يوميا @ سجلي حالتج النفسيه اهني@متزوجات حيااكم@

[وردة متفتحة]

وره حبيبتي اقصد بكلامي ان اذا انشغلتي بنفسك واحترمتي ذاتك ودلعتيها انت جالسه ترسلين مسج لزووجك
انك تحترمين ذاتك وتقدرينها وطبعا اذا وصل له هالمسج شي طبيعي بيحترم رفباتك ويدلعك


فهمتيني ياحلوه

إيوة فهمتك ربي يحفظ لك خزوم وأبوها ومن تحبين آمين

 

[Patcholli]

صباحوووو

شخباركم بناااااااااااااااااات ؟؟؟

عسااااااااااااااااكم بخيــــــــــــــــــــــــــــــــــــرر ..؟؟


امس عقب ماكلمتكم الظهر

كنت قاعده جبال ريلي ومجابله اللاب توب


مره وحده جان ينفجر البركان وقالي اشفيج متغيره ؟؟

قتله شنو ليش متغيره ؟؟؟ اشفيني ..؟؟

قالي نفسيتج صايره خايسه ..؟؟

قتله ليش ..!! انا ..!! شسويتلك بعد ..!!

طباخ وطابختلك احلى غدا و بيتك نظيف ومرتب وكاني قاعده جبالك ليش نفسيتي خايسه ؟؟

شنو شفت مني اليوم ؟؟

جان يقول لا اليوم مافيج شي

قتله وامس ؟؟

جان يقول لا حتى امس

قتله اشفيك عيل ؟؟

جان يقول مادري احسج متغيره

قبل لما اطلع تدقيقين تبيني اي عندج وتحنين الحين طناش

قتله اي بس خلاص انت ماتبي تقعد بالبيت ماحب اظغط عليك ..!!

طبعا كنت اتكلم فبرود وانا اظحك واتبسم لوول فيني ظحكه احس سويت انجاز

جان يقول امبلا انتي متغيره ماتحبيني نفس قبل

طبعا اهني مارديت وبس ابتسمت

زين حسيت انه حس على دمه شوي وقام يلاحظ اني اقدر اعيش واشغل روحي بدونه

وبليل طلعنا وتعشينا وغيرنا جو وانا كنت عادي اسولف واظحك معاه واهو جنه احد كافخه يقول شاللمينونه الي كلساعه ويه ..!!

 

[Patcholli]

بنات شنو احسن علاج حق اثار الحبوب والجروح ؟؟

كانت طالعتلي حبه على خدي وتعور من زمان مو طالعلي جذي خبري بهالسوالف من ايام المراهقه

من كثر ماتعور بطيتها والحين تحسفت احس صار جرح واثر :<<<<

شسووووووووووووووووووووووووووي

 

[شادن33]

ههههههه باتشوووو يننتي الرياااال خخخخ

 

[شادن33]

باتشوووو حطي مرهم ميبوو
وحق الحبوب الناقزه لاتبطينها أخذي من بودي شوب زيت الشاي غرشه صغيره وحطي نتفه ع الحبه تنكمش رويدا رويداااا

 

[Patcholli]

اي شدون خليته يخاف اني اتغير عليه

امس يايبينلي صوغه من البحرين متاي و حلوى بحرينيه

ههههههههههههههههههههههههههه يدري فيني ما اكل هالسوالف عاد قال يبيهم حق الديوانيه

قتله لا حبيبي ولا عود حق الديوانيه من اليوم ورايح ماكو ولا شي حقهم انا اوجب واهما يخربون ريلي



شدون عندي ميبو بس ريحته خايسه ياربي :< يطغي عالعطر والبخور وكلشي

 

[شادن33]

اي ريحته خايسه انا احطه حق شفايفي لما تتقشر روووعه عاد طرزان تلوع جبده من ريحته

لا تحطينه الا لما ينام سبع البرومبه

 

[متواضعة]

باشووولي كفووو علييييج حسي بنشوة الانتصار هههههههههه

عليج بالعافيه المتاي والحلاوه عزت الله رديتي على الرجيم

زنوب لا اهم شي طلعت اللي بقلبي وكيفه اهو مع رده وافكاره مابخلي شي بقلبي الشي اللي مايعجبني بقول مايعجبني لكن بعد بتغافل وبتجاهل مرات ما اركز على كل شي

