مآخبرؤك
New member
- إنضم
- 1 أكتوبر 2008
- المشاركات
- 1,071
- مستوى التفاعل
- 0
- النقاط
- 0
السلام عليكم ورحمة الله وبركاته
شلونكم جميعاً
عسااكم تزقحون ؟
ادري ازعجتكم بسوالفي اللي متخلص بس شسوي افضفض لكم ومنها تستفيدون من تجاربي
<<~ اللي يسمع تجاربي يقول آنا اللي مكتشفه قانون الجاذبيه الارضيه
الموهيييم
قدر الله علي ذيك السنه وسافرت عند خوالي بالسعوديه <<~ حطي خطيين تحت ذيك السنه يعني بالصيف
وجلست عندهم شـهـر
وطبعاً بالشهر اتغدي واتعشي مفطح ورز بخاري لدرجة اني حتى الصبح قمت اتريق هرفي <<~ قويه ههههه
تعريف الهرفي : خروف في مقتبل العمر يعني عمره بالاشهر
عاد تخبرون اهل السعوديه حزت العصر يحطون لج هالفصفص والبسكوت والحلو اللي سوات يدينهم شغل عدل مدل
طبعاً ما يحتاج اقولكم يوم عن يوم الملابس قامت تضيق علي
وقمت البس خيشة تخيلوا ؟ < عاد ماهيب لهالدرجة ولا كناكو اريتوا حاقة
وردينا من سفرتنا طبعاً فديتوني جت تسلم علي وتحمد لي بالسلامه <<~ طبعا مو لله ولا حبا فيني تبي الصوغه
يوم شافتني ولا تنصدم قالت علامج ليه جذي اخبرج XXL الحين صرتي XXXXL
قلت : تخبرين عزايم وقهاوي الضحى والعصر
واخذاتنا السوالف ويوم جت تطلع فدفد كان تقولي تجهزي باجر الصبح بمرج <<~ ما ارتحت لنظرتها
قلت : على وين قالت مفاجئه << قلت بقلبي يافديتها وربي فدفد عازمتني على الريوق
وأنا أنام ذاك اليوم بدون غداء ولا عشى اخبر عزايم فدفد راهيه قلت علشان أدب بالخمس الصبح
واقوم ذاك اليوم مبكر والبس واكشخ وهي اللي تمرني فدفد بسيارتها
ونطلع قلت لها على وين قال لما نوصل بتعرفين وطلعنا برى منطقتنا وأبعدنا <<<~ وبدأ ابليس يلعب براسي
وآنا الشوف المطاعم تعدي من جنبا وهي ماشيه
ووصلنا تقريبا على مشارف الديره وآنا أشوف الأبراج قلت بقلبي يافديتها اكيد عازمتني فيها <<< تحلمين
كان تلف يسااار قلت : على وين ؟؟
قالت : لما نوصل بتعرفين ....
الموووهييييم
ونوصل عند عماره بشرق وإلا اشوف شركة الرفاعي
<<< جان اطنقر قلت بقلبي الحين مقومتني من نومي وطاقين درب
علشان تشتريلي مكسرات ليه شافتني طول الليل بطلي بيدي وأدردع :eh_s(16):
ونصفط وننزل ودخلنا المجمع وآنا اللي اكمل سيده
قالت : وين رايحه ؟؟؟
قلت : مو للرفاعي !!!
قالت : لا ياقلبي بنصعد الدور ( .... )
قلت بقلبي يا لبى عمرها فدفد بتسجلني بمعهد اللغه انجليزيه اخبرها قايلتلي عن الدورات اللي فيه << تخبرني فاشله بالانجليزي
ونصعد بالاصنصير لدور ( .... ) وآنا اطلع قبلها وأنا اللي اشوف اللوحه بالانجليزي مكتوب عليها معهد اللغة الانجليزيه << يالبى قلبها
كان امشي وألف يمين كان تمسكني من علباي <<< طال علباي من كثر ما تمسكني منوه :eh_s(16):
قالت : وين على الله ؟؟
قلت : بدش معهد اللغة الانجليزيه !
