يوميات قروب "رشاقة فور إيفر" .. بإشراف (عروجة) ..الرشاقةمضمونة 100% :)

[عروجة]

السلام عليكم ورحمة الله وبركاته


أنا حابه تشاركوني يومياتي وريجيمي .. وراح ألتزم فيه 3شهور ورا بعض .. ومن غير أيام فري .. لأنه أعتقد سوينا فري شكثر وابتلشنا بالشحوم .. وأبي بس بنات تلتزم وتكون حاطه أهداف جدامها .. واللي حابه اتبلش معاي من السبت .. حياها الله والله راح أساعدها .. لأني وربي زهقت من حياتي وأنا بطة :eh_s(16):


وكنت مشتركه بقروب وكتبت فيه يومياتي من يوم 7/5/2011م
وراح أرجع أكتبه بصفحتي وأسوي قص ولصق خخخ مالي خلق أرجع أكتب :eh_s(22):

وراح أحطلكم صور لجميع مشترياتي عشان نستفيد من بعض ..

وراح أحط موعد للميزان واللي أشوفها مانزلت راح تطلع من القروب ..
واللي انزلت .. واعجبتني.. راح أعطيها توقيع القروب يعني خلاص تعتبر موثوق فيها وماتفشلنا جدام القروبات الثانيه :rgewrg:

وأنا راح أزف كل وحدة اتخرب رجيمها وقد أعذر من أنذر :eh_s(14):
واللي شايفه نفسها ماتقدر تدش كل يوم وتشاركنا ولا تقدر تلتزم رجاااااءاً لاتدش إذا سمحتي :eh_s(17):

<< شفيها اسم الله ههههه

بس والله لأني أبيكم تكونون رشيقات لا تزعلون وزهقنا من البنات اللي تحبط :eh_s(22):

وراح أكتب يومياتي من تاريخ 7/5 إلى 12/5 وريجيمي والصور بحطها لكم من الجمعية


وياااااارب تضعف بصحة وعافية :yaaaaaarb:


يلااا ببلش :eh_s(9): تشجيع :eh_s(9):


ولحد يرد بنااات ليمن أخلص الموضوع وأنزل الصور تكفووون :eh_s(7):

 

[عروجة]

وهذا ريجيمي اللي ماشيه عليه ينحف 40كيلو في 3أشهر:

الفطور : - نسكافيه + حليب أو كوفي ميت.


الضحى :- يعني اقل شي بينهم ساعه
(1) كاكاو بالمكسرات ( اي نوع مثل سنيكرز + قهوه او شاي أو دايت بيبسي او دايت سفن).
(2) من 2_4 حبات بسكويت أو بقصم أو شابوره + قهوه او شاي أو دايت.
(3) 2 توست + جبنه او لبنه + طماط وخيار + قهوه او شاي او دايت.
(4)عصير غير محلى او 1 - 2 حبة فاكهه.


الغداء : - سلطه أو تبوله + دايت بيبسي أو سفن مع الاختيارات التاليه :-
(1)صحن مشويات او صدر دجاج أو من1-2 همبرجر أو سمك.
(2) من 3 - 10 ملاعق رز ( عيش ) + قطعة لحم أو دجاج أو سمك.
(3) وجبه سريعه بدون مايونيز + شبس صغير + دايت بيبسي .
(4) بطاطه مشويه.
(5) خضار سوتيه.


المغرب تقريبا الساعه 7 : - اي نوع قهوه +اختيارات الضحى مع التنسيق = يعني الي تاكلينه الضحى مايتكرر المغرب


العشاء : -
سلطه خيار مع روب
او السلطه اليونانيه تتكون من خس + جبن مبشور + طماط وخيار


وطبعاً مو كلهم تآكلينهم تختارين صنف واحد وكل يوم تغيرين عشان ماتزهقين
وأنا غيرت بالعشا استبدلته بالزبادي عشان الإمساك يفيدني الزبادي .. وموفقين

 

[الحراير]

موفقه حبيبتي

 

[عروجة]

أعرفكم بنفسي..
عروجة ... لاتعتقدون عرجة لووول لا والله هالاسم يذكرني بشخص عزيز على قلبي :eh_s(22):
عمري :24 سنة
متزوجة وعندي بنت والعوبه اللي يحفظها لي هي سبب سمنتي
كان وزني قبل لا أحمل 79 وصاااار 107 بعد ماولدت لأنه بنتي جت دبوبه ماشاء الله وبعدها سويت ريجيم نزلني 9كيلو يأسبوعين وبعدها خففت وألحين صار وزني من بعد 10 شهور 98.9
وأنا طويلة وبالعباية كأني رشيقة .. بس من غيرها حدث ولا حرج .. من بعد ماكنت رشيقة والكل ميت على جسمي وطولي .. صرت الجثلة ألحين .. بس والله لأقهر كل وحدة علقت على جسمي .. يعني كنت حامل وكل شي بخاطري آكله وأدري غلط بس غلطة الشاطر بألف وإذا الله كتب لي الرشاقة والله لأحافظ على جسمي وحتى لو كنت حامل لا زم انخافظ على الوزن هذي غلطتنا

