يوميات حياة ريلي و The.Cancerian مع الدكتور بدر النصرالله

[حياة ريلي]

دعواتكم يوم الميزان يكرم المرء او يهان @@
ذا كانسيريان ويييينج ؟
دنيا من الوله كم صار وزنك بعد الديتوكس ؟

 

[حياة ريلي]

هاي يا بنات .. كاااارثة زايدة كيلوين عن الاسبوع اللي طاف !! طبعا مناحة و بجي كسرت خاطره و قالي خلاص عادي وايد ناس ترد كم كيلو بس انا صج تضايقت من نفسي ..
المهم عطاني نظام اينن حق الصيام
الافطار :
3 تمرات + شوربة
بعد نصف ساعة :
مشوي + سلطة
فاكهة
مكسرات
فاكهة
توسته + جبن + خضرة + حليب او روب

 

[حياة ريلي]

الوووووووووووووووو
وييييييييييييينكم ؟؟
انا امس التزمت 100%

 

[حياة ريلي]

اليوم طبعا صايمة
فطوري عبار عن ستيك و ملوخية لبنانية و سلطة و عصير ليموووووون مثللللللللللللللللج مع سبلندا

 

[دنيا من الوله]

هلا حياة ريلي

يبا شفيج لا تضايقين على كيلوين بسرعه يطيحون والله

حمدي ربج مازفج زين انج بجيتي وخرتي الزفه عنج

عاد التزمي عدل وخلي عنج التخربط عالاقل عشان هالفلوس اللي تقطينها رايحه راده للدكتور

انا خلاص وصلت حدي ابي كاكااااااااااااااااااااااااااااو بس ماسكه نقسي

ومع المساج احس نفسي شوي جسمي تعدل

انا لو كروشة الولاده تروح انا بخير بس ما لي امل ):

الا عالطاري حياة ريلي بسألج يصير عصير ليمون ؟؟

وانا اشوفكم تقولون شوربة عدس ترا انا قالي ما يصير

 

[حياة ريلي]

في بنات يشربون عدس و انا مرة قالي عادي بس انا ما اقدر لان عندي تكسر بالدم مال البقول انا العادة يا شوربة خضار او ملوخية او شوربة ربيان هذا اللي اكلة
بالنسبة لعصير الليمون انا قلت له اني ما احب الماي وايد يعني حدي قلاصين او ثلاث باليوم و ساعات اشتهي مشروبات و ماحب الدايت و هالخرابيط قالي سويلج دولكة عصير ليمون مع نعناع او خالي و حطي سبلندا كثر ما تبين و شربي على كيفج

 

[دنيا من الوله]

والله زين اذا في عصير ليمون عالاقل شي نبلع فيه حزة الاكل انا ما اقدر اكل لاكل ناشف

شوربة الخضار شلون تسوونها احس مو شي بدون ماجي وحركات

 

[حياة ريلي]

شوفي حبيبتي انا اقصص جزر و كوسة و فاصوليا و سيلاري و كل الخضرة ما عدا البطاط و البقول و احطهم و احط عليهم ماي و فلفل اسود و ملح و اقص بصلة نصين و احطها و طماطة عودة و اخليهم يطبخون بعدين تقدرين تضربينهم بالخلاط او تخلينها على عدالها تطلع لذيييييييييذة بس من قال ما يصير ماجي انا احط عادي مكعب واحد مع الملوخية او حتى الخضار لان ترى بس فيه 15 كالوري يعني ولا شي .. تعالي اشسالفة ذا كانسيريان اختفت ؟؟؟

 

[حياة ريلي]

يومياتي امس :
الافطار : تمر و ملوخية و نص صدر دجاجاة مشوي عالفحم و سلطة خضرة .
رحت السينما و اخذت معاي 5 حبات مكاديميا و تفاحة خضرة و شريت لي دايت و قزرت حالي
قبل السحور : 3 شرائح اناناس
السحور : توستة و جبنة و خيبار و خس و ريحان و طماطم و قلاص شاي حليب يم يم
حشيت التوستة لما صارت بتنبط من الخضرة من الجوع
شلون يومج امس و اليوم يا دنيا الوله ؟؟

 

[حياة ريلي]