قالت: محد قالج روحي يمين المفاجئه وراي يسار << هع هع هع هع ضحكة خبيييثه
طبعاً ما أشوف اللوحه من بف فدفد كنها شجرة العايله كان اطب رواسي بـ فها
وآنا اللي أوخر أفرع البف و أجدف يمين شمال وأسبح فراشه ولقيت غصن مايل كان اعدله <<<<< يمه يمه من عياااارتج
وأخيراً بينت لي اللوحه وإلا مكتوب [ للرشااقة ] الدكتور ( ................ ) <<< علشان ما تقولون اني اسوي دعايه لوه <<~ ماقصرتي بالوصف هههههههه
جان انصدم وآنا اللي اركض على الاصنصير ابي انزل
ماوعيت اللي فدفد ساحبتني تعالي <<< بضحكه خبيييثه
وآنا اللي اصيح اتركيني بروح بيتنا :eh_s(16):
اقولج تعااااااااالي << معصبه
وآنا افتح الجنطه ابي ادق على احد ينقذني :eh_s(16):
وهي اللي تخمط مني التلفون
وآنا اللي اتوسل لها تكفين فدفد خل نرد البيت :eh_s(16):
وهي اللي طالعني بنظره خبيثه وتقول ::: هو الدخول الحمام زي اخروجه
وآنا اللي انزلي دمعتين ابي اكسر خاطرها ابيها تتركني :eh_s(16):
وهيي اللي طير لي حواجبها اقولج تعاااااالي << قلبها حجر
وآنا اللي ادش مغصوبه عليه لأنه فدفد ماسكتني من عبايتي وتسحبني
استسلمت للامر الواقع قلت يالله مره وتفوت ولا حد يموت وهي بعد تجربه بالعمر
وقومي يافدفد وسجلي اسمي وقالت لنا الموظفه استريحوا لمى يجي دوركم
<<~ ومن يومها صارت بيني وبين الموظفه عداوه وكره ليه ما قالت مافيه حجز
وجلسنا بالصاله وطبعا الصاله مليانه زباين وآنا ساكته منصدمه ودعي على فدفد بقلبي والزباين داشين طالعين
وطال انتظاري وآنا الغالي اترجاك <<~ يويوووو أسفه اندمجت مع الاغنيه
أي عاد أقولكم
وطال الانتظار و آنا ولا كلمه <<~ أفكر بالمفاطيح والرز اللي بيروح كله من هالدكتور
الموووهييييم
سكتَ دهراً ونطق كفراً <<< وياليتي ما تكلمت
كان ألتفت على فدفد وسألها ذاك السؤال اللي عقب نقدت على نفسي
قلت : الحين الدكتور داخل عنده ميزان ؟؟؟ <<<< بكل عفويه
كان طالعني فدفد بنظره استهزاء
قالت : لا عنده شاكوش !!
قلت : لا صج ؟ << على نياتها
قالت : لا هو يسألج اذا انتي حاسه نفسج ضاعفه هالاسبوع أو لا ؟؟؟ <<<< تقولها وهي ناقده
قلت : صج عاد ؟؟ << مصدقه
قالت : اكيد عنده ميزان اجل شلون يعرف انج ضعفتي او متنتي هالاسبوع ؟؟!!!!!! << معصبه
وطال انتظارنا < وحسيت بالجوع
قلت فدفد بقوم اشتري لي عصير من البقاله تحت << بنبرت حزن ووجهه بائس
مارضت وحلفت لها راح ارجع وجابت القرآن وحلفتني عليه
ووقعتني على شيكات بدون رصيد وشهددت الحضور <<< ~ يمه يمه من صواريخج
وطبعا جردتني من كل شي اخذت جنطتي وتلفوني وعطتني دينار وقالت يالله روحي اشتري عصير وتعالي
وانزل للبقاله وآنا كلي بؤس واشتريلي عصير و2كرواسان وكت كات وبسكوت <<< حدي بايعتها هذا وآنا المزاج مش ولا بد كيف لو كان عالي هع
وصعدت واقوم و اطلع العصير وابطله طبعا فدفد ساكته ماتدري عن الخافي هههههههه
_03BA:
وآنا اكمل واطلع الكرواسان والكتكات والبسكوت وقعد أكل ههههه طبعا فدفد هني ودها تذبحني
