يوميات passion.666 مع الرجيم الحوامل حياكم الله

[passion.666]

بسم الله الرحمن الرحيم​

شلونكم ياحلوات ولهت عليكم وايد وايد انقطعت عنكم فتره طويله والحين رادتلكم ونتجمع ونضعف على خير وبركه وصحه وعافيه.​

اولا: خلصت الدراسه وحصلت على شهادة الماجستير في مبادئ المحاسبه الحمدالله ربي العالمين
ثانيا: حملت واالحين بالشهر الثالث الله يثبته يارب وزاد وزني من 53 كيلو وصل 75 كيلو :eh_s(11):
ثالثا: بسوي رجيم الحوامل وبنزل يومياتي كل يوم او بيكون يوم وترك علشان بناتي بلشو دراسه حق الأمتحانات الله يوفق جميع الطلبه يارب.​

واللي تبي تشاركني الحامل والغير حامل حياها الله بتجمع باشن وموفقين
وراح انزل يومياتي غداً لأن اول يوم رجيم لي
وموفقين حبايبي​

 

[دلوعه كندا]

بالتوفيق ...

 

[passion.666]

بالتوفيق ...

اجمعين

 

[افهمني تملكني؟؟]

اهلين وينك فقدناك الحمدالله على السلامه مبروك على الماجستير
الله يتتم لك على خير وتولدين بالسلامه
انا كنت اقرأ لك مواضيع بس جد فقدناك وين هالغيبه انا بشوف يومياتك وبشجعك ويارب تضعفين بصحه وعافيه والبيبي سليم معافى بس انتي قللي النشويات وكلي خضار وفواكه وبروتين وحليب هذي تغذي البيبي وماتسمنك
موفقه يارب

 

[iLLuMinaTion]

موفقه

 

[passion.666]

اهلين وينك فقدناك الحمدالله على السلامه مبروك على الماجستير
الله يتتم لك على خير وتولدين بالسلامه
انا كنت اقرأ لك مواضيع بس جد فقدناك وين هالغيبه انا بشوف يومياتك وبشجعك ويارب تضعفين بصحه وعافيه والبيبي سليم معافى بس انتي قللي النشويات وكلي خضار وفواكه وبروتين وحليب هذي تغذي البيبي وماتسمنك
موفقه يارب

حبيبت قلبي انتي انا مشتاقتلكم وايد انتو اهلي وحبايبي
وان شاءلله انزل يوم اخر الليل يومياتي

 

[passion.666]

موفقه

اجمعين

 

[auoma]

وينج غايبه كنت اتابع يومياتج
بس شلون توج بالشهر الثالث وزنج زاد من٥٣ لي٧٥
اخاف قصدج٥٧ كيلو
مو معقوله٢٢ كيلو من صجج ولا غلطانه بالرقم

 

[passion.666]

وينج غايبه كنت اتابع يومياتج
بس شلون توج بالشهر الثالث وزنج زاد من53 لي75
اخاف قصدج57 كيلو
مو معقوله22 كيلو من صجج ولا غلطانه بالرقم

هلا قلبي والله انا ولهت عليكم
زياده تخرع صح لا ياقلبي موغلطانه
من 53 الي 75 كيلو واللي يضيق الخلق زدت 76 كيلو زدت كيلو امس موعدي الطبيب قست وزني وزايده كيلو
اللي خله يزيد وزني الحقن اللي أخذها للحمال كلها هرمونات فطبيعي الوزن يزيد وحاليا اخذ ابر السيوله
فلازم انزل وزني مع رجيم او اكل صحي يناسب الحمل مايضر الجنين

 

[passion.666]

بسم الله الرحمن الرحيم

الأحد
21/5/2012

اليوم قمت متأخر ماتريقت معدتي تعورني لازم واجباري لما اقعد من النوم استفرغ عزكم الله
اليوم ماتريقت نهائياً

