يوميات حياة ريلي و The.Cancerian مع الدكتور بدر النصرالله

[حياة ريلي]

اليوم معانااااااة !!!
تريقت تمر و مكسرات
تغديت عند الاهل نص صدر دجاجة مع شوربة عدس ... غصب قضبت عمري :....( ذيك المحاشي و البرياني و البلاليط و المرقة و السلطااااات ااااااااااااااااه مت من اليوع لكن قلت لا و الف لاااااا !! و لعدين نجي الحلويات انواع و اشكال :..............( و انا اكل جريب فروت :......................................................(
و لكني فخوووووورة بنفسي هي هي هي
بعد شوي تمر و قهوة و بالليل الله كريم .. و انتوا ؟؟

 

[دنيا من الوله]

رفع

باجر عندي موعد معاه

شلونه بنات وشلون نقسيته صج عصبي ونفسه خايسه ؟؟

وجم ياخذ ياول مراجعه وفتح ملف

 

[The.Cancerian]

ذا كانسيريان ما شاء الله انا كنت العب طائرة بالبحري كم سنة و بعدين دخلت منتخب تجديف بس حلوا فريق البنات
كم طولج ؟
ام عزيزان حياج الله معانا كل ما زاد العدد زادت البركة
بالنسبة لسؤالج جاوبتك ذا كنسيريان اكلي ريوق و نطري ساعة و نص ساعتين و تغدي و بالنسبة للسناكات العادة اذا قاعدة مبجر الصبح و ما اكلتيهم عادي تاكلينهم مع سناكات العصر و المغرب بس حق اللي يقوم متاخر و ما يحوس وايد و يسهر بالليل ما يصير لان بالليل الجسم يخزن بالذات التمر لان كله سكريات و المكسرات لانها دسمة
عموما لا تتحسفين لان بيني و بينج ما ياثرون وايد هم بنموت جووووع

هلا حبوبة
ما شاء الله طلعنا رياضيين :friends:

شلون الرجيم معاج؟
انا ميزان بيتنا مخرف من شهر واهو يعطيني نفس الوزن ولو انه مستحيل يعني فانا ماشية على اللبس والشكل :eh_s(3):​

 

[The.Cancerian]

رفع

باجر عندي موعد معاه

شلونه بنات وشلون نقسيته صج عصبي ونفسه خايسه ؟؟

وجم ياخذ ياول مراجعه وفتح ملف

لا بالعكس حبوب وقشمرجي ، يزفج اذا خربطتي اي بس نفسيته حلوة
اذا ما خاب ظني 12.500 ​

 

[حياة ريلي]

دنيا : حياج الله معانا و قوليلنا شنو عطاج ؟
انا اليوم جدول جديد و اسبوع جديد الاسبوع اللي فات نزلت كيلو و نص طبعا يومين و انا اخربط بس مو وايد
ذا كانسيريان اي اسبوع وصلتي يالغالية ؟
يختي اشتريلج ميزان جديد على فكرة صارت رسومه 15 بالاسبوع
الحين انزل لكم النظام العذاب الجديد

 

[حياة ريلي]

الافطار كل يوم : 1 توست + جبن + ....
الضحى : 3 تمر
العصر : حبة فاكهة
اليوم الاول :
غداء : سمك + سلطة
العشاء : شوربة خضار
اليوم الثاني :
غداء : ربع دجاجة + سلطة
العشاء : سلطة
اليوم الثالث :
غداء : سلطة + روب
عشاء : خضار
اليوم الرابع :
غداء : 5 ملاعق عيش + مشوي ( او ساندويش و سلطة )
عشاء : سلطة يونانية ( اللي فيها جبن و زيتون )
اليوم الخامس :
غداء : مشوي خالي
عشاء : خضار او سلطة
اليوم السادس :
غداء : سلطة + حبة فاكهة
العشاء : 2 حبة فاكهة
اليوم السابع يوم المراجعة)
غداء : فري
العشاء : سلطة
عذاب صح ؟

 

[دنيا من الوله]

واااااااااااي صج صج عذاب الله يعينج

من صجه هذا @@

جان قلتيله يزيدلج بالاكل شوي >>>>>>انا اكره شي اسمه سلطه

انا رحتله عطاني الديتوكس وبشوف شبيصير معاي لاني توني من 4 اشهر والده ومو ملرضعه فقالي راح يأخر هرمون
الحليب نزولج

بس هالديتوكس عذااااااااب اللهم يا كافي

 

[حياة ريلي]

صح الديتوكس وايد صعب رغم ان فيه وجبات وايد بس طول اليوم تحسين انج يوعانة لان يحرق الدهون حررررق
انا الاسبوع اللي طاف يمكن بس يومين التزمت بدون تخربط باقي الاسبوع الا ما اخوره بالليل و نزلت مع ذلك كيلو و نص مرة سويته و التزمت جان انزل 4 !!
توكلي على الله و حاولي تلتزمين و حتى لو خرتيه شوي ردي عليه لا تتحبطين و تنبطين بالاكل , لان سبحان الله رجيمات بدر لو تخربطين ما تمتنين و هم تنزلين
الله يوفقج يا رب دشي و كتبي يومياتج هني و شجعينا و نشجعج يا عسولة
ذا كانسيريان وييييينج لا يكون خايرتها يا ويلج يا سوااااااااد ليلج لو لاعبة بالدنيا ترى ادقج على قولة ريلي !! ( يعني اطقج بس البدليات !!)