كان تلتفت علي وتقول : خبله انتي مهبوله الحين جايه عند دكتور رشاقه وقاعده تاكلين كرواسان وعصير وكت كات وبسكوت << معصبه
طيب راعي شعور الموجودين هالكين أنفسهم وانتي تاكلين قدامهم << معصبه
قلت : جوعانه شسوي ؟ << بكل براءه
المهم وندش على الدكتور يوم شافنا جان يرحب فبنا ويقول هلاً بنتي يقصد فدفد ويلتفت علي هلا ياحجه <<~ اقول بقلبي حجة ..؟؟؟
ومن يومها وآنا كارهته وصارت بينا عدوا >>> ~ هذا وآنا فرقي على فدفد بس سنة
ويعطيني وصفة أكل لمده اسبوع وقالي امشي عليها والاسبوع الجاي موعدج
قلت يالله بأمشي عليها وامري لله <<<~ مسالمه
ويعدي اليوم الأول بسلاااام
ويعدي اليوم الثاني ببعض من الاصابات الخفيفه
ويعدي اليوم الثالث ببعض من المناوشات والمعارك اللي ادت إلي حروق من الدرجه الأولى <<~ شـكــوووو هههههه
ويجي اليوم الرابع وآنا جالسه بالصاله بروحي وإلا أشوف ولد حماتي يحبي قدامي وآنا اللي اتخيله ساندويشة نقانق
وآنا اللي اطمر عليه وعضه كان يبكي البزر كان استوعب وأهج لغرفتي
ويجي اليوم الخامس والحاله كسيفه وتتصلت علي فدفد قالت تبي تزورني قلت حياج الله <<< ~ بصوت خبييث
ووصلت فدفد وآنا اللي اسلم عليها وأرحب فيها وأدخلها الصاله وهي تمشي قدامي
تخيلتها دجاجه مشويه تمشي قدامي وتتدلع وتتمخطر وآنا اللي اطمر عليها وعض يدها تخيلتها جناج الدجاجه
قالت : اسم الله الرحمن الرحيم وشفيج ...؟؟؟؟؟؟!!!!!!!! <<~ خااافت
قلت : ولا شئ عادي عادي تجيني هالحاله لها يوميين <<< شاللي حادج على الرجيم
ويعدي اليوم السادس بعد حرب اطلاق صواريخ جو جو وأرض أرض
ويجي اليوم الموعود واروح للدكتور ووزن الا ناقصه ثلاثه كيلو وآنا افرح
قلت : بستمر عليه لين أوصل XL << حدي قنوعه
المووهييييم
في كل مره الزباين هم هم تقريبا وفكل مره كنت انزل كم كيلو وأفرررح
وفي يوم كنت آنا وفدفد قاعدين ننطر دوري ولا تجي هذيك البنت العملاقه < من شفتها وآنا ناقده عليها بس سكت
طبعا ً أول مره نشوفها <<< ~~ هي أول مره وآخر مره اللي شفناها فيها ههههههههه
وتسجل وتجي تجلس جنبنا هي امها داعيه عليها اللي تركت كل الاماكن وجت صوبنا
المهم ركزوا معاي
دق تلفون البنت العملاقه ودار هالحوار بينها وبين المتصل
هي : الووو هلا عمه << بصوت خشن >>>> للحين شاكه فيها ما ادري صوتها شنو ولد بنت جني ههههههههه
المتصل : ..................... <<< ما ندري شنو يقولها لاننا مانسمع
هي : أمي بالبيت وآنا ماخذه تلفونها
المتصل : .......................
هي : آنا عند دكتور الرشاقه
المتصل : .................
هي : طيب الله يسلمج
انتهت المكالمه
قلت بقلبي يالله عمتها واكيد تمون عليها وماتخش عنها شئ
وماهي اللي دقايق ويدق تلفونها << ~ اتعب على وماهي
ودار نفس الحديث
هي : الووو هلا خاله
المتصل : .....................
هي : أمي بالبيت وآنا ماخذه تلفونها
المتصل : .......................
هي : آنا عند دكتور الرشاقه
المتصل : .................