مخططاتي لليوم :
الفطور دجاج مشوي و شوربة خضار و سلطة و تمر و دولكة عصير ليمون مثلللللج يم يم
و السناكات كالعادة حبة فاكهة و بعدين مكسرات و بعدين فاكهة مرة ثانية
و السحور نفس امس
طبعا وزني قاعد ينزل مرة ثانية الحمد لله بس ما اقول قبل يوم الاثنين مفاجاة

 

[حياة ريلي]

جوعاااااااااااااااانة

 

[دنيا من الوله]

يالله كفو عليج شطوره استمري

كلها جم يوم وبتفتكين

والله انا يا حياة ريلي الاكل ولا يطري على بالييي كلش

مع اني مدمنة كاكاو وبطاط وهالخرابيط وبالفتره الاخيره صرت مدمنة مطعم فيلا فيروز <<<<<<<ههههههههه

تدرين ليش؟؟
انا مو اروح معهد للمساج بعطوني شاي اشربه الصبح يسد النفسسسسسسسسسسسسسسسسسسسسسسسسسسسسسسسسس

والله اني انسى اكل شرايج ؟؟؟ دنيا الوله تنسى تاكل <<<<<<<<< تنكتب بموسوعة غينيس

عاد انا قتلها ا شوفي ترا انا وسواسيه مابي شي مخضر قالت مدام احنا صارلنا عشر سنين نشتغل وكلنا دكاتره مستحيل اعطيج شي

مضر بس قالتلي شربي نص الجيس مو كله لانج مو وايد متينه
وبس يوم السبت بروح للدكتور اشوف

 

[دنيا من الوله]

صج عاد بقولج خالتي ردت من السفر جان اطلبلها حلو مولتن كيك واااااااي شكلها عذااااااااااااااااااااااااااااااب


والله بقيت ابجي من حلاتها

بس هم ما كليت <<<<<<<<<<<< شرايج فيني ؟

الحين بحطلج صورتها عشان تعرفين ان عندي الراده

 

[دنيا من الوله]

 

[دنيا من الوله]

بذمتج اللي تقاوم هذا مو بطله

 

[دنيا من الوله]

وتدرين عاد انا ما حب الكاكاو كلش ملش :eh_s(16):

بس يالله كل شي يهوم لما اسمع ريلي يقولي جسمج حلوو:sfg:

 

[دنيا من الوله]

واااي عالبدليات

يهوم = يهون

 

[حياة ريلي]

عاااااشت عااااااشت .. يالظالمة اقولج يوعانة وصايمة تحطين لي صور كييييييييييييييييييك ؟؟
بس و الله بطلة
انتي تراجعين عنده كل سبت ؟ عاد كتبي لنا نظامج خل نقارن
و الله ودي السبت بس تعودت عالاثنين يوم طلعتي مع ريلي و يوم الفري عرفتي ؟
و الله صاجة مافي شي احلى من ان ريلج يتغزل بجسمج حزتها تعوفين الاكل و يقوى قلبج
باجر الغدا في بيت خالتي بس اشوه انا صايمة بتحجج
بس المصيبة السبت زوارة خالاتي و مافي شي مال رجيم ماكو الا اكل الايدام و السلطة و اخذ حبة زنيكال عشان الدهن !!

 

[دنيا من الوله]

انا كنت اراجع الاحد بس حطيته السبت وبقوله يخليلي العشا يوم اليمعه فري صراحه الاهل يبدعون بالطباخ وانا قاعده بروحي اكل تمر شنو هذا
والله ملينا متى نضعف ونفتك

والمشكله انا وزني ما يعررف شي اسمه ثباااااااات

 

[حياة ريلي]

حبيبتي دنيا الوله علميا مافي شي اسمه ثبات الوزن .. ثبات الوزن يصير لما نحافظ على اجسامنا ان اللي ناكله نصرفه.. و اذا اكلنا اكثر من ما نصرف نمتن .. و اذا اكلنا اقل من ما نصرف نضعف
يعني لما تسوين رجيم و تضعفين و بعدين تردين تسمنين المشكلة مو في جسمج المشكلة في عاداتج الغذائية او قل نشاطج الحركي ..
دكتور بدر لما توصلين للوزن المثالي يعطيج تقريبا شهر تثبيت عشان يعودج شنو تاكلين و شنو ما تاكلين و الكميات لما يصير اكلج عادي عيش و مطاعم و كاكاو بس باعتدال ..