وأدري كتبت قصة حياتي .. بس حابة أتقرب من البنات وانسوي قروب حلو .. عشان اتكون قلوبنا على بعض ونضعف بالتشجيع :eh_s(9):


وزني : 98.9
الطول : 173
الهدف الأول : 90 كيلو
الهدف الثاني : 80 كيلو
الهدف الثالث :70 كيلو
الحلم :65 كيلو


:eh_s(15):

​

 

[عروجة]

يومياتي الأسبوع الأول :


يوم السبت 7/5/2011م :
ف:نسكافيه 3 في 1
سناك الضحى :5حبات بسكوت + نسكافيه
غ:تونه بفلفل بملح وشطة +سفن دايت
سناك المغرب: لايوجد
العشاء :2زبادي أكتيفيا بالفراولة


**********

يوم الأحد 8/5/2011م :

ف: نسكافيه 3 في 1
سناك الضحى : توست أسمر بجبن +شاي زعتر
غ : 4همبرغر دياي مشوي + سفن دايت
سناك المغرب : لايوجد
ع :2زبادي أكتيفيا بالفراولة

************
يوم الإثنين : 9/5/2011م
كان فطوري كابتشينو فانيلا مع سكر دايت
سناك الضحى : توست أسمر مع جبن خالي الدسم مع خس وطماط وخيار + شاي مع سكر دايت وكسرة دارسين
وغداي : كباب مشوي + تبولة بس معاها ليمون من غير ملح+سفن دايت
سناك المغرب : قطعة كيك بيوليت + قهوة عربية
العشاء : زبادي أكتيفيا بالفراولة << لذييييذ وينحف ومفيد
************
الثلاثاء 10/5/ 2011 :
فطوري = نسكافيه 3 في 1
سناك الضحى = مااكلت شي انشغلت هههه
الغداء = 2 همبرغر مشوي + تبوله من غير ملح وليمووون وايد مع زيت زيتون نتفه + سفن دايت
سناك المغرب = 4 قطع بسكوت فانيلا صغار + قهوة عربيه
العشاء =2 زبادي أكتيفيا بالفراولة

*************

يوم الأربعاء 11 /5/2011م :
فطوري =نسكافيه 3 في 1
سناك الضحى = ماكلت لايعه جبدي
الغداء=تونه مصفاة من الزيت +سلطة خضراء +سفن دايت
سناك المغرب=كندر بوينو+قهوة عربية
العشاء=2زبادي أكتيفيا بالفراولة

 

[عروجة]

بنات والله أحب سالفة الدفتر والله تضحكون علي أدري بس وربي يشجعني سالفة أكتب وأحط التاريخ ومربع صغير يمه كل ماخلص يوم أحط إكس عليه :eh_s(9):



وهذا الدفتر اللي فيه ريجيمي وال3 أشهر ابي التزم فيهم

أدري جني ياهل على الستيكرز والتسطير هههههههه بس شنسوي المظهر يحفز ومهم :eh_s(22):

وتقبلوا خرابيطي بالريجيم (الدفتر) هههههههههههههههههههههه :eh_s(7):

 

[عروجة]

بنات شرايكم بهذي :eh_s(15):

والله تشجعني ولازم كل يوم أشوفها عشان أشجع نفسي :eh_s(14):




بذمتكم ماتشجع .. شوفي الفرق .. شنو كانت وشنو صارت .. وهذي بعد كبيرة
.. واحنا للحينه بشبابنا وأجسامنا اتجيب المرض .. لا نقدر نتحرك بمرونة ..
وكل مارحنا سوق ولا جمعية انتشكى ارجولي اتعورني ..بالله هالشحوم منو يتحملها .. بس كافي أكل .. والله لاحقين ..:eh_s(16):
كلها جم شهر واتعجي بلمح البصر .. والله يابنات خلونا انحط أيادينا مع بعض
ونستمر واللي حست نفسها ضعفت ادش وتكتب .. وتذكر هالصورة:rgewrg:

 

[الحراير]

عروجه عجبني الدفتر انا قبل كنت اكتب في مذكره صغيره وصج تحسين نفسج تلتزمين عدل

وموفقه حبيبتي

 

[sunshine22]

امبيــــــــــــه

الصوره من صج

يبيله تسوينها توقيعنا لهالموضوع وانا اول وحده بحطه بتوقيعي

يالله تلحلحووو بنات لي متى هالسمنه القررررررررف ولاااااااااااااااا لليوم الفري كل يوم رجيم رجيم والله كريم