هي : الله يسلمج
قلت بقلبي مره ثانيه يالله خالتها واكيد تمون عليها بعد
ويرجع يدق تلفونها مره ومرتين وعشر ونفس الحوار
قلت بقلبي مستحيل تمون على رفيجات امها وعلى كل من دق حتى الخياط قالته له هي وينها فيه
كان ألتفت على فدفد واقولها الخبلة فلصت وفضحت عمرها ما خلت احد ما قالتلوه انها عند دكتور الرشاقه
هني فدفد فصل ماتت من الضحك وآنا هم ماقصرت فصلت ضحك والكل قام يطالعنا
كان تستوعب فدفد انه الناس يطالعونا كان تسوي نفسها انها توريني مسج بتلفونها نرقع الموقف
<< علبو آنا فيه شي يضحك ولا الصج حنا نضحك على الخبله فلصت على عمرها
الموهييم
جان يدق تلفون العملاقه وتمنت انها ماردت على الاتصال ودار هالحديث
هي : آلووو
المتصل : ..........
هي : يما آنا شسويت ؟
طلعت المتصله أمها هههههههههههههههه
المتصل : ..........................
هي : يمه زين لا تهاوشين << مقصره صوتها
المتصل : ...................
هي : زين زين خلاص يمه قصري صوتج <<< ياكبدي عنها انحرجت
المتصل : ......................
هي : زين زين خلاص مراح ارد على احد
انتهت المكالمه
طلعت امها وتهاوشها وتقولها يالخبله علامج كل من دق عليج تقولين آنا عند دكتور الرشاقه
يالفاصخ الشره مو عليج الشره على اللي موديج يخفف اجنوبج يامال الماحي
<<<<< طبعا آنا ماسمعت الحوار بس اتوقع هالكلام انقال لها هههههههههههههه
المستفاد من القصه :
إذا اعزمتج رفيجتج الصبح لا تلبين الدعوه
وإذا رحتي لدكتور رشاقه لا تعلمين أحد داري على شمعتك تأييد <<< قلبت مصريه
أدري هذرتي ماتخلص بس ترى الدعوه كلها مزووح تجي وتروح
:bye22:
شلونكم جميعاً
عسااكم تزقحون ؟
ادري ازعجتكم بسوالفي اللي متخلص بس شسوي افضفض لكم ومنها تستفيدون من تجاربي
<<~ اللي يسمع تجاربي يقول آنا اللي مكتشفه قانون الجاذبيه الارضيه
الموهيييم
قدر الله علي ذيك السنه وسافرت عند خوالي بالسعوديه <<~ حطي خطيين تحت ذيك السنه يعني بالصيف
وجلست عندهم شـهـر
وطبعاً بالشهر اتغدي واتعشي مفطح ورز بخاري لدرجة اني حتى الصبح قمت اتريق هرفي <<~ قويه ههههه
تعريف الهرفي : خروف في مقتبل العمر يعني عمره بالاشهر
عاد تخبرون اهل السعوديه حزت العصر يحطون لج هالفصفص والبسكوت والحلو اللي سوات يدينهم شغل عدل مدل
طبعاً ما يحتاج اقولكم يوم عن يوم الملابس قامت تضيق علي
وقمت البس خيشة تخيلوا ؟ < عاد ماهيب لهالدرجة ولا كناكو اريتوا حاقة
وردينا من سفرتنا طبعاً فديتوني جت تسلم علي وتحمد لي بالسلامه <<~ طبعا مو لله ولا حبا فيني تبي الصوغه
يوم شافتني ولا تنصدم قالت علامج ليه جذي اخبرج XXL الحين صرتي XXXXL
قلت : تخبرين عزايم وقهاوي الضحى والعصر
واخذاتنا السوالف ويوم جت تطلع فدفد كان تقولي تجهزي باجر الصبح بمرج <<~ ما ارتحت لنظرتها
قلت : على وين قالت مفاجئه << قلت بقلبي يافديتها وربي فدفد عازمتني على الريوق
وأنا أنام ذاك اليوم بدون غداء ولا عشى اخبر عزايم فدفد راهيه قلت علشان أدب بالخمس الصبح
واقوم ذاك اليوم مبكر والبس واكشخ وهي اللي تمرني فدفد بسيارتها
ونطلع قلت لها على وين قال لما نوصل بتعرفين وطلعنا برى منطقتنا وأبعدنا <<<~ وبدأ ابليس يلعب براسي
وآنا الشوف المطاعم تعدي من جنبا وهي ماشيه
ووصلنا تقريبا على مشارف الديره وآنا أشوف الأبراج قلت بقلبي يافديتها اكيد عازمتني فيها <<< تحلمين
كان تلف يسااار قلت : على وين ؟؟
قالت : لما نوصل بتعرفين ....
