يوميات رشيقة الغد ✌

[Madrideya ~]

السلام عليكم ورحمه الله وبركاته



هني راح تكون يومياتي بإذن الله

اللي تبي تشاركني حياها الله

الميزان كل شهر افضل

هدفي 30 كيلو بطيحهم بحيل الله ?

المده راح تكون 8-9 شهور



تابعوني

 

[Madrideya ~]

النظام اللي راح اتبعه ما ادري لي الحين ما رسيت على نظام معين

احتمال دشتي او نظام السوائل وافضل الثانيه

اول شهر بالدايت معروف انه اكثر شهر نزول بالكيلوات عشان جذي راح استغله بنظام شوي قاسي
عشان انزل نزله قويه ....


رياضتي خفيفه كل يوم مشي ١٥ دقيقه بجهاز الجري
وانزل واصعد الدرج اكثر من مره + اتعلق بحدايد حق الطول ابي جم سم قبل
لا أوصل ال ٢٠ ويوقف النمو

وكل جمعه بما انه أجازه راح أسوي ساعه كامله رياضه

كل يوم لتر ماي او اكثر ما يضر المهم مو اقل من لتر
وبعد اشرب جاي اخضر اربع أكواب يوميا يعني لتر كامل


وبعد ما تتخطى ال٤ شهور الأولى راح استعمل ألأبر اللي تخفف من السيلوليت
وبسوي خلطات طبيعه حق السيلوليت والخطوط البيضاء


وبس


راح ابلش تاريخ ١١-٩-٢٠١٣
وراح انتهي تاريخ ١١-٦-٢٠١٤


( تسع شهور )


ويمكن امدد المده على حسب مقدار النزول بس غالبا ما راح تعدي هالمده
الا وبأذن اللي ما تنام عينه انا أكون محققه ٨٠٪ من هدفي ان شاء الله يا رب

 

[Madrideya ~]

شهرين سوائل

وعقبها راح ابلش دشتي مراحله الثلاث فقط

وبعدها راح امخمخها ب راسي وأشوف باقي الشهور
الأنظمة اللي راح اتبعها

ويمكن يصير تغيرات بالأنظمة المذكورة فوق الله اعلم
بس هذا مبدئيا



والله يوفقني يا رب
ان شاء الله أضعف بصحه وسلامه

 

[Madrideya ~]

راح أستعمل حبوب حق البشره والشعر والأظافر احتمال أخذ لي اوميغا
وحبوب مكملات غذائية ب إذن الله

ابي نزولي يكون صحي وسليم ..
وماكو مانع نستعين بحبوب سد الشهيه بس هذي ماراح استمر عليها طول هالمده
شهرين وأقطها عشان تساعدني بالنزول وباقي المده راح يكون مجهودي الشخصي ����


-

 

[بنت شاهة]

حلوه افكارج وللأماام ان شاءالله ..