وتابعوني بيومياتي

وراح اتابعج واشاركج عروجه

زين طلعتي من الميااات اهم شي

 

[عروجة]

وهاذي مشترياتي للريجيم :eh_s(15): :


سكر تروبيكانا سلم :

مشروبي المفضل وماأستغني عنه :

لذييييييييييذ وحق ريجيم موكا تروبيكانا سلم :

ماأستغني عنه أبد والحمدالله بريجيمي موجود :yaaaaaarb: :

لبن أكتيفيا أحسن شي للريجيم :eh_s(15): واللي ماتهضم معدتها يرجعون لج فلوس ومكتوب بالعلبة خخخخخ :

 

[عروجة]

كيك أمريكانا مسوين عليه عرض عشان حذي خذته للسناك :

وبعد أنواع من المشروبات الساخنة من تروبيكانا سلم :eh_s(15):

وهذا بسكوت وااااو حق ريجيم وربي يسوى مية كاكاو :eh_s(9): :

وهني مكتوب وواضح للريجيم ومافي سكر بس وااو والله طعمه مو مر :eh_s(15): :

 

[فواصل]

اتمنى لج التوفيق

 

[عروجة]

وهذا كاكاو كاندريل بس آخذه إذا دخت حيل وحسيت راسي بينفجر :

واشتريت زبادي أكتيفيا بالفراولة وسادة وأناناس وتفاح أخضر

وهذا اذا طلعت للدوام أحطه بجنطتي (خاص للخارج) :

وهذا هم لذيذ من مركز سلطان مافينز للسناك :eh_s(22): :

 

[عروجة]

وهاذي مشترياتي بالسلة لمن كنت بمركز سلطان .. وناااسة لمن اشتري للريجيم :eh_s(9): :

وهاذي مشترياتي المجمدة عبارة عن :

 

[عروجة]

وفي بعد صور بس مشتريات بسيطة بس خلاص تعبت ودايخة من الريجيم وتعبانه من التعب :ch12:


أنزلهم باجر فديتكم تستاهلون ... وناطرة ردودكم :eh_s(22): واللي تبي تشاركني اتقول وزنها ونبذة عنها والوزن اللي تبيه مع صورة تشجيعية :eh_s(9):

 

["البتول"]

بالتوفيق إن شاءالله


حسااافه والله أنا مشتركه بقروووب بس باااارد ومايشجعون وشكلي بأنسحب منه وأدخل معاج
أبي وحده تشجعني وأشجعها
مع أني أول أسبوع ضعفت 3كيلو
وهالأسبوع ما أدري باجر إن شاءالله أوزن والله يستر

 

[عروجة]

موفقه حبيبتي

أجمعين حبيبتي شاكرة مرورج

 

[عروجة]

امبيــــــــــــه

الصوره من صج

يبيله تسوينها توقيعنا لهالموضوع وانا اول وحده بحطه بتوقيعي

يالله تلحلحووو بنات لي متى هالسمنه القررررررررف ولاااااااااااااااا لليوم الفري كل يوم رجيم رجيم والله كريم

وتابعوني بيومياتي

وراح اتابعج واشاركج عروجه

زين طلعتي من الميااات اهم شي

اختي sunshine


عساني منحرم من طلتج وياريت دايم تشاركيني أكيد .. وأنا بعد متابعج والله دايم أطل عليج .. والحمدالله اي والله افتكيت من المية والله يسهلي أكثر

 

[عروجة]

بالتوفيق إن شاءالله


حسااافه والله أنا مشتركه بقروووب بس باااارد ومايشجعون وشكلي بأنسحب منه وأدخل معاج
أبي وحده تشجعني وأشجعها
مع أني أول أسبوع ضعفت 3كيلو
وهالأسبوع ما أدري باجر إن شاءالله أوزن والله يستر

البتول انا نفسج وألحين سويت قروب يديد لأني واثقة ماراح أخربه وبإذن الله تعالى

وحياج وصدقيني ماراح تخسرين شي .. وبلشي من باجر .. وإن شاء الله باجر نازل وزنج

واكتبي وزنج ونبذة عنج عشان نعرفج أكثر :eh_s(7):

 

["البتول"]

البتول انا نفسج وألحين سويت قروب يديد لأني واثقة ماراح أخربه وبإذن الله تعالى

وحياج وصدقيني ماراح تخسرين شي .. وبلشي من باجر .. وإن شاء الله باجر نازل وزنج

واكتبي وزنج ونبذة عنج عشان نعرفج أكثر :eh_s(7):

هلا ياااقلبي والله هذا شكله اللي بيصير
وأردلج خبر السبت