الموووهييييم
ونوصل عند عماره بشرق وإلا اشوف شركة الرفاعي
<<< جان اطنقر قلت بقلبي الحين مقومتني من نومي وطاقين درب
علشان تشتريلي مكسرات ليه شافتني طول الليل بطلي بيدي وأدردع :eh_s(16):
ونصفط وننزل ودخلنا المجمع وآنا اللي اكمل سيده
قالت : وين رايحه ؟؟؟
قلت : مو للرفاعي !!!
قالت : لا ياقلبي بنصعد الدور ( .... )
قلت بقلبي يا لبى عمرها فدفد بتسجلني بمعهد اللغه انجليزيه اخبرها قايلتلي عن الدورات اللي فيه << تخبرني فاشله بالانجليزي
ونصعد بالاصنصير لدور ( .... ) وآنا اطلع قبلها وأنا اللي اشوف اللوحه بالانجليزي مكتوب عليها معهد اللغة الانجليزيه << يالبى قلبها
كان امشي وألف يمين كان تمسكني من علباي <<< طال علباي من كثر ما تمسكني منوه :eh_s(16):
قالت : وين على الله ؟؟
قلت : بدش معهد اللغة الانجليزيه !
قالت: محد قالج روحي يمين المفاجئه وراي يسار << هع هع هع هع ضحكة خبيييثه
طبعاً ما أشوف اللوحه من بف فدفد كنها شجرة العايله كان اطب رواسي بـ فها
وآنا اللي أوخر أفرع البف و أجدف يمين شمال وأسبح فراشه ولقيت غصن مايل كان اعدله <<<<< يمه يمه من عياااارتج
وأخيراً بينت لي اللوحه وإلا مكتوب [ للرشااقة ] الدكتور ( ................ ) <<< علشان ما تقولون اني اسوي دعايه لوه <<~ ماقصرتي بالوصف هههههههه
جان انصدم وآنا اللي اركض على الاصنصير ابي انزل
ماوعيت اللي فدفد ساحبتني تعالي <<< بضحكه خبيييثه
وآنا اللي اصيح اتركيني بروح بيتنا :eh_s(16):
اقولج تعااااااااالي << معصبه
وآنا افتح الجنطه ابي ادق على احد ينقذني :eh_s(16):
وهي اللي تخمط مني التلفون
وآنا اللي اتوسل لها تكفين فدفد خل نرد البيت :eh_s(16):
وهي اللي طالعني بنظره خبيثه وتقول ::: هو الدخول الحمام زي اخروجه
وآنا اللي انزلي دمعتين ابي اكسر خاطرها ابيها تتركني :eh_s(16):
وهيي اللي طير لي حواجبها اقولج تعاااااالي << قلبها حجر
وآنا اللي ادش مغصوبه عليه لأنه فدفد ماسكتني من عبايتي وتسحبني
استسلمت للامر الواقع قلت يالله مره وتفوت ولا حد يموت وهي بعد تجربه بالعمر
وقومي يافدفد وسجلي اسمي وقالت لنا الموظفه استريحوا لمى يجي دوركم
<<~ ومن يومها صارت بيني وبين الموظفه عداوه وكره ليه ما قالت مافيه حجز
وجلسنا بالصاله وطبعا الصاله مليانه زباين وآنا ساكته منصدمه ودعي على فدفد بقلبي والزباين داشين طالعين
وطال انتظاري وآنا الغالي اترجاك <<~ يويوووو أسفه اندمجت مع الاغنيه
أي عاد أقولكم
وطال الانتظار و آنا ولا كلمه <<~ أفكر بالمفاطيح والرز اللي بيروح كله من هالدكتور
الموووهييييم
سكتَ دهراً ونطق كفراً <<< وياليتي ما تكلمت
كان ألتفت على فدفد وسألها ذاك السؤال اللي عقب نقدت على نفسي
قلت : الحين الدكتور داخل عنده ميزان ؟؟؟ <<<< بكل عفويه
كان طالعني فدفد بنظره استهزاء
قالت : لا عنده شاكوش !!