 

[The.Cancerian]

هلا هلا حياة ريلي
لا كاني موجودة افا عليج ، انا الحين بالاسبوع الخامس

نفس ما قتلج ساعات انوع بين رجيماته القديمة لي ورجيماتج انتي يعني علشان الجسم لا يتعود على شي
وشكلي جذي بشتري ميزان يديد لانه قاعد يحبطني ميزان بيتنا :rgewrg:

اذا ما فيها احراج
كم وزنج الحين وشكثر تبين تنزلين؟

​

 

[دنيا من الوله]

انشالله انا معاكم للاخير

ذا كانسريان <<<< تقصديني بالسؤال ؟

اذا تقصديني انا وزني 64 بس عنده يطلع 66 مادري ليش مع اني وزنت باكثر من ميزان كله 64

المهم هالكيلوين مو مشكله

انا بنزل 8 ابي وزني يصير 56 ابي ارد ايام شهر العسل

انا بيبي واحد وجذي صار فيني البطن حشاكم حمار وحشي من التشققات غير الترهل اللي ذابحني قطيعه

الوحده حسره عليها تلبس شورت عند زوجها

وغير الرجيم انا قاعده اسوي مساج للشد والتخسيس والله كريم

عاد انا جسمي نوعه صععععععععععععععععععععب ينزل لو شنو او اموت يعني اذا ذبحت عمري نص يلو بالاسبوع

بجرب هالدكتور واشوف طريقته معاي تنفع ولا لا

 

[دنيا من الوله]

ها بنات وينكم

 

[حياة ريلي]

دنيا من الوله .. موجودة يالغالية
التشققات في لها ليزر عند عيادات الجلدية انا الصراحة ما جربته لكن يسوى السؤال
ذا كانسيريان اذا كنتي تقصديني انا كنت 75 و نص الى 76 و الحين لله الحمد 72 ابي اصير بين 60 و 65 لاني طويلة وايد ما ينفع اش الخمسينات ابدا

 

[حياة ريلي]

انا اليوم ببدي لاني كنت صايمة يومين فكنت اتفطر اكل البيت العادي
و اليوم تريقت توستة و جبنة
و الغداء ان شاء الله سمك و سلطة

 

[حياة ريلي]

على طاري الميزان انا بعد بالبيت شي و عنده شي بالبيت 74 عنده 72 بس يقولون الميزان بو حديدة هو اصح شي

 

[دنيا من الوله]

بنات شفيكم هو نبي نتشجع يلا دخلو خنساعد بعض

ولا شكلكم مخربطييييييييييييييييييييييييييين يالله اعترفو

 

[حياة ريلي]

انا و الله لااااعبة بايدي و ريلي
مو مكثرة وايد يعني بس اكل لما ازور الناس قاعدة اكل عيش و بالليل ساعات اسوي لي توست و جبن
انا ما اضغط على روحي اذا مو قادرة اكل شوي و واشد بعدين لما يزفني الدكتور .
انتي يالحلوة شلون الرجيم معاج ؟
انا اليوم ريوقي كالمعتاد توستة و جبنة و شاي
غداي عند بيت خالتي يعني مالج امل التزم بالرجيم

 

[دنيا من الوله]

انا ليلحيني بالديتوكس هذا اليوم السادس وباجر موعدي معاه الله يستر

عاد والله ماخربطت وقاعده اسوي مسااج بس انا وزني نزوله صعب

نازله بس كيلو واحد

بس والله يا بنات انا اللي تسويلي مساج تعطينيي شاي بايوجي صج صج ما اشتهي اكل والله جنه سحر

 

[حياة ريلي]

اللي تسوي لج مساج وين بالبيت و لا بصالون و شنو اسعارها و جنسيتها ؟ و اذا بالبيت كم رقمها ؟ عاااشت و الله اللي ملتزمة
انا قاعدة افكر ما اروح له عقب باجر لاني قاعدة اصوم لذلك افكر اصوم و اروح له الاسبوع اللي بعده اشرايج ؟

 

[دنيا من الوله]

هلا حياة ريلي لا والله بمركز صحي

والله احسلج روحيله بعد ماتخلصين صيام عشان تلتزمين عدل

انا بعد مارحتله اليوم

مادري امشي على اي نظام ؟ خلصت الديتوكس ومابي اخربط لمن اروحله

 

[حياة ريلي]

سوي الاسبوع الثاني اللي مثل الديتوكس بس مع توسته .. الثالث لا تسوينه لاني كنت مريضة و عطاني اياه عشان يزيد دمي و ما يضعف .. راح تلاقينهم بالصفحة الثانية او الثالثة .
اليوم مراجعتي عنده الظهر اجيب النظام الجديد و احطة بس بقول له يحط لي نظام حق الصوم لاني بصوم بعد اسبوع
الله يستر انا متاكدة اني زايدة شوي اذا كيلو راضية بس اذا اكثر لاااااااااااااااااااااااااااا :.........(