يوميا @ سجلي حالتج النفسيه اهني@متزوجات حيااكم@

[طالبة انجلش]

السلام عليكم
شلونكم بنات بالي وربي واحشيني حييل
شادن وام الدرر وفولو وقموره وملكه مشتاقتلكم
ام خزامى عظم الله اجرج واخر الاحزان ان شاء الله

 

[Zinab BH]

صباح الخير بنات عساكم بخير
عدنا و العود احمد
عدنا عقب ماتكسرت تكسر
رايحة مسبح و طحت فيه على يدي و تكسرت تكسر توني اليوم منتعشة

ام الزوز البقى براسكم والله حزنتيني يوم قريت البرودتكاست ماتخيل ان الفرحة تنقلب عزا الله يمسح على قلوبكم و يعطيكم الصبر و الله اذا احب عبداً ابتلاه وهذا ابتلاء و اختبار من الله سبحانه وتعالى

ام الدرر حياااتي وحشتيني جداااااااااا اهم شي استانستو و غيرتو جو و عادي عادي العواصف و المشادات ضرورية والا ماتحلى السفرة بدونها خخخ

 

[قموووره]

مرحب الساع
شلونكم عساكم بخير
زنوب بعد عمري ما تشوفين شر اجر وعافيه يا قلبي يعله بالي في بالي ولا فيج​

 

[قموووره]

شخباركم بنات نفر نفر شدون شلونج حبيبتي
ام الدرر والله لج وحشه ,,, شلونج حبيبتي عساج بخير؟​

 

[Zinab BH]

هلا قمورة حبيبتي شخبارج شمسوية الشر ماايج ان شاءالله
على ان للحين متكسرة بس يعله اللي في بالج ان شاءالله خخخخ شمسوية وينج غاطى محد

 

[شادن33]

هلا قمووووور شلونج بعد عمري
طالبه شلونج مع الوحام انشالله خف عنج !!
ام الدررر لازم السفر فيه مناوشات ومناورات المهم الطناااااش عشان نستانس
زنووووب وااااي حبيبتي كلشي ولا الطيحاااات أخاف منها انا امشي واطيح جم مره طايحه بالبيت وجدام اللي يسوي واللي مايسوى هههه

اذكر مره رأيحه مع أمي اشتري مواعين ولحافات مادري شنو ولابسه كعب شكبره بس الكعب العريض الضعيف ما اعرف له خخخ
وانا قاعده ااشر على اللحاف اللي ابيه حق راعي المحل عطني ذااااك وامشي خطوه جدام ولا في رفعه ما شفتهااا جااااان طرباااااااااخ وأمي واعليه تبي تمسك ايدي
جان ايرها معاي اشوي واطيح فوقي جان تهدددد ايدي ههههه ياروح مابعدك رووووح

طحت طيحه تفشل كل ريل بصوب والله الهندي رحم حالي وخاف ماما في شي واعليا كان بيعطيني اللحاف ابلاش من الخرعه هههههه

 

[شادن33]

ومره مع مرت اخوي طالعين من الجمعيه ورحت صوب النزله اللي يدزون فيها العربانات
وكنت لابسه كعب فلين مادري منو راش ماي جان طربااااخ اسوي شقلبه اماميه واللي مايشتري يتفرج ههههه
مرت اخوي انحاااااشت لوووول


ما ادري هل المشكله من ريلي ولا من الكعوب التعبانه اللي البسهم الله اعلم !!!

 

[Zinab BH]

شدوووون خخخخخخ طحتي و طيحتي امج معااااج اااخ منج جان زين خذيتي اللحاف بلاش على هالطيحة خخخ
انا الله لا يبلاج اليهال مسوين حلبة رقص في هالمسبح عاد محد طاح الا انا و على الدرج بعد طربخ طاااخ
و ريلي أزرني بعد طاح بمثل المكان بس على ظهره عاد اشوة تلفونه بجيبه الا ورا طاح عليه و تكسر التلفون تكسر حتى البطارية تكسرت اقول له اشوة في التلفون ولا فيك جان الحين ظهره انكسر نصين او الحوض عنده تكسرت كفاية انا متكسرة مافيني شدة اثنين خخخخخ
تصدقين عندي موعد اسنان عقب نص ساعة ولا قمت من مكان خخخخخ مأجلته بعد والله صرت اكره اروح العيادة يا رباااه لاعت جبدي ثلاث سنين وية هالتقويم شكله ناوي مدى الحياة وياه
خواتي ثنتين حطوه و شالوه وانا للحين لكن خرعته قلت له انا كلها جم شهر و مسافرة خلص شغلك سريع خخخخخ

 

[Zinab BH]

ياشدون شكلها المشكلة من الكعوب اللي تلبسينها يبى لا تلبسين لا ينكسر ظهرج اخر شي خخخ انا ماللبس الحين كعب والسبب ريلي اطول مني بشوي خخخخ الحين قاطعت الكعب اهئ اهئ اهئ زماااان كنت اللبس كعب اطول من ويهي

