يوميات قروب رمضاني من 22-7 الى 19-8

[!amorra!]

قوووه بنات

انا قررت اسوي قروب عشان نشجع بعض ونضعف

انا سويت رجيم بروحي ونزلت عشره كيلو خلال 7 شهور وطبعا شويه

لذلك قررت التزم هالمره وابتدي رجيم صح

واحط يومياتي عشان اتجشع وتشجعوني وتستفيدون من تجربتي

راح ابتدي اول اسبوعين رجيم التمر وحليب خالي الدسم بدون اي غش

وبعدها راح ابتدي رجيم البرتقال لمده ثلاث ايام عن تجربه نزلني ثلاثه كيلو بثلاث ايام

اهم شي الالتزام بنات ملينا من المتن نبي ملابس العيد تصير حلوه علينا

طالعوا الاكل وقلوا انته سبب الامراض والشحم

واذا حسيتوا باليوع استغفروا لين يروح الاحساس البايخ

على فكره انا استعمل حبوب سوبر سليم ومعاها مااحس باليوع

وامشي بالمششى ساعه

وراح اصلي التراويح منها اجر ومنها رياضه

وراح اسوي تمارين للايدين والزنود

يلا نبلش من اليوم

الافطار : 7 تمرات او رطب (التمر مايكون سكري)+حليب خالي الدسم

الساعه 11: 7 تمرات او رطب (التمر مايكون سكري)+حليب خالي الدسم

السحور:7 تمرات او رطب (التمر مايكون سكري)+حليب خالي الدسم

النظام الرياضي:

قبل الافطار وبأي وقت تمارين الايدين والزنود اللي اهيا التصفيق للخلف رفع الايدين الاعلى تحريك الايدين بشكل دائري واي حركات فيها تحريك للزنود

بعد صلاة العشا اروح اصلي التراويح وبعدها على طول اطلع للممشى

يعني 8 ونص بكون في المسيد عالتسع ونص اطلع للممشى لي الساعه 10 ونص

شرايكم بالنظام؟؟

اظن راح نطلع عارضات ازياء من وراه

رجاءا مابي اي كلمة تحبيط اللي ماعندها كلمة زينه خل توفرها وتقدر مشاعر العضوات اي كلمة سلبيه راح تنعكس بالسلب على نفسيات العضوات :eh_s(16):

القروب مفتوح للجميع حتى لو شاركتينا متأخر اهم شي انج تبدين قووا ارادتكم وراح تنزلون

ترا انا مخربطه بالسحور كاكاو وبطاط وصمون وكل انواع التخريب :eh_s(9): بس راح ايتدي ان شالله على الفطووور :rerrerek:

 

[!amorra!]

في تجارب وايده لرجيم التمر والحليب خالي الدسم انه نزلهم كيلوا باليوم

وباسبوع 5 كيلو

طبعا مع الرياض انوقع النزول راح يكون اغلبه من الدهن

يعني في ناس تنزل كيلوا عضلات وماي وشوية دهن وهذا ما يأثر عالشكل

بس لما ينزلون كيلو دهن يفرق وايد بالشكل

عشان جذي الرياضه مطلووبه

يعني لو نازله 5 كيلوا دهن جنج نازله 10 كيلو

وgood luck ياحلواات

 

[ام حمد 85]

موقفه يا رب

 

[mrs.abk]

حرام عليج احسه اييب المرض .. ما يصير خاصة الصيام طويل هالسنة ..

الله يهديج حطي لج وجبة خفيفة لو فواكه .. وبتحتاجين بروتين والا انسجة جسمج بتتدمر

 

[!amorra!]

مشكوره عالتحبيط مع انه انا نبهت بس any way المده اسبوعين وماتأثر

 

[!amorra!]

