يوميا @ سجلي حالتج النفسيه اهني@متزوجات حيااكم@

[قموووره]

http://youtu.be/CRScWSvdYjA​

 

[Patcholli]

قموره انا ماكو فايده يقعد بوزار وفنيله واذا كشخ رش عطر

والله كبته طافح من البجايم كل وحده احلى من الثانيه لا ويعني مكشخته شاريتله روب وسليبرز من ماركس وسبنسر الله وكيلج صارله سنه ونص على حطته بالكبت عطيت السليبرز حق الخدامه والروب بشوفله عابر سبيل يتلقفه

 

[Patcholli]

نبوضه عسى دوم الظكحه يارب :d

انثى عاشقه شنو سر الابيض لووووووووووووووول شكله ريلج دكتور ..!

 

[عيون سارة]

خخخخخخ

عندنا وعندكم خير
وانا كنت اظن ان ريلي الوحيد
بومكسر وفنيله
طلع فيه غيره
وباتشولي
انا مثلج كله نظام قمصان ذبحني خخخخخخ

ودي يغير ولا لازم حزام
بس اشوا ما يدخل القميص داخل خخخخخخخ

وعلى فكره شريت له مره بيجامه
نفس نظام الافلم المصريه وروب
ايام شهر العسل على ابو يلسبها
الاخ استحي مني يجاملني يوم كنا عرسنا لبسه ليله
بنص الليل قام واخذ البنطلون يقول يزلق

بعدها فصخ الي فوق
وقعد بالفانيله والسروال
ماكو فايده وليومك هذا
مقطوطه بالكبت
خخخخخ
اقول الحكومه وصلت اشوفكم باجر
هههههه

 

[رق رق]

انا ريلي كشخه عشتو يلبس بيجامات ، الله وناسه

 

[نبض آلخفوق]

ههههههه .... بآتشولي وياااااج حبوووبةة

 

[Patcholli]

لووووووووووووووووووووووول حتى انا الحكومه قاعده جبالي بالمكسر والفنيله .. استغفر الله يعني كاشخ لابس مكسر بدال وزار ..

 

[قموووره]

باتشولي شغليله الرابط الي حطيته
دعاية ابندرادو هههههههه​

 

[قموووره]

تدرين ترى العمر بعد له دور يمكن ريلج عود؟ مال اول ؟ انا ريلي مخضرم ​

 

[آلجفوول ~]

شادن في صفه حلوه حنون بس مع البخل كل شي لايطاق

ويسلمووو ع المواساه

*


صببببببببببببببببببببباح الخيييييييييير ياصباياا

 

[ماني من الناس]

خخخخ يحليلكم

انا ريلي لما اقول له البس قميص ونكتاي كني سابته

يقول لي ليش توي شباب ليش البس رسمي خخخ

تكلمينهم في موضوع يردون لج بشي ثاني

 

[Patcholli]

لوول قموره اي يعني نوعا ما شايب بيني وبينه 10 سنين خخخخخ << والله لو يقرى يمصع رقبتي

امس اعد الشيب اللي بلحيته امبيه قاعد يشيب ههههههههههههههههههههههههههههههههههههههه البضاعه مغشوشه بسرعه انتهت الصلاحيه

 

[ماني من الناس]

خخخ انا وريلي قد بعض

عمره ٢٣

 

[قموووره]

الشيب وقار وانا اختج بعدين احسن لمه يصير فرق بينج وبينه جذيه عمره ما يشوفج كبرتي
احسن

الله يهديه ويسخره لج ويلبس لج كرفته ويسويلج فرق بعد يعني كشوخي ​

 

[قموووره]

ماني من الناس طلعتي توج نونو
عسى ربي يسعدج ويتمم عليج حبيبتي​

 

[Patcholli]

لووووووووووووووووووووووووووووووووووووووووول

واناديه يانقاتي انفخ البلالين عشان عيد الميلاد

منمن العمر كله حياتي فديت الكتاكيت اتصدقون انا من كملت 24 سنه قمت اضيع بالحسبه الحين مادري جم عمري بالظبط :×


الحين خلصنا من سالفة المكسر .. شنو الحل مع سالفة الشخري اللي كل يوم ما انام بسبته

والله ساعات اداوم مواصله من الازعاج

مسكين حبيبتي مادري شفيه لحميه ولا شنو بالظبط

 

[Patcholli]

مشتهيه هذا

 

[انثى عاشقة]

قمورة الدعاية مو صج هههههههههههههه
يبي لنا نوزعها برودكاست عليهم جود يبطلون المكسر والفانيلة
ترى ريلي مو كبير توه وصل 30 يعني عز الشباب مو كبير
بس بس مدري شسالفة الثياب البيضة معاه

باتشولي لو دكتور اعذره
شغله بالبترول بس مدري شفيه مع الثياب البيضة
اذكر بأيام الجامعة وحدة اشتكت للدكتورة بالمحاضرة قالت زوجها
يلبس ثياب لون واحد واذا بغى جدد ويكشخ يرجع يشتري نفس اللون
خخخخخ
انا وقتها وناسة شقيت الضحكة
مدري اني راح انحط بنفس الموقف خخخخخ @@


بعدين تعالي حرام شهالصورة الي حاطتها سعابيلي طاحت
مسوية دايت تكفين لاتعيدينها خخخخخخ


منمن زوجك توه مراهق خليه يستانس بعمره
خخخخخ ​

 

[قموووره]

ويه بعد عمري والله عاد كاهو عندي هذا ما استغنى عنه

باتشولي في لزقات بالصيدليه يحطونها على الخشم قبل النوم تمنع الشخير
عاد الي عندي مكينة طراااد​

 

[انثى عاشقة]

باتشووو << دلع جديد
الشخير حله انك تسجليه وسمعيه السمفونية الصبح
انا ريلي بدا يشخر مع تعب الدوام قلت له بسجل صوتك واسمعك
قال لاتكفين اذا حسيتي اني اشخر بس دزيني ع خفيف
اصحى وابطل شخير
خاف
:krkrkr::krkrkr:​