 

[Zinab BH]

يلا بشرد من الشغل بروح العيادة ... وجعلنا من بين ايديهم سداً و من خلفهم سداً فاغشيناهم فهم لا يبصرون ... شردددددة

 

[شادن33]

الله يسهل امووورج زنوووب

 

[امـ خــزامـى]

يااقلبي تسلمووون وربي لايفجعكم بغالي



وسلااامتك زنوووووب عاد طيحة المسبح قويه
الحمدالله اللي مااتكسرتووا


وشدووون ضحكتيني ربي يسعدك


ياختي لاتلبسين كعب وش اللي يحدك ههههههههه



طالبه كيفك ان شاءالله مرتااحه ؟


ام الدرر الحمدالله على سلامتكم اشتقنالك

والحمدالله معكم عيالكم ولا كان صدق انواع العواااصف


فوفو وبيري وباتشو وملكه وقمور وباقي الحلوات كيفكم ؟ظ

كلي دلع وينك ؟

 

[فوفو22]

هلا وغلا بالحاضرين

وبالغايبين

عسى الله يردهم بالسلامه

هالايام لويه عشان قرب المدارس

وكل عام دراسي وانتو وعيالكم بخير ونجاح وتوفيق

فوفو

 

[Zinab BH]

اصبحنا و اصبح الملك لله الواحد القهار
حالتي النفسية يوعانة ابي اطلع اتريق بس البنت اللي وياي في الدوام ماتشجع على هذااا ولا بعد اسناني يألموني ماقدر اكل اهئ اهئ كل شي ولا الاكل في حياتي

ام الزوز الله يسلمج و يسلم غاليج .. شخبار زوزا معاج الحين هدأت شوي والا للحين تحووس

 

[Zinab BH]

غبرة مسوية مصيبة شوي ابوي عاطني الماستر كارد مالته و قمت اشخط فيها خخخخخخ
عاد انا نسيت سالفتها و رجعتها لابوي عاد مطرشين له البيل و التأخير خخخخخ وانا اعلنت افلاسي من معاشي
و مابي ابوي يدفع و شيخ الشباب مو عارفة اقوله اسحب لي طاقني الحيا مرة وحدة ككككك ياربي قدرني على فعل الخير مرة وحدة طقني الحيا والا هذي مو من عوايدي هات هات هات
بس لان خاشة عنه ان مستخدمة فيزة ابوي اخاف يكفخني خخخخخ صج صج حبل الجذب قصير اهئ اهئ اهئ
يلا خل اتنحنح وادلع الصوت واتصل في ريلي خخخخ دعواتكم

 

[Zinab BH]

و تمت العملية بنجاح خخخخ

 

[ام الدرر]

السلام عليكم
الحالة النفسية
متكسره ومتليشة
البارح رحت عرس
وطلعت كل زيراني
سامري بداوي نقازي
لوما الفشلة ماعرف شرقي جان رقصت بعد ​

السلام عليكم
شلونكم بنات بالي وربي واحشيني حييل
شادن وام الدرر وفولو وقموره وملكه مشتاقتلكم
ام خزامى عظم الله اجرج واخر الاحزان ان شاء الله

عليكم السلام ورحمة الله
تشتاق لج العافية
حبيبتي
انتي شلونج مع النساة والحمل​

 

[ام الدرر]

صباح الخير بنات عساكم بخير
عدنا و العود احمد
عدنا عقب ماتكسرت تكسر
رايحة مسبح و طحت فيه على يدي و تكسرت تكسر توني اليوم منتعشة

ام الزوز البقى براسكم والله حزنتيني يوم قريت البرودتكاست ماتخيل ان الفرحة تنقلب عزا الله يمسح على قلوبكم و يعطيكم الصبر و الله اذا احب عبداً ابتلاه وهذا ابتلاء و اختبار من الله سبحانه وتعالى

ام الدرر حياااتي وحشتيني جداااااااااا اهم شي استانستو و غيرتو جو و عادي عادي العواصف و المشادات ضرورية والا ماتحلى السفرة بدونها خخخ

سلامات زنوب
خطاج السو حبيبتي

ما يوحشكيش وحش ياحبيتشي
اي والله بهارات ​

 

[ام الدرر]

شخباركم بنات نفر نفر شدون شلونج حبيبتي
ام الدرر والله لج وحشه ,,, شلونج حبيبتي عساج بخير؟​

حياتي انا بخير يسلم عمرج
انتى اللي وحشيتنا
ما تتصورين شكثر فرحت يوم شفت ردود لج
الحمدلله ع السلامة كفاره يامعلمه​

 

[ام الدرر]

ام الدرر الحمدالله على سلامتكم اشتقنالك

والحمدالله معكم عيالكم ولا كان صدق انواع العواااصف


فوفو وبيري وباتشو وملكه وقمور وباقي الحلوات كيفكم ؟ظ

كلي دلع وينك ؟

الله يسلمج حبيبتي
اي والله تعودنا ع العواصف
بس على مين طنش تعش تنتعش ​