 

[M!ss CoLoRz]

باتشولي

زين تسوين بس عاد خلج صامدة مو تخقين .. خليه اهوه شوي يلاحقج وانتي بذكائج شوي لاحقيه بدون ما يحس ... الرياييل ما يحبون الا المدوده

بالنسبة حق آثار الحبوب اسرع شي تسوين فيشل بس عاد في مكان محترم .. وابسط شي انتي تقدرين تسوينه التقشير مرتين في الاسبوع وماسكات الويه المنزلية البسيطة وما في اسرع من ماسك الروب والليمون وماي الورد .. اهم شي الماسك فيه لومي او برتقال عشان التفتيح وسالفة الآثار للأسف يبي لها طولة بال ما تروح في اسبوع ولا اثنين

قبل مدة كنت استخدم كبسولات فيتامين e ريحتهم خااااااايسة بس مفعولهم جميل يعني بعد تستخدمينه وقت اللي انتي بروحج .. عاد انا كل مرة اسوي نفس السالفة يخلصون من هني وانسى اشتري منهم مرة ثانية الين ما احد اييب طاري الويه

 

[Patcholli]

متواضعه اي حسيت والله بطعم الانتصار وخصوصا ان انا وايد مسويته يادهينه الحين حس ان هالاشياء الحلوه الي كنت معيشته فيها راح يخسرها بتصرفاته اذا ماتسنع

مس كولورز لا ماراح اخق ان شاء الله لان هالشي وايد ريحني وحسيت اني كنت ظالمه نفسي وايد قبل معني كنت مو مقصره على روحي بشي بس كنت مخليه نفسي بالمرتبه الثانيه وكلشي كنت ابديه اهو على نفسي الحين لا انا بعدين اهو

مس كولورز انا بشرتي اكسترا حساسيه يعني مو اي يطيح علي خصوصا الحوامض انا اكل ليمون حلجي يلتهب والله


مس حق شنو كبسولات فيتامين e شنو نتيجتهم يعني ومن وين احصلهم ؟؟

 

[Patcholli]

واااي معاي وحده مجابلتني عندي بالمكتب صكت راسي بالقرقه
وايد تحن :<

ازمتني ..!!

انزين شايفتني لاهيه باللاب خلاص اوووووشش شووويه

لووووووووووووووووووول

 

[وردة متفتحة]

باتشولي مبروووووووووووووك الإستقلالية وعؤبالي أستقل بذاتي<<<جاري التغيير بإذن الله ..

 

[Patcholli]

لوووووووووووووول ورده حياتي الله يبارك فيج وان شاء الله احنا ورااااااااااااج لين توصلين لهدفج

شنو مشاريعج اليوم ؟؟

 

[M!ss CoLoRz]

فايدته بالنسبة للبشرة حق نضارتها .. يجدد الخلايا ويساعد في علاج آثار الجروح والحبوب واهم شي بالنسبة لي يعالج مشكلة الجفاف خصوصا في الشتا .. عاد وين تحصلينه مادري!!! انا من البحرين وآخذه من صالون عندنا وما جربت غير اللي عندهم نوع الزيت تفتحين الكبسولة وتحطينها في قطنة وتمررينها على الويه .. في حبوب تبلعينها هاي ما اقدر افتي لج فيهم

إذا بشرتج وايد حساسة هني مالج الا تروحين دكتور او تسألين صيدلي

امس جربت ماسك حق النضارة لأنه من اسبوع وانا ويهي سايح واجلح جنه بايقين حلالي والله قمت اليوم الصبح جنه في تحسن قليل بجربه مرة ثانية وبيبين

الماسك (من الانستغرام) ربع قفشة كاكو بودرة ربع قفشة نسكافيه نص قفشة قهوة تركية وقفشة حليب بودرة وتخليطنهم مع شوية ماي .. انا ما كان عندي قهوة تركي فعادلت كمية الكاكو مع النسكافيه .. طبعا ريحة الخلطة ودج تكتينه في كوب وتزيدينه ماي وتشربينه ههه .. المهم عاد جربتها وتشجعت اسويها بعد ... اهيه لازم مرتين في الاسبوع ويصير تحطينها حق يدج او اي مكان في جسمج

