj]

رد: مرض الذئبة الحمراء

شكرا لفيونكا وشندوخة الرد اما بالنسبة للمرض ما كان معاي من الصغر ياني على كبر وفجاة بدون مقدمات ناس تقول عين وناس تقول سحر والعلم عند الله لكن من صغري وانا فيني فقر دم والمرض نوع من انوع الروماتيزم واحد الدكاترة فال انه نوع من انواع السرطانات والمرض هو ان خلايا الجسم تهاجم الجسم من الداخل نتيجة جسم غريب دخل الجسم للدفاع عن اعضاءه وحتى بعد ان ينهي على الجسم الغريب اوفيروس او اي شىء يسيء للجسم فانه يستمر بالمهاجمة داخليا ولذلك يسمى مرض زيادة بمناعة الجسم فيبدا الخلايا تهجم على اي مكان ممكن ان تهجم اي جزء القلب الكلة العين الجلد الراس المخ الرئتين00000 ولذلك حسب الحالة انا بدا بالجلد ثم العين وتورم المفاصل والام العظام والركب واخيرا الكلة والحمد لله الان الحالة عندي شبه مستقرة مع الادوية والمراجعات الدورية واستقرت حالتي النفسية ايضا وممكن تعرفي اكثر من جوجل تكتبي مرض الذئبة الحمراء وايضا الانسان ضروري يتطمن من خلال تحاليل دورية خاصة تحليل الدم الشامل والبروتين في البول والمتممات c3 -c4 -sps -esr بالاضافة الي وظائف الكلة0000 ارجو ان هذه المعلومات تفيدج وغيرج واتمنى الشفاء للجميع والمواصلة مع الجميع

بنااااات بليز منو ماخذة فيكم دوا اسمه سايكوسلوفومااايد ؟؟؟؟؟؟؟ عطونى اياه عن طريق الوريد بلندن بس مادرى تفخ جسمي كله وويهي حبب وما ااقدر اتنفس عدل ياريت لو في وحدة خذته تفيدني بلييييز كل شي انتفخ فيني وانا حدي خااايفة من هالشي .. ارجو المساعدة

 

[كاتمة الجروح]

رد: مرض الذئبة الحمراء

بنااااات بليز منو ماخذة فيكم دوا اسمه سايكوسلوفومااايد ؟؟؟؟؟؟؟ عطونى اياه عن طريق الوريد بلندن بس مادرى تفخ جسمي كله وويهي حبب وما ااقدر اتنفس عدل ياريت لو في وحدة خذته تفيدني بلييييز كل شي انتفخ فيني وانا حدي خااايفة من هالشي .. ارجو المساعدة

هلا حبيبتي انا كنت اخذ دوا اسمه سايكلوسبورين مادري اذا هو نفسه لان احيان يكون الدوا له اكثر من اسم لكن كان الدوا كبسولات وهالدوا طلع لي شعر بوجهي وريحته شينه كنت انغث منه لكن الحمدلله من اربع سنوات وقفته

الله يشفيك حبيبتي

 

[راس غليص]

انا اخذته بالاميري لكن ما سوى اللي تقولين عنه لكن طيح لي شعري ووقف الدورة فترة هذا اللي قالوا عنه الدكاترة ويمكن من الوسواس والتفكير بسلبياته صارت معاي لكن شفت حالات ماصارت معاها لا مثلج ولا مثلي والدواء اذا تقصديني الكيماوي المخفف

 

[مبروووكه2]

السلام على الجميع اخت مبروكة وين العلاج اللي توصلتيله وهل فعلا الذيبة اهي الروماتويد انا ما عندي خبر ان للذيبة مسمى اخر بليز اذا عندج علاج فعال كتبي عنه والله يشاقيج اويشافي بنتج ويشافيني وجميع المرضى باذن الله

السلام عليكم ..
اختى العزيزه راس اغليص انا فينى هالمرض من سنتين وعالجت عند دكتور هندى بمستشفى مبارك حسب معلوماتى انه تقاعد
الله يعافيه كتبلى ابره اسمها (هوميرا +methotrexat ) والحمدلله والشكر ممتازين
وعطانى كورتوزون بس ماخذيته لغيته .وطبعا مازلت اخذ الابره ماقطتها لان المرض مزمن
وهذا الدواء حق الروماتويد اللى متركز بالام المفاصل
والله الشافى باذنه انشالله تتوفقين بهذا الدواءوتشفين يااااااااارب

 

[اطباق ماي ورد]

ان شاء الله تطلع تحاليلج سليمة وما تشوفين شر يا الغالية

حبيبتى ما قصرتى وربى يشافى الجميع ان شاءالله

انا لى الحين ما رحت اسوى التحاليل تدرين لوية العيد وقبله بعد ان شاءالله اروح بعد العيد والله كريم

 

[khadooj]

انا اخذته بالاميري لكن ما سوى اللي تقولين عنه لكن طيح لي شعري ووقف الدورة فترة هذا اللي قالوا عنه الدكاترة ويمكن من الوسواس والتفكير بسلبياته صارت معاي لكن شفت حالات ماصارت معاها لا مثلج ولا مثلي والدواء اذا تقصديني الكيماوي المخفف

انا الحين بلندن وقاعدة اعالج والدكتور قالى انه لازم كيماوي <<< اخذه على 3 دفعات يعنى كل اسبوعين مرةواهوو مو حبووب اهو مثل الدرب اللى ينحط بالوريد وجذي وبس وانا الحين ماخذته مرة وحدة و واحس انه جسمي عوار وكله لايعة جبدي وجسمي وويهي كله متفوخ وغير الحبووب اللى على بشرتي وصدري ورقبتي يعني كل هذا بسبة الكيماوي
حتى سالت اذا يطيح الشعر وجذي قالوا لا بس يمكن الشعر يصير نوعه خفيف بس او حتى اذا طاح شوي يطيح بس مادري عنهم ..
ياريت لو اى وحدة فيكم عندها معلومات عن الدوا ** cyclophosphamideاهوو cemotheropy