قلت : لا صج ؟ << على نياتها
قالت : لا هو يسألج اذا انتي حاسه نفسج ضاعفه هالاسبوع أو لا ؟؟؟ <<<< تقولها وهي ناقده
قلت : صج عاد ؟؟ << مصدقه
قالت : اكيد عنده ميزان اجل شلون يعرف انج ضعفتي او متنتي هالاسبوع ؟؟!!!!!! << معصبه
وطال انتظارنا < وحسيت بالجوع
قلت فدفد بقوم اشتري لي عصير من البقاله تحت << بنبرت حزن ووجهه بائس
مارضت وحلفت لها راح ارجع وجابت القرآن وحلفتني عليه
ووقعتني على شيكات بدون رصيد وشهددت الحضور <<< ~ يمه يمه من صواريخج
وطبعا جردتني من كل شي اخذت جنطتي وتلفوني وعطتني دينار وقالت يالله روحي اشتري عصير وتعالي
وانزل للبقاله وآنا كلي بؤس واشتريلي عصير و2كرواسان وكت كات وبسكوت <<< حدي بايعتها هذا وآنا المزاج مش ولا بد كيف لو كان عالي هع
وصعدت واقوم و اطلع العصير وابطله طبعا فدفد ساكته ماتدري عن الخافي هههههههه
_03BA:وآنا اكمل واطلع الكرواسان والكتكات والبسكوت وقعد أكل ههههه طبعا فدفد هني ودها تذبحني
كان تلتفت علي وتقول : خبله انتي مهبوله الحين جايه عند دكتور رشاقه وقاعده تاكلين كرواسان وعصير وكت كات وبسكوت << معصبه
طيب راعي شعور الموجودين هالكين أنفسهم وانتي تاكلين قدامهم << معصبه
قلت : جوعانه شسوي ؟ << بكل براءه
المهم وندش على الدكتور يوم شافنا جان يرحب فبنا ويقول هلاً بنتي يقصد فدفد ويلتفت علي هلا ياحجه <<~ اقول بقلبي حجة ..؟؟؟
ومن يومها وآنا كارهته وصارت بينا عدوا >>> ~ هذا وآنا فرقي على فدفد بس سنة
ويعطيني وصفة أكل لمده اسبوع وقالي امشي عليها والاسبوع الجاي موعدج
قلت يالله بأمشي عليها وامري لله <<<~ مسالمه
ويعدي اليوم الأول بسلاااام
ويعدي اليوم الثاني ببعض من الاصابات الخفيفه
ويعدي اليوم الثالث ببعض من المناوشات والمعارك اللي ادت إلي حروق من الدرجه الأولى <<~ شـكــوووو هههههه
ويجي اليوم الرابع وآنا جالسه بالصاله بروحي وإلا أشوف ولد حماتي يحبي قدامي وآنا اللي اتخيله ساندويشة نقانق
وآنا اللي اطمر عليه وعضه كان يبكي البزر كان استوعب وأهج لغرفتي
ويجي اليوم الخامس والحاله كسيفه وتتصلت علي فدفد قالت تبي تزورني قلت حياج الله <<< ~ بصوت خبييث
ووصلت فدفد وآنا اللي اسلم عليها وأرحب فيها وأدخلها الصاله وهي تمشي قدامي
تخيلتها دجاجه مشويه تمشي قدامي وتتدلع وتتمخطر وآنا اللي اطمر عليها وعض يدها تخيلتها جناج الدجاجه
قالت : اسم الله الرحمن الرحيم وشفيج ...؟؟؟؟؟؟!!!!!!!! <<~ خااافت
قلت : ولا شئ عادي عادي تجيني هالحاله لها يوميين <<< شاللي حادج على الرجيم
ويعدي اليوم السادس بعد حرب اطلاق صواريخ جو جو وأرض أرض
ويجي اليوم الموعود واروح للدكتور ووزن الا ناقصه ثلاثه كيلو وآنا افرح
قلت : بستمر عليه لين أوصل XL << حدي قنوعه
المووهييييم
في كل مره الزباين هم هم تقريبا وفكل مره كنت انزل كم كيلو وأفرررح