فكرت بدل الحليب والماي اخلطه مع روب حق الترطيب .. بس عاد انتي باتشولي لا تجربينها في روحج انا بجربها في روحي واتحمل النتائج

 

[Patcholli]

اي مس كولورز انا وايد وايد حساسه بشرتي

مره جربت حق حبوب ظهري وصفه بالمنتدى اهني وظهري قببببببببببببببببببببب زادو الحبوب وطلعو كبار وتقشر ظهري جنه محترق :<

انا ماخذه انبولات نظاره من المانيا وايد روعه تحسفت مايبت معاي كميه

عندي الحين 3 علب متحسفه استخدمهم هههههههههه نتيجته روعه والله

 

[وردة متفتحة]

شدون عندي ميبو بس ريحته خايسه ياربي :< يطغي عالعطر والبخور وكلشي

هههههههههههههههههه
ضحكتيني من قلب
أنا أستخدم الميبو للمنطقة وأنا نفاس الدكتورة تكون كاتبته لي..وأختي أبدا ما تستخدمه..
لمن ولدت وتنفست آخر مرة عندهم أخوية دخل غرفتي وقال أووووووووووووووووووووف..إيش هاذي الريحة ..ليش فلانة لمن تولد مافيها هذي الريحة تفشلت والله
لوووووووووووووووووووووول

 

[Patcholli]

ماي كولورز شكلج خبره بهالسوالف

:>

انا بعد هالفتره لاحظت ان بداية فرقي صاير متصحر

وقاعده اخذ حبوب اسمهم نيو هير وايد زينين طلع البيبي هير بس ليلحين ماتغطت المنطقه عدل

وعندي عرس والله قاعده احاتي الدكتوره قالتلي هاذا مال تفكير ومحاتاة ماكو فايده اذا ظليتي تفكرين ماراح تنفعج الادويه حتى لو طلع الشعر بيطلع ضعيف

اتصدقين تقول النفسيه اذا كانت اكسلانت ماتحتاجين ادويه ولا دكاتره


بس تقول انتو بالكويت مشكلتكم بالماي والاكل والجو مو نظيف خصوصا من عقب الغزو الماي والهوا صارو فيهم تلوث حتى بعد التصفيه

والاكل كله كيماويات ماكو شي اورقانيك حتى اللي يقولون اورقانيك

عشان جذي حبوب وحساسيه وجذي

 

[وردة متفتحة]

ا
الماسك (من الانستغرام) ربع قفشة كاكو بودرة ربع قفشة نسكافيه نص قفشة قهوة تركية وقفشة حليب بودرة وتخليطنهم مع شوية ماي .. انا ما كان عندي قهوة تركي فعادلت كمية الكاكو مع النسكافيه .. طبعا ريحة الخلطة ودج تكتينه في كوب وتزيدينه ماي وتشربينه ههه .

شهتيني عليه لوووووووووووووووووووووووول

 

[Patcholli]

القرقيه ذبحتني مو قادره اركز معاكم ههههههههههههههههههههههههه


ورده اي كلش انا ماواطن ريحته عندي اظل محروقه ولا استعمله


تصدقون خدامتي هنديه عطتني خلطه واااااااااااااااااااااايد عجيبه حق الحبوب بس عيبها ان فيها كركم يعني تبهذل الدنيا

زيت زيتون وكركم وليمون تخلطينهم ويا بعض وتحطينهم على مكان الحبه تنشف ومع الاستمرار المنطقه تصير فاتحه طبعا تحطينه بليل وتغسلينه الصبح لما تقومين من النوم

 

[وردة متفتحة]

باتشولي

اليوم ناوية أخرج أشتري دفتر أكتب فيه كل اللي في خاطري إن شاء الله..
وإن شاء الله تتبعها خطوات ..بالله ثم بكم حعيش حياتي أحلى وراح أصحح أخطائي نحو نفسي بإذن الله