تقوولي عنه بليــــــــــــــــز ..
انا ميته خووف مادري اكمل واستمر عليه ولا اووقف ولا شنو اسوي بالصبط ؟؟؟

انا صارلي سنة و3 شهور من عرفت انى مريضة وقاعدة اعالج عند دكتور عادل العوضي واااايد ممتاااز بس تونى ياية لندن اشووف شنو يقولون لي واكمل هنى وانشاءالله انشاءالله اكون ياية المكان الصح ..

 

[khadooj]

رد: مرض الذئبة الحمراء

هلا حبيبتي انا كنت اخذ دوا اسمه سايكلوسبورين مادري اذا هو نفسه لان احيان يكون الدوا له اكثر من اسم لكن كان الدوا كبسولات وهالدوا طلع لي شعر بوجهي وريحته شينه كنت انغث منه لكن الحمدلله من اربع سنوات وقفته

الله يشفيك حبيبتي

انا كنت اخذ عند دكتور ابر كل شهر تقريبا لانى كنت اتعب
صج انها تريح واحس انى عادى بس اثااره مشكلة انه تتفخ الويههه والجسم وغير البشررة تحبب والشعر يطلع بويهي @@ قهررر وانا حييل اقعد اشيييل لووووووووووووووول بس شنسوي بعد
حبيبتي الله يشفي الجميع انشاءالله

 

[كاتمة الجروح]

رد: مرض الذئبة الحمراء

انا كنت اخذ عند دكتور ابر كل شهر تقريبا لانى كنت اتعب
صج انها تريح واحس انى عادى بس اثااره مشكلة انه تتفخ الويههه والجسم وغير البشررة تحبب والشعر يطلع بويهي @@ قهررر وانا حييل اقعد اشيييل لووووووووووووووول بس شنسوي بعد
حبيبتي الله يشفي الجميع انشاءالله

الله يعين والله انا من وقفته اشيل وجهي بالليزر كل شهرين او ثلاثة والحمدلله خف الشعر الحين

انا قالو لي اخذ كيماوي بس رفضت لان اضرارة كثير والحمدلله الحين حالتي مستقرة وتحسنت كثير

وانتي استخيري اذا تكملي كيماوي او لا والله يسر لك الخير يارب

 

[whitish]

الله يشافيكم خواتي انا اختي اكتشفت انه عندها توه وحالتها حالة الله يعين الجميع
اللهم يا مشافي شافي عبادك المسلمين

 

[كاتمة الجروح]

الله يشافي اختك ويخفف عليها

جزاك الله خير حبيبتي

 

[راس غليص]

السلام عليكم واضحى مبارك على الجميع اما بالنسبة للابر اعتقد اللي قاعدة تاخذه شهريا اهي كورتيزون عطاني احمد الرشيد ببو شهري كلنك وكنت ارتاح لكن بعد اسبوع او اكثر ترجع العوارض اما الابر اللي بالوريد تكلمت عنها وقلت انها كيماوي مخفف وتنفخ وتطيح الشعر وتوقف الدورة فترة اخذها وبلندن عندج دكتور هيوز رئيس وحدة الذيبة الحمراء بمستشفى لندن بردج عند جسر لندن هذا ممتاز اكثر من العوضي فاستغلي وجودج بلندن وطلبي من المكتب الصحي ذلك واذا عنج عوارض ثانية مثل العيون او اختلال بالدورة طبيب عيون ونساء وكلة وجلدية وسوي كل التحاليل عندهم اللي تطمنج والله معج ومعانا ويشافيج وكل مرضى المسلمين ويشافينا ونصيحة حاولي تسوين كل شيء طبيا من تحاليل وادوية ولا توسوسين وانسي المرض والا سيتفاقم معاج عن تجربة

 

[نسمه بارده]

اللهم اشفينا وعافينا واجرنا علي مابتليتنا يارب العالمين

 

[روح التوحيد]

السلام عليكم انا ضيفه جديده متابعه من زمان بس ماشاركت انا فينى هل مرض من عشر سنين ومريت مثلكم بجميع المراحل بس من شهر هجمت على االاعصاب والمخ تعبت وايد

 

[Miss Cherry]

يا حياتي الله يشافيكم كلكم

والله عانينا حيل مع هالمرض انا مو مصابه فيه بس حاسه بمعاناتكم وقريبه حيل منها

معاناة اكثر من 14 سنة بمستشفيات الكويت يالله ترحمنا برحمتك ولا تحرمنا من اجرها ..

انا عندي مشاركة قديمة هني بس مادري وينها ..

صج كان احسن دكتور اوبال الله يعطيه العافية وين ما لقى وجهه .. الحين دكاترة مبارك ينعافون اخ بس يالله لا تحط حاجتنا عند احد

 

[الحلوه مستكه]

لاحول ولا قوة ألا بالله

الله يشفيك ويعافى بدنك

أنا بعد بنت أخوى فيها الذئبه الحمراء
ومحتارين شنو نسوى لها


ياليت تفيدونى بأى معلومات


وأكون شاكره لكم


الله يشفيكم ويشفى جميع المسلمين والمسلمات

اللهم أمين

 

[روح التوحيد]

بنات ارجوكم خلى نتواصل مع بعض ا