اليوم الاول صبرت الحمدالله مع يتني عروض افطاريه خطيره منها انه نروح لجوكلت بااااااااار <<تحطييم

الفطور اليوم:حليب +5 تمرات

للاسف الرطب خالص من كل مكان

الحمدالله ما احس بيوووع والتمر already يعطي طاقه فماتحسون بخموول

 

[طولت]

مبارك عليج الشهر حبيبتي

وكل عام وانتوا بخير جميعا

ان شاء الله من باجر باديه دايت

لانه كل الامه و العالم اللي حولي تغيرت و ضعفت الا حضرتي

والبنات الي كانوا متني 89 اليوم صاروا 70 و 65 تبارك الرحمن بالعزيمه والاصرار

وفي هالشهر الفضيل سهل الواحد ينزل

راح اتبع رجيم طالب الشمري تبع رمضان ويارب يارب انزل

معاج حبيبتي و الله يوفقنا

 

[جوريه 4]

هلاا خوااتي انا بعد معااكم تعبت من جسمي بعد الولاده وريجيم طالب الشمري قاعده امشي فيه وماشالله مايجووع

 

[!amorra!]

قواكم الله بنات ان شالله نضعف ونوصل للوزن اللي نبيه بسرعه

انا حسيت بفرق بملابسي والحمدالله

 

[Mona Lisa]

ما شاء الله

حبيبتي باذن الله تنزلين بصحه وعافيه وان شاءالله بسوي مثلج بجرب 3 ايام بس ع التمر والحليب وعقب راح اغير

بدخل السلطه والفاكهة والروب

 

[!amorra!]

امين اجمعين

اتوقع لو جربتيه ثلاث ايام راح تكملين عليه لان صج واااو ويشبع

انا خربطت اليوم ماقاوت شكل اللقيمات لول بس كليت حبة وحده

وسويتلي قهوه عربيه عشان اعدل الراس

 

[!amorra!]

اليوم خربطت شوي

كليت كيكه صغنونه من امريكانا وقطعة بونتي الصغيره :\

بس مستمره عالرجيم ان شالله

 

[Aloolah]

انا شكلي بسوي هالرجيم بس بسألج اختي يعني عاادي اكل فواكه او مثلا خيار اذا يعت لان الجسم يحتاج حق لحوم و فواكه ادري ان ٧ تمرات جنها وجبه غذائيه متكامله بس اخاف يأثر على شعرنا و الحديد بالجسم

سوري اذا اذيتج بسألتي

 

[برنسيسه ورده]

هلا حبيتي انا بشااااااااارك معاااااااااااااكن
بديت الرجيم من اول ايام رمضان
يوميا الفطور كان رطب + فاكهه+ لبن فيتال مخلوط بثوم وفلفل وبذره الكتان
وبعدين السحور شوربه الرجيم الحارقه + لبن

وكنت اسوي رياضه يوميا ساعه مشي وتمارين نص ساعه وجسمي كان يتعرق
هي كانت معي الدوره بصراحه عشان كذا ما نزل الوزن ابدا مع انه قبل رمضان خسرت باسبوعين 5 كيلو ( بس ما ضيعت الرجيم وقت الدوره استمريت)
قست مره بعدها ماشفته تغير قلت اعمل رجيم كسر ثبات الوزن وكان كالتالي
رجيم العصير مكونات كالتالى :
4 ليمونات + 2 موز + 8 برتقالات + 4 معالق شاى عسل

الطريقة :
يعصر الليمون والبرتقال ثم يوضع فى الخلاط ثم نضيف العسل و الموز
وتقومين بشربه طوال اليوم ولا تأكلى اى وجبات اخرى اثناء اليومين ..

واليوم هو الثاني من رجيم كسر الوزن وقسته الصبح الحمدلله نزل لانه كان مسبب لي احباااط كبييير بالرغم من هذا واشكر الله ما اكلت شي ثاني ولا خبصت
وراح استمر على التمارين ورياضه المشي
اخلص رجيم كسر الثبات وابدي معاكن من بكره بهذا الرجيم
بس كيف تمر ما يكون سكري؟؟ وضحي رطب ول تمر مخزن

 

[دلوعه كندا]

موفقين..