تفاجئة اليوم ابو العيال قالي اليوم نبي نغير جو ونتغدا بره مع العيال
بيني وبين نفسي ضاق خلقي لأن ببلش رجيم
المهم طلعنا وتغدينا بره في مطعم جوني كارينوز
فكان غداي سلطه وطبق دجاج مشوي مع خضار وعليه صلصه وكان معاها قطع معكرونيا محشيه بجبنه بس ما أكلتها لقطت المعكرونيا واعطيتها حق بنتي وشربت دايت بيبسي

​

العشا
عصير رمان​

 

[passion.666]

وينك تشجيعكم يابنات
ادري انكم اتابعوني من بعيى
بس ابي تشجيعكم
ابي نصايحكم
ابي انتقاداتكم
ومشكورين ​

 

[passion.666]

اليوم الثاني

الريوق
عصير سيزر برتقال مع جزر وجبنة سلايس قليلة الدسم
وشابوره

 

[passion.666]

الغداء
نص كوب عيش وربع دجاجه مشوي وكثرة من السلطه ودايت سفن اب

 

[BiiShOoO]

الف مبرووووك التخرج و الحمل

و بالعافيه ما كليتي


انا بشارك معاج بالريجيم

اليوم انا صايمه

و بتفطر ان شاء الله

3 تمرات و قلاص لبن

عقب صحن صغير شوربه و 2 كباب و سلطه خضرا

 

[مس هنادي]

ياحياتي الف مليون مبرووووووووووووووك على الحمال والتخرج والله يقومج بالسلامه ويرزقج بالولد البار الصالح

الصراحه الزياده قويه حرام تعبتي على مانزلتي وزنج

المهم الحين نظمي اكلج واكلي اكل صحي

 

[passion.666]

ياحياتي الف مليون مبرووووووووووووووك على الحمال والتخرج والله يقومج بالسلامه ويرزقج بالولد البار الصالح

الصراحه الزياده قويه حرام تعبتي على مانزلتي وزنج

المهم الحين نظمي اكلج واكلي اكل صحي

هلا حبيبتي مس هنادي
شخبارج . الله يبارك فيج وطولي بعمرج
صح كلامج الزياده قويه لأن كنت اخذ علاج قبل الحما وأثناء الحمل
المهم ان الله يثبت حملي ان شاءلله
وانا متضايقه من وزني اول مره يوصل وزني للرقم القياسي لأن في حمالي بناتي الثلاثه الله يحفظهم اضعف يوصل وزني بالأربعينات بس الحمله غير لأن قبلها كنت مسقطه مرتين فالدكتور معطيني علاج
الحمدالله على كل حال
عشان جذي بلشت اكل نظام غذائي وصحي وخفف من الأكل مابي ادخل الثمانينات
يرب اضعف على صحه وعافيه

 

[passion.666]

العشاء
بسكوت الرجيم
وشاي من غير سكر

 

[passion.666]

اليوم الثالث
الريوق
شابوره جبن قليل الدسم وعصير برتقال فرش

​

 

[shi5t al zain]

الله يهون عليج ان شاء الله وتولدين بالسلامه بس اهم شي تلتزمين برجيم صحي والاهم ان يكون حق حامل مو اي رجيم لان المهم ان الواحد يضعف بس ما يخسر صحته

انا بعد زايد جم كيلو مع الحمل والولاده وقاعده احاول اطيرهم بس الاراده ساعات تضعف الحين باقيلي 8 كيلوات وارجع وزني القديم

 

[shi5t al zain]

وعلي فكره مو كل شي يبيعونه بقسم الرجيم يعتبر حق رجيم ترا هالبسكوت لو تقارنينه بأشياء ثانيه راح تلاقين ان سعراته وايد اذا تبين بسكوت حق الرجيم اخذي ماري المدور جيس واحد او جيسين وهذا يعتبر وجبه مع الجاي او الحليب