وفي يوم كنت آنا وفدفد قاعدين ننطر دوري ولا تجي هذيك البنت العملاقه < من شفتها وآنا ناقده عليها بس سكت
طبعا ً أول مره نشوفها <<< ~~ هي أول مره وآخر مره اللي شفناها فيها ههههههههه
وتسجل وتجي تجلس جنبنا هي امها داعيه عليها اللي تركت كل الاماكن وجت صوبنا
المهم ركزوا معاي
دق تلفون البنت العملاقه ودار هالحوار بينها وبين المتصل
هي : الووو هلا عمه << بصوت خشن >>>> للحين شاكه فيها ما ادري صوتها شنو ولد بنت جني ههههههههه
المتصل : ..................... <<< ما ندري شنو يقولها لاننا مانسمع
هي : أمي بالبيت وآنا ماخذه تلفونها
المتصل : .......................
هي : آنا عند دكتور الرشاقه
المتصل : .................
هي : طيب الله يسلمج
انتهت المكالمه
قلت بقلبي يالله عمتها واكيد تمون عليها وماتخش عنها شئ
وماهي اللي دقايق ويدق تلفونها << ~ اتعب على وماهي
ودار نفس الحديث
هي : الووو هلا خاله
المتصل : .....................
هي : أمي بالبيت وآنا ماخذه تلفونها
المتصل : .......................
هي : آنا عند دكتور الرشاقه
المتصل : .................
هي : الله يسلمج
قلت بقلبي مره ثانيه يالله خالتها واكيد تمون عليها بعد
ويرجع يدق تلفونها مره ومرتين وعشر ونفس الحوار
قلت بقلبي مستحيل تمون على رفيجات امها وعلى كل من دق حتى الخياط قالته له هي وينها فيه
كان ألتفت على فدفد واقولها الخبلة فلصت وفضحت عمرها ما خلت احد ما قالتلوه انها عند دكتور الرشاقه
هني فدفد فصل ماتت من الضحك وآنا هم ماقصرت فصلت ضحك والكل قام يطالعنا
كان تستوعب فدفد انه الناس يطالعونا كان تسوي نفسها انها توريني مسج بتلفونها نرقع الموقف
<< علبو آنا فيه شي يضحك ولا الصج حنا نضحك على الخبله فلصت على عمرها
الموهييم
جان يدق تلفون العملاقه وتمنت انها ماردت على الاتصال ودار هالحديث
هي : آلووو
المتصل : ..........
هي : يما آنا شسويت ؟
طلعت المتصله أمها هههههههههههههههه
المتصل : ..........................
هي : يمه زين لا تهاوشين << مقصره صوتها
المتصل : ...................
هي : زين زين خلاص يمه قصري صوتج <<< ياكبدي عنها انحرجت
المتصل : ......................
هي : زين زين خلاص مراح ارد على احد
انتهت المكالمه
طلعت امها وتهاوشها وتقولها يالخبله علامج كل من دق عليج تقولين آنا عند دكتور الرشاقه
يالفاصخ الشره مو عليج الشره على اللي موديج يخفف اجنوبج يامال الماحي
<<<<< طبعا آنا ماسمعت الحوار بس اتوقع هالكلام انقال لها هههههههههههههه
المستفاد من القصه :
إذا اعزمتج رفيجتج الصبح لا تلبين الدعوه
وإذا رحتي لدكتور رشاقه لا تعلمين أحد داري على شمعتك تأييد <<< قلبت مصريه
أدري هذرتي ماتخلص بس ترى الدعوه كلها مزووح تجي وتروح
:bye22:
